Macedonia

Вонредна состојба во Израел поради коронавирусот

Нова Македонија - Dom, 05/07/2020 - 22:30

Израелскиот премиер Бенјамин Нетанјаху предупреди дека земјата е во вонредна состојба, поради наглото зголемување на заболените од коронавирус.

– Ние сме среде нов напад со корона. Епидемијата е многу силна, во целиот свет и во нашата земја – рече Нетанјаху на седницата на владата.

Тој предупреди дека ако не бидат преземени итни мерки, многу Израелци ќе умрат.

– Ние сме во вонредна ситуација. Ако не го запреме ширењето на вирусот, нема да имаме ниту здравје, ниту економија, многу израелски граѓани ќе го загубат животот – рече Нетанјаху.

Во последните 24 часа во Израел биле регистрирани 804 нови случаи, а четири лица починале. Израелската влада утре се очекува да разговара за нови рестриктивни мерки.

 

The post Вонредна состојба во Израел поради коронавирусот appeared first on Нова Македонија.

Categorie: Macedonia

(Видео) ХДЗ слави, освоија 70 мандати на изборите во Хрватска

МАКФАКС - Dom, 05/07/2020 - 22:04

Објавени се првите неофицијални резултати од изборите во Хрватска, по затварањето на гласачките места во 19 часот. Според 43, 91 отсто од обработените гласачки ливчиња, ХДЗ на Андреј Пленковиќ има освоено 70 мандати.

Коалицијата Рестарт има 42,  Домовински покрет 15 мандати, Мост 6, платформата Можеме 5, реформистите – 2, коалицијата Паметно/Фокус/ССиП – 2 мандати и ХНС – едно  пратеничко место.

Од Домовински покрет на Мирослав Шкоро велат дека освоиле 16 мандати и испратија јасна порака на ХДЗ дека нема да има влада без нив.

Во Хрватскиот сабор има 151 пратеничко место.

Текстот (Видео) ХДЗ слави, освоија 70 мандати на изборите во Хрватска е превземен од МАКФАКС.

Categorie: Macedonia

Ова ќе го памети цел живот! Адамс со супер-гол го „собори“ Манчестер сити (видео)

МАКФАКС - Dom, 05/07/2020 - 21:57

Саутемптон стигна до шокантна 1:0 победа на Манчестер сити, откако Че Адамс го постигна својот прв гол во Премиер лигата од над 30 метри користејќи ја грешката на голманот на „граѓаните“, Едерсон за славна победа.

Саутемптон го пречекаа на својот „Сент Мерис“ мотивираниот тим на Сити, кој во претходното коло ги „растури“ Ливерпул со 4:0, но мечот доби поинаков правец по случката во 16. минута, кога Адамс дојде до топката по грешката на средниот ред на тимот на Пеп Гвардиола, и упати фантастичен удар за да го измами излезениот Едерсон за неочекувано водство.

Иако Сити доминираа во поседот на топката и во нападот, не успеаја да ја пробијат одбраната на „светците“, кои запишаа три поени за да се искачат на 13. место на табелата. Сити останува втор со 66 поени, осум пред Лестер, но загрижувачки ова е дури деветти пораз на „граѓаните“ во 2019/20 – Арсенал, Манчестер јунајтед и Вулверхемптон имаат помалку порази отколку тимот на Пеп.

Imagine this is your first Prem goal. Take a bow Che Adams pic.twitter.com/AAoknEsm6t

— FUT 94 (@FUT_1994) July 5, 2020



Текстот Ова ќе го памети цел живот! Адамс со супер-гол го „собори“ Манчестер сити (видео) е превземен од МАКФАКС.

Categorie: Macedonia

(Видео) Брачен пар од Русија во својот дом изградил пирамида

МАКФАКС - Dom, 05/07/2020 - 21:45

Руската брачна двојка Андреј и Викторија Вакхрушева решиле да изградат вистинска пирамида на нивниот имот во селото Истинка кај Санкт Петербург, по примерот на египетските во Гиза.

Vintage News пишува дека соседите биле изненадени кога го виделе завршувањето на проектот на брачна двојка која секогаш била фасцинирана од цивилизацијата на древен Египет.

Андреј и Викторија неколку пати ја посетувале Гиза за да ги видат познатите монументални пирамиди со свои очи. Откако се вратиле во својата татковина, тие минатата година решиле да направат копија од најголемата пирамида на Кеопс во сопствениот двор, се разбира, со помали димензии.

Сега, во нивниот двор има пирамида висока девет метри со страни во дожина од 13 метри.За изградба на пирамидата е користен првенствено бетон со тежина од 400 тони. Ентериерот на пирамидата сè уште не е целосно уреден, но дури и сега е доволно интересен за посетителите кои се подготвени да платат 50 долари за да поминат време во нејзините одаи и да медитираат, пренесува „Кликс“.

Оваа пирамида е 19 пати помала од оригиналната во Гиза и е делумно под нивото на земјата (девет метри), а во неа има и саркофаг.

Андреј и Викторија не планираат да престанат по завршувањето на пирамидата. Имено, тие веќе прават план за египетски храм во нивниот двор, кој ќе биде поврзан со пирамидата со тунел.

Нивниот прв сосед, Александар Пустошински, ги опишува како „добри соседи“ и дека нивните необични постапки биле инспиративни за сите жители на селото.

Текстот (Видео) Брачен пар од Русија во својот дом изградил пирамида е превземен од МАКФАКС.

Categorie: Macedonia

Уредено детското катче во СРЦ „Крушино“

Нова Македонија - Dom, 05/07/2020 - 21:45

Членовите на Локалниот клуб на СДММ Кичево, денес спроведоа еднодневна акција на уредување на детското катче во излетничкото место место Крушино, одалечено околу три километри од Кичево.

Младите од локалниот клуб најпрво го исчистија ѓубрето што беше наталожено на овој простор, од гнилеж на паднати лисја, до секаков вид на отпад фрлен од неодговорните посетители на центарот, потоа ги обновија реквизитите за детски игри, кои  беа речиси уништени, ги префарбаа и заштитија од корозија и од утре сите добронамерници кои ќе дојдат во центарот, ќе имаа можност да ги користат обновените лулашки, нишалки и други реквизити.

Акцијата на младите ја поздрави и носителката во ИЕ 5 на  коалицијата „Можеме“, Радмила Шеќеринска, каде и самата се вклучи во акцијата за уредување на овој простор.

– Можеме да бидеме задоволни што на дечињата на детското катче во СРЦ „Крушино“ им овозможивме со освежените реквизити и отстранетото ѓубре да можат безбедно да се играат и забавуваат. Би ги замолиле сите оние кои ќе престојуваат тука, да не ги уништуваат детските реквизити и да не фрлаат ѓубре во овој локалитет, кој треба да се негува за општо добро на најмладите од градот – апелираат младите од Локалниот клуб од Кичево.

The post Уредено детското катче во СРЦ „Крушино“ appeared first on Нова Македонија.

Categorie: Macedonia

Пандев со фантастичен гол во македонското дерби во Серија А, Џенова спаси поен! (видео)

МАКФАКС - Dom, 05/07/2020 - 21:32

Горан Пандев уште еднаш покажа дека не го загубил „осетот“, постигнувајќи гол за неговата Џенова во македонското дерби во Серија А против Удинезе на Илија Несторовски, помагајќи Грифоне да освојат значаен поен во драматичното 2:2 реми.

Пандев и Несторовски не се најдоа во ист момент на теренот, бидејќи Несторовски беше заменет во 58. минута, додека само минута подоцна Пандев влезе во игра за Грифоне.

Секо Фофана ги донесе Удинезе во водство во 44. минута, пред Кевин Лазања да ја зголеми предноста на 2:0 во 73. минута, пред Пандев да постигне фантастичен гол од работ на шестнаесетникот во 81. минута да даде надеж на гостите дека можат до поен. Ова беше осми гол за Пандев оваа сезона за Грифоне и вкупно 93. гол за Гранде во Серија А. Драмата беше резервирана во финишот на мечот – во 96. минута беше досуден пенал за Џенова, кој Андреа Пинемонти го упати директно во голманот Хуан Мусо, но потоа ја смести топката во мрежата за важен поен.

Но, на крајот, Удинезе со победата скокна на 14. место со 31 поени, додека Џенова е 17. со 27 поени, два поени пред 18-тото место каде што е Лече.

СЕРИЈА А, 30.КОЛО

Бреша – Верона 1:0

Каљари – Аталанта 0:1

Парма – Фиорентина 1:2

Сампдорија – СПАЛ 3:0

Удинезе – Џенова 2:2

ГОЛОТ НА ГОРАН ПАНДЕВ

УДИНЕЗЕ – ЏЕНОВА

ПАРМА – ФИОРЕНТИНА

КАЉАРИ – АТАЛАНТА

Текстот Пандев со фантастичен гол во македонското дерби во Серија А, Џенова спаси поен! (видео) е превземен од МАКФАКС.

Categorie: Macedonia

Повеќе од 120 лица загинале или исчезнале во поплавите во Кина

Нова Македонија - Dom, 05/07/2020 - 21:30

Повеќе од 120 луѓе загинале или исчезнале во поплавите и сезонските поројни дождови во јужна Кина, соопштија кинеските власти. Националната метеоролошка служба издаде жолт метео аларм за недела наутро, и тоа е третиот од четирите нивоа на аларм издаден за неколку кинески провинции, вклучувајќи ги и градовите Шангај и Чонгчинг. Дождови се предвидени и во текот на утрешниот ден.

Телевизијата ЦЦТВ емитуваше снимки од поплавени улици во провинцијата Анхуи, додека околу 8,000 луѓе се евакуирани во јужната провинција Џијангси, а 54 куќи биле уништени во невреме претходните денови.

Поплавите низ Кина уништија 17.000 домови и предизвикаа штета од 41,6 милијарди јуани (5,9 милијарди долари). Медиумите пренесуваат дека според првичниот биланс, за време на бурата загинале или исчезнале 121 лице.

The post Повеќе од 120 лица загинале или исчезнале во поплавите во Кина appeared first on Нова Македонија.

Categorie: Macedonia

(Видео) Мицкоски од Крушево: Заев и СДСМ се „доктори по наука” за криминал и корупција

МАКФАКС - Dom, 05/07/2020 - 21:10

Од Крушево претседателот на ВМРО-ДПМНЕ, Христијан Мицкоски порача дека на 15 јули народот овие политичките измамници од СДСМ ќе ги испрати на темната страна од македонската историја. Овие избори се историски, бидејќи како што кажа тој треба да се трасира иднината на македонското поколение, но и да се обели образот на нашите претци кои што со живот го платиле она што ние денеска го живееме.

„А крушевчани имаат најмногу право на ова, бидејќи овде се случувало она организирано востание и пркос за независна македонска суверена држава уште на почетокот на 20-тиот век. Она што овие избори ги прави поразлични е тоа што ние треба да завршиме со експериментите.Народот го разбудил пирејот во себе и решил да го победи овој противник на 15 јули“, рече Мицкоски.

„Еве од овде од Крушево кажувам јас сум Христијан Мицкоски Зоране Заев, кој ќе те победи и тука ќе заврши твојата политичка кариера. А после тоа еве ти кажувам се обврзувам дека ќе го почитувам твоето право на презумпција на невиност и ќе имаш можност пред судовите да ја докажуваш истата. Но, не знам дали ќе успееш во тоа. Гледавме како Заев е добар во економијата, едно евро за Вицето, па гледавме како негов адвокат брат на судијка која што го замрзна имотот на ВМРО-ДПМНЕ и на тој начин му овозможи привилегирана позиција на СДСМ. Па гледавме како еден функционер ладно си зема купче со пари и си го става во чантата. И отприлика таа економија по мерка на Заев и СДСМ се сведува само на ова. Многу криминал, корупција и пљачка. Секогаш кога СДСМ е на власт се случуваат овие три работи, но оваа влада е надградена и проширена, јас кажувам дека доктор по науки станала. Прво што прават е национално предавство. Втората работа е криминал и корупција. И третата работа е тоа што го заробуваат судството и обвинителството да се исперат за некои злодела од минатото и да исконструираат некои дела за политичкиот противник“, кажа од говорницата Мицкоски.

„На 15 јули ќе се најдеме на историска раскрсница. Дали да прифатиме истрошени потрошени политичари како што е госпоѓата Шекеринска која што ја гледаме, како рече Мицкоски уште од раните 90-ти од транзицијата кога се пљачкаше Македонија и нашите родители беа бркани од фабриките и пола од народот останаа на улиците. Или ќе одбереме маестро, патриот, човек кој реди успеси и надвор од Македонија и со аплаузи на странските сцени успешно ја промовира македонската култура, родољубот Игор Дурловски“, рече тој.

На крајот Мицкоски ги повика жителите на Крушево да го заокружат бројот 14, за обнова на Македонија. Тој кажа дека е убеден дека народот во Македонија е одлучен да оствари историска победа и ќе победи на 15 јули.

Текстот (Видео) Мицкоски од Крушево: Заев и СДСМ се „доктори по наука” за криминал и корупција е превземен од МАКФАКС.

Categorie: Macedonia

Спасовски: Домашна платежна картичка и за пензионерите, стечајците, самохраните родители и невработените

Нова Македонија - Dom, 05/07/2020 - 20:58

Премиерот Оливер Спасовски најави економска поддршка за нови категории граѓани како дел од справувањето со последиците од ковид-пандемијата. Платежна картичка ќе добијат пензионерите, стечајците, самохраните родители и невработените кои не се активни баратели на работа

– Најавувам нова, 4-та одлука на Владата, за секој пензионер со пензија до 15.000 денари домашна платежна картичка од 9.000 денари, за секој стечаен работник, 12.000 во државата, домашна платежна картичка за купување домашни производи. За секој невработен кој не е активен барател на работа – домашна платежна картичка и за секој самохран родител – домашна платежна картичка – изјави носителот на листа во ИЕ 2, Оливер Спасовски, на вечерашната граѓанска трибина во Чаир.

The post Спасовски: Домашна платежна картичка и за пензионерите, стечајците, самохраните родители и невработените appeared first on Нова Македонија.

Categorie: Macedonia

(Видео) Заев од Чаир: Ќе го поразиме лажниот патриотизам на ВМРО-ДПМНЕ, ќе го поразиме и ДУИ

МАКФАКС - Dom, 05/07/2020 - 20:50

„Покажавме дека имаме храброст за сé што беше важно за државата и денес им докажуваме на сите политичари дома и во регионот, дека народот ги наградува храбрите политики и политичари и затоа ќе победиме и се додека ВМРО-ДПМНЕ и ДУИ продолжуваат со лажен национализам, ќе продолжат да губат“, рече претседателот на СДСМ, Зоран Заев на трибина со граѓаните на општина Чаир.

„Со Законот за употреба на јазици го заокруживме формално-правниот дел од Охридскиот рамковен договор, остана духот на договорот да го вградиме за сите, рамноправно, еднакво и со правата и со обврските пред државата.

Денес, ДУИ и Ахмети лажат дека тие го донеле, можеа да го донесат додека беа со ВМРО-ДПМНЕ но немаа храброст. Денес со тој Закон не изгубија ништо ни Македонците, ни Србите ни Власите, никој, само ослободивме едно право кое беше заробено“, порача Заев пред граѓаните на Чаир.

Текстот (Видео) Заев од Чаир: Ќе го поразиме лажниот патриотизам на ВМРО-ДПМНЕ, ќе го поразиме и ДУИ е превземен од МАКФАКС.

Categorie: Macedonia

Вонредна состојба во Израел поради коронавирусот

МАКФАКС - Dom, 05/07/2020 - 20:30

Израелскиот премиер Бенјамин Нетанјаху предупреди дека земјата е во вонредна состојба, поради наглото зголемување на заболените од коронавирус.

„Ние сме среде нов напад со корона. Епидемијата е многу силна, во целиот свет и во нашата земја“, рече Нетанјаху на седницата на владата.

Тој предупреди дека ако не бидат преземени итни мерки, многу Израелци ќе умрат.

„Ние сме во вонредна ситуација. Ако не го запреме ширењето на вирусот, нема да имаме ниту здравје, ниту економија, многу израелски граѓани ќе го загубат животот”, рече Нетанјаху.

Во последните 24 часа во Израел биле регистрирани 804 нови случаи, а четири лица починале. Израелската влада утре се очекува да разговара за нови рестриктивни мерки.

Текстот Вонредна состојба во Израел поради коронавирусот е превземен од МАКФАКС.

Categorie: Macedonia

Спасовски: Домашна платежна картичка и за пензионерите, стечајците, самохраните родители и невработените

МАКФАКС - Dom, 05/07/2020 - 20:24

„Најавувам нова 4-та одлука на Владата, за секој пензионер со пензија до 15.000 денари домашна платежна картичка од 9.000 денари, за секој стечаен работник, 12.000 во државата, домашна платежна картичка за купување домашни производи. За секој невработен и не е активен барател на работа – домашна платежна картичка и за секој самохран родител – домашна платежна картичка“, изјави носителот на листа во ИЕ 2, Оливер Спасовски, на вечерашната граѓанска трибина во Чаир.

„Продолжуваме со конкретни проекти, не со лаги и манипулации што ги нудат Мицкоски и ВМРО-ДПМНЕ. Се што говорат, ве повикувам да не ги сфаќате сериозно, затоа што не знаат ни што имаат напишано, ни како тоа да се реализира. Ова е сигурноста, знаеме како, покажавме дека можеме, затоа сите заедно на 15 јули бројот 3 – да покажеме дека можеме и повеќе и подобро“, повика Спасовски.

Текстот Спасовски: Домашна платежна картичка и за пензионерите, стечајците, самохраните родители и невработените е превземен од МАКФАКС.

Categorie: Macedonia

Во Грција 25 новозаразени со коронавирус, осуммина се странски туристи

Нова Македонија - Dom, 05/07/2020 - 20:20

Грчките власти објавија дека регистрирале уште 25 заразени со коронавирус во изминатите 24 часа и дека нема смртни случаи.

Од 25 потврдени случаи на инфекција, осуммина се странски туристи. Заразата со коронавирус е потврдена во Грција кај повеќе од 3.500 луѓе, од кои 192 починале.

The post Во Грција 25 новозаразени со коронавирус, осуммина се странски туристи appeared first on Нова Македонија.

Categorie: Macedonia

Повеќе од 120 лица загинале или исчезнале во поплавите во Кина

МАКФАКС - Dom, 05/07/2020 - 20:11

Повеќе од 120 луѓе загинале или исчезнале во поплавите и сезонските поројни дождови во јужна Кина, соопштија кинеските власти.Националната метеоролошка служба издаде жолт метео аларм за недела наутро, и тоа е третиот од четирите нивоа на аларм издаден за неколку кинески провинции, вклучувајќи ги и градовите Шангај и Чонгчинг. Дождови се предвидени и во текот на утрешниот ден.

Телевизијата ЦЦТВ емитуваше снимки од поплавени улици во провинцијата Анхуи, додека околу 8,000 луѓе се евакуирани во јужната провинција Џијангси, а 54 куќи биле уништени во невреме претходните денови.

Поплавите низ Кина уништија 17.000 домови и предизвикаа штета од 41,6 милијарди јуани (5,9 милијарди долари). Медиумите пренесуваат дека според првичниот биланс, за време на бурата загинале или исчезнале 121 лице.

Текстот Повеќе од 120 лица загинале или исчезнале во поплавите во Кина е превземен од МАКФАКС.

Categorie: Macedonia

Излезни анкети во Хрватска: ХДЗ освоил 61 мандат, СДП – 44 мандати

МАКФАКС - Dom, 05/07/2020 - 20:06

Според излезните анкети на хрватските парламентарни избори, ХДЗ освоил 61 мандат, а коалицијата „Рестарт“ на СДП – 44 мандати, јави ХРТ.

Според излезните анкети,исто така освоија места во хрватскиот парламент и Домовински покрет кој има освоено 16 пратенички места, коалицијата „Можеме“ (8), Мост (8) и Партијата со име и презиме (3).

Излезната анкета е спроведена на 21.575 испитаници во сите десет изборни единици во Република Хрватска.Првите официјални, привремени резултати се очекуваат околу 9 часот. (крај)

Текстот Излезни анкети во Хрватска: ХДЗ освоил 61 мандат, СДП – 44 мандати е превземен од МАКФАКС.

Categorie: Macedonia

Поранешен фудбалер на Нотингем се удавил во САД

МАКФАКС - Dom, 05/07/2020 - 20:04

Поранешниот фудбалер на англискиот второлигаш Нотингем форест, Дерик Отим се удавил во Јужна Каролина, САД. Тој имал само 24 години.

Отим бил дел од академијата на Форест пред да се пресели во САД да студира на Ксавиер универзитетот во Јужна Каролина. Тој бил во посета на пријатели во Клифс, кога се удавил во езерото Киови.

„Мислите на сите во клубот се кон семејството и пријателите на Дерик во ова трагично време“, објавија Нотингем на Твитер.

Rest in peace, Derrick ❤️
#NFFC are saddened to learn of the passing of former academy player Derrick Otim.

The thoughts of everyone at the club go out to his friends and family at this tragic time. pic.twitter.com/zqR5thSHlm

— Nottingham Forest FC (@NFFC) July 5, 2020

Текстот Поранешен фудбалер на Нотингем се удавил во САД е превземен од МАКФАКС.

Categorie: Macedonia

Поддршка од германскиот министер за Европа, Михаил Рот за коалицијата „Можеме“

Нова Македонија - Dom, 05/07/2020 - 20:00

Германскиот министер за Европа, Михаил Рот, преку видео обраќање упати силна поддршка до Никола Димитров, носител на листата на СДСМ и Коалицијата „Можеме“ во изборната единица 1.

– Никола Димитров не е само успешен, тој е и мошне искусен министер за надворешни работи. Тој не е само посветен Европеец, туку е и близок и доверлив пријател. И се гордеам со тоа. Тој ги брани европските вредности во тешки времиња. Тој се повикува на надежта кај луѓето, а не на нивните стравови. Тој е одличен соговорник со прекрасна смисла за хумор. И секогаш можам да сметам на него. Затоа целосно ја поддржувам неговата кандидатура за Собранието на Северна Македонија.

Ве молам гласајте за него, гласајте за светлата иднина на Република Северна Македонија – рече Михаил Рот, државен министер за Европа на актуелниот претседавач со Европската унија,Германија.

The post Поддршка од германскиот министер за Европа, Михаил Рот за коалицијата „Можеме“ appeared first on Нова Македонија.

Categorie: Macedonia

Шекеринска изврши увид на дел од поплавените подрачја во Битола

МАКФАКС - Dom, 05/07/2020 - 19:53

Заменик претседателката на СДСМ и заменик на претседателот на Владата, денес во Битола изврши увид на дел од поплавените подрачја по синоќешното невреме во Битола.

„Владата стои на располагање да помогне во оваа ситуација. Денеска имавме прилика да разговараме со еден дел од граѓаните, да им честитам што навистина брзо реагирале, и што еве и директорите не седеле некој друг да ја заврши работата туку биле на терен и помагале на граѓаните.Со природата навистина нема играње и овие екстремни промени во времето од многу врело до поројни дождови се карактеристика на климатските промени на кои ќе треба да се навикнуваме, да се прилагодуваме и нешто да сториме за да ги спречиме ваквите штети.

Очигледно е дека долгото неинвестирање во инфраструктура предизвикува последици и тие се провлекуваат години со ред и за 2,5 години не можат да се променат.Ова само покажува дека сме биле во право кога велиме дека парите мора да одат во модерна инфраструктура која постојано ќе се обновува и унапредува. Ние и во нашата програма презедовме обврска не само парите да одат кај граѓаните туку да одат во приоритетите“, изјави таа.

„Значи ‘не’ за музеи, споменици и жални врби, туку за инфраструктура која ќе прилега на 21 век. Апелирам до граѓаните да ги пријавуваат штетите, честитам на општината што брзо заживеа механизмот за пријава на штетите, само со ваква акција граѓаните ќе можат да добијат поддршка и од Општината и од Владата.Кога заедно работиме и кога работиме на приоритети резултати ќе има. Не преку ноќ и затоа бараме чист мандат за 4 години за многу од овие прашања да ги решиме од корен“, додаде таа.

Текстот Шекеринска изврши увид на дел од поплавените подрачја во Битола е превземен од МАКФАКС.

Categorie: Macedonia

(Видео) Јанушев од Виница: За младите до 29 години нула проценти данок

МАКФАКС - Dom, 05/07/2020 - 19:47

Носителот на изборната единица 3 од ВМРО-ДПМНЕ, Игор Јанушев при посетата на Виница оствари средба со младите од овој град.

„По посетата на Зрновце продолжуваме со посета на Виница. Само што завршивме со посета на најмладите како што можете да видите поддршката во огромен број ја даваат на ВМРО-ДПМНЕ и обновата која што доаѓа она што успеавме да порачаме на Заев, Љупчо Николовски и останатите од криминално рекетарската банда од Социјалдемократскиот сојуз се дека сте прочитана книга, веќе сите знаат дека заминувате секој еден граѓанин на Република Македонија застанува и се исправува за Македонија и за ‘Обновата’“, истакна Јанушев.

Тој порача дека младите треба да останат во Македонија и тука да ја градат својата иднина, а не да одат во странство пред се Италија. За тоа мора државата да се погрижи, да обезбеди подобри услови. ВМРО-ДПМНЕ во својата програма ‘Обнова’ ветува зголемување на платата од 25 проценти и нула проценти данок за малдите до 29 години.

„Земјоделците ќе добијат 640 милиони евра субвенции за 4 години, но тие ќе мора да бидат исплатувани навереме. Ве повикивам на 15-ти јули да излезете, да вимавате пред се и на вашето здравје и да заокружите број 14 за Обнова на Македонија“, повика Игор Јанушев.

Текстот (Видео) Јанушев од Виница: За младите до 29 години нула проценти данок е превземен од МАКФАКС.

Categorie: Macedonia

На изборите во Хрватска гласале 107.000 гласачи помалку од 2016 година

Нова Македонија - Dom, 05/07/2020 - 19:40

До попладне, околу 107.000 помалку гласачи излегоа на гласање за хрватскиот парламент отколку во 2016 година, покажуваат податоците на Државната изборна комисија (ДИК).

Еден милион и 150.000 гласачи (34,04 проценти) гласале до 16.30 часот, за разлика од пред четири години кога гласале 37,2 проценти. Во однос на бројот на избирачи, сè уште води 1-та изборна единица во Загреб, во која гласаа 37,67 проценти, додека 5-та, славонска изборна единица (30,88 проценти) сè уште има најлош одѕив.

Без оглед на одѕивот, дијаспората, т.е. хрватските гласачи без престој во Хрватска низ целиот свет, избираат само тројца од 151 пратеник.

Потпретседателот на ДИК, Дамир Контрец, вели дека ДИК досега немала сериозни забелешки или приговори од теренот за спроведување на изборите.

– Верувам дека ќе остане така до крајот на денот на изборите – рече тој за Хрватското радио и потврди дека проблемите со недоволниот број на гласачки ливчиња на Брач и Водице биле успешно решени.

ДИК нема информации дека на некој од заразените со коронавирус (околу 50) или гласачи во самоизолација (околу 500 регистрирани) биле одбиени да гласаат.

Потпретседателот на ДИК изрази задоволство што сите учесници во изборниот процес се придржуваат кон пропишаните мерки за заштита од коронавирус.

The post На изборите во Хрватска гласале 107.000 гласачи помалку од 2016 година appeared first on Нова Македонија.

Categorie: Macedonia