Macedonia

Групата за процена во ЦУК: Да се продолжи кризната состојба

МАКФАКС - 1 ora 45 min fa

Денеска, во Центарот за управување со кризи се одржа втора седница на групата за процена во ЦУК.

Со седницата на групата за процена раководеше в.д. директорот на Центарот, Стојанче Ангелов, а учествуваа претставници на субјекти во Системот за управување со кризи назначени во согласност со и Законот за управување со кризи.

Во согласност со дневниот ред беше оформен предлог до управачкиот комитет за координација во Системот за управување со кризи, Владата да достави предлог до Собранието за продолжување на прогласената кризна состојба на територијата на Република Северна Македонија заради заштита на јавното здравје во услови на постоење пандемија прогласена од Светската здравствена организација од заразната болест Ковид-19 предизвикана од вирусот SARS-CoV-2 и заради спречување негово ширење во зголемен обем, со што се загрозува безбедноста на здравјето на населението, a можниот датум треба да биде деновиве потврден.

Истовремено, институциите во Системот за управување со кризи продолжуваат со активностите во согласност со акцискиот план за превенција и справување со ширењето на заразната болест, а во согласност со планот за координирано дејствување, донесен на втората седница на главниот штаб за управување со кризи.

Текстот Групата за процена во ЦУК: Да се продолжи кризната состојба е превземен од МАКФАКС.

Categorie: Macedonia

Се самоуби телохранителот на Путин

МАКФАКС - 1 ora 53 min fa

Припадник на руската Федерална служба за безбедност изврши самоубиство денеска додека бил на должност во Кремљ, соопшти полицијата.

„Вработен изврши самоубиство за време на службата. Се врши истрага“, рекол извор за ТАСС.

Изворот ги негирал медицинските наводи дека тој служел во единицата одговорна за личната безбедност на рускиот претседател Владимир Путин.

Одделни руски медиуми тврдат дека е во прашање телохранител на Путин.

Текстот Се самоуби телохранителот на Путин е превземен од МАКФАКС.

Categorie: Macedonia

Фрапар ќе биде првата судијка на меч од Лигата на шампионите

МАКФАКС - 2 ore 18 min fa

Французинката Стефани Фрапар ќе биде првата судијка што ќе биде одговорна за меч од Лигата на шампионите кога УЕФА ја делегира за мечот помеѓу Јувентус и Динамо Киев в среда.

36-годишната Фрапар беше првата судијка што беше дел од големо натпреварување на УЕФА кога ја делеше правдата на Суперкупот на УЕФА помеѓу Ливерпул и Челси во Истанбул минатата година. Таа исто така беше судијка на женското финале на СП помеѓу САД и Холандија лани, минатата година беше првата судијка во меч од Лига 1 (Амиен-Стразбур), како и прва судијка во Лига Европа (Лестер-Зорја Луханск).

Швајцарката Никол Петиња беше првата жена судијка во меч на УЕФА кога беше одговорна за три меча од квалификациското коло на УЕФА-купот од 2004 до 2009.

Судијката Фрапар влезе во фудбалската историја во Истанбул

Текстот Фрапар ќе биде првата судијка на меч од Лигата на шампионите е превземен од МАКФАКС.

Categorie: Macedonia

Трамп не се откажува: Не се борам за себе, туку за тие што гласаа за мене

МАКФАКС - 2 ore 18 min fa

Американскиот претседател Доналд Трамп објави на Твитер дека не се бори за себе, туку за 74 милиони луѓе кои гласале за него.

„Не се борам за себе, се борам за 74 милиони луѓе ( не вклучувајќи ги бројните гласови за Трамп кои се фрлени), кои гласаа за мене“ напиша Трамп.

I’m not fighting for me, I’m fighting for the 74,000,000 million people (not including the many Trump ballots that were “tossed”), a record for a sitting President, who voted for me!

— Donald J. Trump (@realDonaldTrump) November 30, 2020

Тој од гувернерот на Џорџија побара итна реакција во врска со проверката на гласачките листи во таа сојузна држава, наведувајќи дека тој може лесно да го стори тоа.

Why won’t Governor @BrianKempGA, the hapless Governor of Georgia, use his emergency powers, which can be easily done, to overrule his obstinate Secretary of State, and do a match of signatures on envelopes. It will be a “goldmine” of fraud, and we will easily WIN the state….

— Donald J. Trump (@realDonaldTrump) November 30, 2020

„ Зошто Брајан Кемп, гувернерот на Џорџија не ги искористи своите овластувања кои ги има за итни ситуации, што лесно може да го стори, да го надвладее својот тврдоглав државен секретар и да ги провери потписите на писмата. Тоа би бил златен рудник на измами и лесно би ја освоиле државата“ пишува Трамп.

Тој истакнува дека би требало брзо да се провери бројот на писма и бројот на гласачки листи.

Текстот Трамп не се откажува: Не се борам за себе, туку за тие што гласаа за мене е превземен од МАКФАКС.

Categorie: Macedonia

Од коронавирус починаа двајца свештеници во Битолско

Владиката на Пелагониската епархија, Петар, во вчерашната проповед после литургијата во црквата „Свети Велокомаченик Димитриј“ во Битола, упати апел до сите верници дека состојбата со пандемијата е крајно сериозна.Тој остро ги критикуваше сите оние кои не веруваат во коронавирурот.

– Во нашата епархија имаме двајца починати свештеници. Еден на 78-годишна и еден на 39-годишна возраст, кој не боледуваше од никаква болест. Ова е сериозна болест. Не можам да осудувам како сето тоа се случило, но не заборавајте една работа, што е сигурна, дека ние сме потенцијални убијци, пренесувајќи ја оваа болест. Не е наивна работата! Сериозна е многу работава, браќа и сестри, не е наивна! Исто така, не заборавете, дека не само што сме потенцијални убијци, туку сме потенцијални и самоубијци! Ако ние знаеме, дека некој е заразен од болеста, а ние со него си општиме, си комуницираме, се заразиме, сами сме си ја навлекле болеста и сме станале самоубијци, а самоубиството е најтежок грев – рече Владиката Петар.

М.М.

The post Од коронавирус починаа двајца свештеници во Битолско appeared first on Нова Македонија.

Categorie: Macedonia

Во Јапонија повеќе луѓе починале поради самоубиства отколку од ковид-19

Експертите предупредуваат дека пандемијата би можела да доведе до криза на менталното здравје кај луѓето. Масовната невработеност, физичка дистанца и вознемиреност го наплаќаат данокот на луѓето во целиот свет.

Во Јапонија статистиките покажуваат дека повеќе луѓе починале поради самоубиства во октомври отколку поради ковид-19 од почетокот на годината. Според јапонската Национална полициска агенција, месечниот број на самоубиства во октомври се зголемил на 2.153. До петокот од ковид-19 починале 2.087 луѓе.

Јапонија е една од ретките земји која навремено објавува податоци за самоубиства.

На пример, последните податоци од САД датираат од 2018 година. Јапонските податоци би можеле да им овозможат и на други земји увид во влијанието на пандемиските мерки на менталното здравје, како и на тоа кои групи се најзагрозени.

– Ние дури и немавме локдаун, а исходот од ковид-19 е прилично минимален во споредба со другите земји. А сепак имаме голем пораст на бројот на самоубиства. Тоа сугерира дека и другите земји би можеле да забележат сличен или уште поголем пораст на бројот насамоубиства во иднина – вели Мичико Уеда, професорка на Универзитетот Васеда во Токио.

Јапонија долго време се бори со една од најголемите стапки на самоубиства во светот. Во 2016 година оваа земја имала стапка на смртност од самоубиства од 18,5 на 100.000 жители, според што е веднаш зад Јужна Кореја, кога е во прашање западнопацифичкиот регион и што е речиси двојно повеќе од годишниот глобален просек од 10,6 на 100.000 жители.

И покрај тоа што причините за високата стапка на самоубиства се комплексни, долготрајното работно време, притисокот во училиштата, социјалната изолација и културолошката стигма околу менталните проблеми се наведуваат како главни фактори.

The post Во Јапонија повеќе луѓе починале поради самоубиства отколку од ковид-19 appeared first on Нова Македонија.

Categorie: Macedonia

Во Јапонија повеќе луѓе починале поради самоубиства отколку од Ковид-19

МАКФАКС - 3 ore 12 min fa

Експертите предупредуваат дека пандемијата би можела да доведе до криза на менталното здравје кај луѓето. Масовната невработеност, физичката дистанца и вознемиреноста го наплаќаат данокот на луѓето во целиот свет.

Во Јапонија статистиките покажуваат дека повеќе луѓе починале поради самоубиства во октомври отколку поради Ковид-19 од почетокот на годината. Според јапонската Национална полициска агенција, месечниот број на самоубиства во октомври се зголемил на 2.153. До петокот од Ковид-19 починале 2.087 луѓе.

Јапонија е една од ретките земји која навремено објавува податоци за самоубиства.

На пример, последните податоци од САД датираат од 2018 година. Јапонските податоци би можеле да им овозможат и на други земји увид во влијанието на пандемиските мерки врз менталното здравје, како и на тоа кои групи се најзагрозени.

„Ние дури и немавме целосно затворање, а исходот од Ковид-19 е прилично минимален во споредба со другите земји. А сепак имаме голем пораст на бројот на самоубиства. Тоа сугерира дека и другите земји би можеле да забележат сличен или уште поголем пораст на бројот на самоубиства во иднина“ вели Мичико Уеда, професорка на Универзитетот „Васеда“ во Токио.

Јапонија долго време се бори со една од најголемите стапки на самоубиства во светот. Во 2016 година оваа земја имала стапка на смртност од самоубиства од 18,5 на 100.000 жители, според што е веднаш зад Јужна Кореја кога е во прашање западнопацифичкиот регион и што е речиси двојно повеќе од годишниот глобален просек од 10,6 на 100.000 жители.

И покрај тоа што причините за високата стапка на самоубиства се комплексни, долготрајното работно време, притисокот во училиштата, социјалната изолација и културолошката стигма за менталните проблеми се наведуваат како главни фактори.

Текстот Во Јапонија повеќе луѓе починале поради самоубиства отколку од Ковид-19 е превземен од МАКФАКС.

Categorie: Macedonia

Во 2011 Суарез беше казнет 8 меча за negrito, сега Јунајтед вели дека тоа е невин збор

МАКФАКС - 3 ore 15 min fa

Единсон Кавани се извини за објавата на социјалните мрежи што предизвика бура од реакции во Англија и истрага од Фудбалската асоцијација (ФА) кога одговори со Gracias, negrito на еден комплимент од негов пријател.

33-годишниот Уругваец постигна два гола и беше човек на одлука при 3:2 победата на „ѓаволите“ над Саутемптон, но зборот negrito, иако во јужноамериканските земји нема расистичка конотација, во Англија се сфаќа сосема поинаку.

„Пораката што ја пратив по натпреварот беше наменета како поздрав до мојот пријател, благодарност за честитките што тој ми ги упати по мечот. Последното нешто што сакав да го направам е да навредам некого бидејќи сум целосно против расизмот. Ја избришав пораката кога ми беше објаснето дека во Англија може да биде протолкувано поинаку. Би сакал искрено да се извинам за тоа“, напиша Кавани.

Бернардо Силва од Манчестер сити доби суспензија од еден меч и казна во 2019 поради објава на социјалните мрежи во кој Бенјамин Менди го спореди со лик од чоколадо, а Деле Али од Тотенхем оваа година доби казна од еден меч за шега кон Кинезите поради коронавирусот.

Уште поинтересно, во 2011 година, тогашниот напаѓач на Ливерпул и сонародник на Кавани, Луис Суарез, доби казна од осум меча за користење на истиот збор negrito кон францускиот фудбалер на Манчестер јунајтед, Патрис Евра. Ливерпул тогаш носеше маички со ликот на Суарез барајќи намалување на казната, но таа остана.

Текстот Во 2011 Суарез беше казнет 8 меча за negrito, сега Јунајтед вели дека тоа е невин збор е превземен од МАКФАКС.

Categorie: Macedonia

Нема зима за Лев – останува германски селектор

МАКФАКС - 3 ore 31 min fa

Јоаким Лев не треба да се плаши за својата работа, откако Германската фудбалска федерација (ДФБ) потврди дека тој останува германски селектор барем до Европското првенство следната година.

Лев веќе 14 години е на чело на „маншафт“, наследувајќи го Јирген Клинсман по СП во 2006 година, носејќи ги до финалето на Евро 2020 (каде што загубија од Шпанија), пред во 2010 да биде трет на СП, во 2012 да стигне до полуфиналето на ЕП, пред најголемиот успех, титулата од Светското првенство во 2014 (со победа над Аргентина).

Но, оттогаш следуваше падот. Во 2016 тие стигнаа до ново полуфинале на ЕП, пред во 2018 на СП во Русија да загубат во групната фаза, по што тој ги исфрли од тимот искусните Томас Милер, Џером Боатенг и Матс Хумелс. Овој месец пак, дојде неверојатниот 6:0 пораз од Шпанија, по што ДФБ потврди дека ќе има „ревизија“ на неговото работење на денешниот состанок на бордот, но одлуката е тој да остане.

„Президиумот на ДФБ во понеделникот преку телефонска конференција се согласи тренерот Јоаким Лев да продолжи со својата работа по советите на Оливер Бирхоф, директорот на националниот тим. Важно е да се зборува за поразот од Шпанија отворено, конструктивно и интензивно. Првата цел е остварена, пласманот на Евро 2021, останувањето во Лига А од Лигата на нации и заддржување на носителското место во квалификациите за СП и затоа довербата останува“, се објаснува во одлуката на ДФБ.

Текстот Нема зима за Лев – останува германски селектор е превземен од МАКФАКС.

Categorie: Macedonia

Џафери: Како најнова членка на НАТО подготвени сме да соработуваме со британските колеги

Претседателот на Собранието, Талат Џафери, имаше работна средба со Н.Е. Рејчел Галовеј, амбасадорка на Обединетото Кралство на Велика Британија и Северна Ирска во Република Македонија.

Во оваа прилика, претседателот Џафери изрази задоволство од повторната средба со амбасадорката во новиот парламентарен состав, во услови кога целиот свет се наоѓа во сензитивен период на светска пандемија со вирусот ковид-19, заради што и Собранието работи согласно протоколите и препораките дадени од Комисијата за заразни болести. Тој накратко ја запозна амбасадорката со сите преземени мерки од страна на Собранието за заштита на пратениците и собраниските служби од вирусот ковид-19 а во однос на спреченоста на пратениците поради изолација и самоизолација да учествуваат во парламентарната работа, согледувајќи ги искуствата од другите парламенти, тој информираше дека се прават напори Собранието да изнајде заедничко прифатливо решение со опозицијата за работа и гласање од далечина, со цел непречено функционирање на законодавниот дом.

Џафери посочи дека Македонија, како најнова полноправна членка во НАТО, е спремна во иднина да соработува заедно со британските колеги, на рамноправна основа преку ПС на НАТО, со што ќе придонесат за колективната стабилност и глобалната безбедност.

Претседателот информираше и за тековните парламентарни активности што се планираат до завршувањето на оваа година, како и за законските предлози кои се на дневен ред на седниците на Собранието и можностите за нивно донесување.

Соговорниците изразија задоволство од успешната имплементација на проектите на Вестминстерската фондација во Собранието, особено од функционирањето на Проектот за поддршка на буџетската канцеларија, која изготвува квалитетни анализи за буџетот, како за потребите на парламентарното мнозинство така и за опозицијата.

Во однос на билатералната соработка меѓу двете земји, соговорниците взаемно изразија надеж дека таа ќе продолжи да се надградува и во наредниот период, особено на ниво на Пратенички групи за соработка, кои неодамна се формираа во Собранието.

The post Џафери: Како најнова членка на НАТО подготвени сме да соработуваме со британските колеги appeared first on Нова Македонија.

Categorie: Macedonia

Џафери до Галовеј: Како најнова членка на НАТО подготвени сме да соработуваме со британските колеги

МАКФАКС - 4 ore 15 min fa

Претседателот на Собранието, Талат Џафери, имаше работна средба со Рејчел Галовеј, амбасадорка на Обединетото Кралство на Велика Британија и Северна Ирска во Република Северна Македонија.

Во оваа пригода претседателот Џафери изрази задоволство од повторната средба со амбасадорката во новиот парламентарен состав во услови кога целиот свет се наоѓа во сензитивен период на светска пандемија на Ковид-19 поради што и Собранието работи во согласност со протоколите и препораките дадени од Комисијата за заразни болести. Тој накусо ја запозна амбасадорката со сите преземени мерки од страна на Собранието за заштита на пратениците и собраниските служби од Ковид-19, а во однос на спреченоста на пратениците поради изолација и самоизолација да учествуваат во парламентарната работа, согледувајќи ги искуствата од другите парламенти, тој информира дека се прават напори Собранието да изнајде заедничко прифатливо решение со опозицијата за работа и гласање од далечина со цел непречено функционирање на законодавниот дом.

Џафери посочи дека Република Северна Македонија како најнова полноправна членка во НАТО е спремна во иднина да соработува заедно со британските колеги на рамноправна основа преку ПС на НАТО, со што ќе придонесат за колективната стабилност и глобалната безбедност.

Претседателот информира и за тековните парламентарни активности кои се планираат до завршувањето на оваа година, како и за законските предлози што се на дневен ред на седниците на Собранието и можностите за нивно донесување.

Соговорниците изразија задоволство од успешната имплементација на проектите на Вестминстерската фондација во Собранието, особено од функционирањето на проектот за поддршка на буџетската канцеларија, која изготвува квалитетни анализи за буџетот како за потребите на парламентарното мнозинство така и за опозицијата.

Во однос на билатералната соработка меѓу двете земји, соговорниците заемно изразија надеж дека таа ќе продолжи да се надградува и во наредниот период, особено на ниво на пратенички групи за соработка, кои неодамна се формираа во Собранието.

Текстот Џафери до Галовеј: Како најнова членка на НАТО подготвени сме да соработуваме со британските колеги е превземен од МАКФАКС.

Categorie: Macedonia

Вработена во штипската болница пријавена за физички напад

Нова Македонија - 4 ore 33 min fa

Вработена во Клиничката болница – Штип била пријавена за физички напад, кој се случил во Здравствениот дом во Штип.

– На 27.11.2020, во 12.35 часот, во СВР Штип, А. Г. од Клиничката болница Штип пријавил дека околу 12.30 часот во службената просторија во Здравствениот дом во Штип бил физички нападнат од страна на С. П., вработена во Клиничката болница – Штип  се вели во соопштението на МВР.

По комплетирање на случајот, против С. П. до надлежното Обвинителство ќе биде поднесена соодветна кривична пријава.

The post Вработена во штипската болница пријавена за физички напад appeared first on Нова Македонија.

Categorie: Macedonia

Претежно сончево со утринска магла

МАКФАКС - 4 ore 40 min fa

Времето утре ќе биде претежно сончево, по одделни котлини со појава на утринска магла. Ќе дува слаб ветер од променлив правец. Минималната температура ќе биде во интервал од -11 до -3, а максималната ќе достигне од 3 до 9 степени.

Во Скопје сончево со појава на утринска магла. Минималната температура ќе се спушти до -7, а максималната ќе достигне до 4 степени.

Од среда ќе преовладува променливо облачно време со повремени врнежи од дожд со променлив интензитет. Ќе дува умерен ветер од југоисточен и јужен правец. Температурите на воздухот ќе бидат во пораст.

Текстот Претежно сончево со утринска магла е превземен од МАКФАКС.

Categorie: Macedonia

За неа нема зима: Алесандра Амбросио на одмор во Бразил

МАКФАКС - 4 ore 40 min fa

Алесандра Амбросио е позната по својата манекенска фигура и природни воодушевувачки црти.

Во саботата 39-годишната Бразилка ја истакна својата чудесна фигура во минималистичко пурпурно бикини на плажа додека се одмора со своето семејство во Флоријанополис, Бразил.

Понарешниот ангел на „Викторија“ ужива на песокот, нурка во океанот и игра тенис на плажа со своето момче Николо Оди со кого е во врска две години.

Текстот За неа нема зима: Алесандра Амбросио на одмор во Бразил е превземен од МАКФАКС.

Categorie: Macedonia

Ким Јонг-ун ја сопира трговијата со Кина поради корoнавирусот

Нова Македонија - 4 ore 43 min fa

Севернокорејскиот лидер Ким Јонг-ун одлучи дополнително да ги заостри мерките за спречување на ширење на коронавирус во оваа земја, прекинувајќи ја речиси целата трговија со Кина.

Претходно, медиумите објавија дека тој наредил егзекуција на двајца цариници поради несоодветно постапување со увезената кинеска стока.

Пекинг во октомври во Пјонгјанг извезол стока во вредност од само 253.000 американски долари, што е пад од 99 отсто во споредба со претходниот месец, покажуваат податоците објавени од кинеската царинска управа. За споредба, тоа е помалку од вредноста на стоките што Кина ги извезуваше во Лихтенштајн и Монако во текот на октомври.

Кина е најголемиот трговски партнер на Северна Кореја, а пред ООН да воведат санкции за програмата за нуклеарно оружје на Северна Кореја во 2016 и 2017 година, Пекинг учествуваше со повеќе од 90 проценти од надворешната трговија на Пјонгјанг.

Сепак, според новите мерки, тој е дури подготвен целосно да ја прекине трговијата со Кина за да спречи влегување на коронавирусот во Северна Кореја, дури и ако тоа значи прекинување на резервите на храна и гориво во земјата. Потегот се смета за уште поекстремен, со оглед на тоа што Кина пријавува само неколку дневни случаи на новозаразени со коронавирус во последните месеци.

Северна Кореја сè уште не го признала падот на трговијата, ниту наредбите за егзекуција на царинските службеници. Севернокорејските државни медиуми објавија за време на викендот дека властите спроведуваат нови, поостри епидемиолошки мерки низ целата земја, вклучително и зголемување на бројот на граничарите.

The post Ким Јонг-ун ја сопира трговијата со Кина поради корoнавирусот appeared first on Нова Македонија.

Categorie: Macedonia

Вработена во штипската болница пријавена за физички напад

МАКФАКС - 4 ore 51 min fa

Вработена во Клиничката болница – Штип била пријавена за физички напад, кој се случил во Здравствениот дом во Штип.

„На 27.11.2020, во 12.35 часот, во СВР Штип, А. Г. од Клиничката болница Штип пријавил дека околу 12.30 часот во службената просторија во Здравствениот дом во Штип бил физички нападнат од страна на С. П., вработена во Клиничката болница – Штип“, се вели во соопштението на МВР.

По комплетирање на случајот, против С. П. до надлежното Обвинителство ќе биде поднесена соодветна кривична пријава.

Текстот Вработена во штипската болница пријавена за физички напад е превземен од МАКФАКС.

Categorie: Macedonia

ЗНМ: Здравствените власти да не ја попречуваат работатата на новинарите

Нова Македонија - 4 ore 53 min fa

Здружението на новинари на Македонија (ЗНМ) и Самостојниот синдикат на новинари на Македонија (ССНМ) реагираат на попречувањето на работата на новинарските екипи кое се случува во кругот на Градската општа болница „8-ми Септември“ во Скопје.

– Според повеќе пријави од колеги кои пристигнаа до канцелариите на ЗНМ и новинарскиот синдикат, за време на викендот и денеска на новинарите и снимателите од страна на обезбедувањето на болницата не им бил дозволен пристап и биле бркани дури и на паркингот на болницата.

Укажуваме до Министерството за здравство и менаџерите на ГОБ „8-ми Септември“ дека не смеат да го ограничат пристапот на новинарите да известуваат за теми поврзани со работата на болницата и пандемијата.

Свесни за сензитивноста на темите за кои има особен јавен интерес, потребно е да се обезбедат услови каде новинарите ќе имаат можност непречено да известуваат. Потсетуваме дека слободата на изразување е уставно загарантирано право во Република Северна Македонија кое не може никој поединец да го ограничи бидејќи со тоа ќе има прекршување на членот 16 од Уставот. Особено што станува збор за теми од исклучителен јавен интерес – се наведува во соопштението.

Оттаму додаваат дека новинарите и уредничките тимови особено во вакви услови на криза потребно е да известуваат во согласност со етичките принципи на новинарската професија со штитење на приватноста на граѓаните кои можат да бидат дел од сниманиот материјал.

– Потсетуваме дека според Етичкиот кодекс на новинарите, новинарот ќе ја почитува приватноста на личноста, освен кога тоа е во спротивност со јавниот интерес, исто така новинарот е должен да ги почитува личната болка и жалост. Доколку граѓаните имаат забелешки за работата на новинарите и медиумите потсетуваме дека имаат можност да достават претставки до Советот на честа или Советот за етика на медиумите во Македонија.

Истовремено бараме од Министерството да ја повлече одлуката за снимање пред тријажниот центар и околу болницата „8 Септември” само со дозвола од директорот на болницата или Министерството, бидејќи со тоа директно се оневозможува работата на новинарите и фоторепортерите кои известуваат за состојбата со ковид кризата и состојбата во болниците – бараат од ЗНМ.

The post ЗНМ: Здравствените власти да не ја попречуваат работатата на новинарите appeared first on Нова Македонија.

Categorie: Macedonia

Внукот на Фитипалди ќе дебитира во Ф1 на местото на Грожан

МАКФАКС - 5 ore 2 min fa

Пјетро Фитипалди, резервниот возач на Хас Ф1 и внук на поранешниот светски шампион Емерсон Фитипалди, ќе добие шанса да дебитира во една Формула 1-трка како замена за Роман Грожан на Сакир ГП на истата патека во Бахреин.

Грожан вчера имаше среќа што остана жив во огнената топка во Бахреин и поради изгорениците на прстите, ќе паузира една трка. 24-годишниот Пјетро Фитипалди веќе две сезони е резервен возач во Хас и има доволно искуство со болидот ВФ-20.

„Сите сме среќни што повредите на Роман се минорни по толку голем инцидент. Секако, не е идеално вака да ја добијам мојата прва шанса да се натпреварувам во Формула 1, но им благодарам на сопственикот Џин Хас и на шефот Гинтер Штајнер за нивната доверба. Со тимот сум долго време работејќи на патеката и на симулаторот, така што нема да имам проблем со адаптирањето. Ќе го дадам мојот максимум“, вели Фитипалди.

Текстот Внукот на Фитипалди ќе дебитира во Ф1 на местото на Грожан е превземен од МАКФАКС.

Categorie: Macedonia

Османи на министерскиот состанок на Северно-aтлантскиот Совет на НАТО

Министерот за надворешни работи, Бујар Османи утре и задутре ќе учествува на редовниот состанокот на Северно-aтлантскиот Совет на НАТО на ниво на министри за надворешни работи, што заради рестрикциите наметнати од пандемијата ќе се одржи преку видео врска.

Согласно дневниот ред, предвидено е на состанокот министрите за надворешни работи на земјите-членки да дискутираат за приоритетни прашања на НАТО, како и актуелни предизвици со кои се соочува: состојбите во Авганистан, влијанието на глобалните геостратешки односи врз безбедноста на евро-атлантската област, како и пошироката регионална стабилност.

Министрите ќе го разгледаат и Извештајот насловен „НАТО 2030“ што ги рефлектира стратешките потреби и предизвици за Алијансата во наредната декада, а предвидено е да бидат одобрени и неколку одлуки во врска со темите што се предмет на дискусија во рамки на НАТО.

Во рамките на состанокот, Османи ќе се обрати на првата работна сесија, што ќе биде негов прв настап на Северно-атлантскиот Совет од стапувањето на должноста Министер за надворешни работи.

The post Османи на министерскиот состанок на Северно-aтлантскиот Совет на НАТО appeared first on Нова Македонија.

Categorie: Macedonia

„Спајс грлс“ навестува нешто за 25-годишнината

МАКФАКС - 5 ore 3 min fa

Членките на некогашниот мегапопуларен бенд „Спајс грлс“ ќе ја прослават годишницата в година, изјави 46-годишната Мелани Ц коментирајќи ја веста дека таа, Гери Халивер, Мел Б, Ема Бантон и Викторија Бекам дискутирале на оваа тема претходно оваа година.

Мелани рече: „Ние имаме наша група на WhatsApp и си разговараме, но не можам да кажам ништо повеќе за тоа“.

Мелани, која водеше битка со депресија и нарушувања во исхраната, призна дека минатата година била загрижена оти ќе дека мора повторно да стане „спорти спајс“ или спортски зачин за се приклучи на групата, но на крајот го прифатила своето алтер его на поп-sвезда и си поминала одлично за време на турнејата во 2019 година.

„Враќањето назад не е само да се вратиш за да бидеш со девојките, што вушност е одлично. Тоа исто така значи да се вратиш на оние емоции кога настапувавме во бендот,“ рече Мелани за магазинот„Ју“.

„Турнејата за обединување беше волшебна. Фановите беа таму за да си поминат најдобро и изгледаа фантастично. Пеевме и на сонце и на дожд. Од сите турнеи, за мене – оваа беше најпосебна“.

 

Текстот „Спајс грлс“ навестува нешто за 25-годишнината е превземен од МАКФАКС.

Categorie: Macedonia