Traduci pagina

English French German Italian Portuguese Russian Spanish

Macedonia

Владата предложи прогласување на Студенчишко Блато за заштитено подрачје, на потег е Собранието

МАКФАКС - Mar, 27/09/2022 - 7:50pm

Владата откако го разгледа, го утврди предлог-законот за прогласување на Студенчишко Блато за заштитено подрачје – парк на природата, кој ќе биде испратен во Собранието на натамошно одлучување.

Од Владата велат дека со донесување закон за прогласување на Студенчишко Блато за парк на природата ќе се овозможи: зачувување на природната состојба на локалитетот Студенчишко Блато преку заштита на природните и други вредности; спречување дејства што може непосредно или посредно да предизвикаат нарушување на живеалиштата и екосистемите; создавање поволни услови за заштита, зачувување и унапредување на биолошката и пределската разновидност; одржливо користење на природните ресурси на начин на кој не се загрозува опстанокот на живеалиштата и видовите.

„Блатото Студенчишта претставува последен глацијален реликтен остаток на блатната вегетација во нашата држава, развиен за време на периодот на плеистоценот и е во загрозена состојба поради присуство на депонија, прекината комуникација со езерото, палење и уништување на блатната вегетација и формирање обработливи површини“, велат од Владата.

Текстот Владата предложи прогласување на Студенчишко Блато за заштитено подрачје, на потег е Собранието е превземен од МАКФАКС.

Categorie: Macedonia

ЕСМ од Владата доби 1,1 милијарда денари за да може да купува гас

МАКФАКС - Mar, 27/09/2022 - 7:43pm

Владата на денешната седница одобри 1,1 милијарда денари за набавка на енергенти пред почетокот на грејната сезона на АД за производство на електрична енергија „Електрани на Северна Македонија“, во државна сопственост, Скопје, во согласност со одлуката за постоење кризна состојба во снабдувањето со топлинска енергија.

Од владината прес-служба, по одлуката, инфорормираа дека се обезбедува непречено снабдување со топлинска енергија на градот Скопје и сигурност и стабилност при испораката на топлинска енергија до потрошувачите за време на годинешната грејна сезона.

Текстот ЕСМ од Владата доби 1,1 милијарда денари за да може да купува гас е превземен од МАКФАКС.

Categorie: Macedonia

Маричиќ од Брисел: Ги добивме препораките за кластерот „Темели“, подготвени ќе го почнеме билатералниот скрининг

МАКФАКС - Mar, 27/09/2022 - 7:35pm

Вицепремиерот задолжен за европски прашања, Бојан Маричиќ, на последниот објаснувачки состанок од кластерот „Темели“ за Поглавјето 23, „Правосудство и фундаментални права“, рече дека експертизата, препораките и советите што ги слушнаа македонските работни групи од Европската комисија ќе бидат добар водич во подготовките за билатералниот скрининг во ова поглавје.

„Институциите и администрацијата имаат мотивација, а Владата политичка волја за да продолжат реформите во правосудството и да обезбедиме за граѓаните судски систем кој ќе функционира по европски стандарди“, напиша на својот фејсбук-профил главниот преговарач со ЕУ, Маричиќ.

Според Маричиќ, напредокот во областа владеење на правото ќе биде јасен показател за текот на преговарачкиот процес и дека македонскиот преговарачки тим и тој како поранешен министер за правда одлично го знаат предизвикот што ќе го имаат во ова поглавје.

„Направивме поместувања во функционирањето на правосудниот систем, но ова е област во која ќе имаме уште работа и која секогаш има простор за подобрување“, вели Маричиќ.

Денес, во Брисел, со завршувањето на објаснувачкиот состанок за Поглавјето 23, „Правосудство и фундаментални права“, се заокружи објаснувачкиот скрининг за кластерот 1, „Темели“. Билатералните состаноци за поглавјата и областите од овој кластер ќе се одржат во ноември и декември годинава.

Овој кластер важи за најважната област во процесот на преговори со Европската Унија имајќи предвид дека содржи поглавја поврзани со демократските институции, владеењето на правото, политичките и економските критериуми, реформата на јавната администрација, јавните набавки, финансиската контрола и статистиката. Од постигнувањето на потребниот напредок во овој кластер ќе зависи отворањето други кластери, објаснуваат од Секретаријат за европски прашања.

Скрининг-процесот продолжува со објаснувачките состаноци за поглавјата од кластерот 2, „Внатрешен пазар“, кои почнуваат во првата половина на октомври.

Текстот Маричиќ од Брисел: Ги добивме препораките за кластерот „Темели“, подготвени ќе го почнеме билатералниот скрининг е превземен од МАКФАКС.

Categorie: Macedonia

Блинкен: Истекувањето гас од „Северен тек“ нема да влијае на енергетската безбедност на Европа

МАКФАКС - Mar, 27/09/2022 - 7:14pm

Американскиот државен секретар, Ентони Блинкен, изјави дека истекувањето гас од гасоводот „Северен тек“, според неговото разбирање, нема значително да влијае на енергетската безбедност на Европа.

Блинкен на прес-конференција рече дека САД сè уште не ги потврдиле првичните извештаи дека протекувањето може да биде резултат на напад или саботажа.

Додаде дека саботирањето на гасоводот нема да биде во ничиј интерес.

Шведската полиција претходно објави дека повела прелиминарна истрага за можна саботажа на гасоводот „Северен тек 1“ во Балтичкото Море.

Текстот Блинкен: Истекувањето гас од „Северен тек“ нема да влијае на енергетската безбедност на Европа е превземен од МАКФАКС.

Categorie: Macedonia

Столтенберг: НАТО недвосмислено го поддржува суверенитетот на Украина, референдумите го кршат меѓународното право

МАКФАКС - Mar, 27/09/2022 - 6:39pm

Лажните референдуми во Украина се јасно кршење на меѓународното право, изјави генералниот секретар на НАТО, Јенс Столтенберг.

Столтенберг рече дека разговарал со украинскиот претседател Володимир Зеленски кому јасно му ставил до знаење дека сојузниците на НАТО се непоколебливи во нивната поддршка за суверенитетот на Украина и правото на самоодбрана.

Just spoke with President @ZelenskyyUa & made clear that #NATO Allies are unwavering in our support for #Ukraine’s sovereignty & right to self-defence. The sham referenda held by #Russia have no legitimacy & are a blatant violation of international law. These lands are Ukraine.

— Jens Stoltenberg (@jensstoltenberg) September 27, 2022

Текстот Столтенберг: НАТО недвосмислено го поддржува суверенитетот на Украина, референдумите го кршат меѓународното право е превземен од МАКФАКС.

Categorie: Macedonia

Се пензионирше Микел Џон Оби, фудбалерот за кој водеа „војна“ Челси и Манчестер јунајтед

МАКФАКС - Mar, 27/09/2022 - 6:27pm

Поранешниот фудбалер на Челси, Џон Оби Микел објави дека се пензионира од фудбалот на 35 години, ставајќи крај на долгата кариера во која исто така имаше 91 настап за репрезентацијата на Нигерија по дебито во 2005 година. Тој последен пат играше во Кувајт ФЦ, но веќе 10 месеци беше без клуб.

Микел имаше само шест настапи за норвешкиот клуб Лин, кога стана предмет на „војна“ меѓу Манчестер јунајтед и Челси за неговиот потпис. Тој потпиша договор со „ѓаволите“, пред да се предомисли и да се пресели во Челси во 2006 година, откако „сините“ им платија отштета на англиските ривали.

На крајот, тој помина цела деценија на „Стемфорд Бриџ“ со 372 настапи за лондонскиот клуб, каде што стана херој на навивачите по клучната улога која ја имаше при освојувањето на титулата од Лигата на шампиони во 2012 година. Следната година, тој го освои Африканскиот куп на нации со Нигерија.

По две години во кинеската лига со Тијанџин ТЕДА, Микел се врати во Англија со Мидлзборо, каде што остана една сезона, пред да замине за Трабзонспор во Турција, со кои го освои Турскиот куп. По ова следуваше третото враќање во англискиот фудбал, со Стоук сити во Чемпионшип во 2020/21.

View this post on Instagram

A post shared by Mikel Obi (@mikel_john_obi)

Текстот Се пензионирше Микел Џон Оби, фудбалерот за кој водеа „војна“ Челси и Манчестер јунајтед е превземен од МАКФАКС.

Categorie: Macedonia

(Видео) По истекувањето гас, регистрирани и експлозии, Москва обвини за саботажа

МАКФАКС - Mar, 27/09/2022 - 6:08pm

Кремљ објави дека не ја исклучува можноста штетата на гасоводите „Северен тек“ во Балтичкото Море да е предизвикана од саботажа, а Европската комисија вели дека е прерано да се шпекулира за причината за истекување гас во два цевковода наменети за испорака на гас од Русија во Европа.

„Норд стрим АГ“, операторот на гасоводот, претходно објави дека три морски линии на „Северен тек“ претрпеле невидена штета за еден ден.

„Ниту една опција не може да се исклучи“, рече портпаролот на Кремљ, Дмитриј Песков, на прашањето за можноста за саботажа.

Se video og fotos af gaslækagerne på Nord Stream 1 og 2-gasledningerne i Østersøen på https://t.co/pj96CN7CDB: https://t.co/7bgt8TljaH #dkforsvar pic.twitter.com/I1zEPaBLYO

— Forsvaret (@forsvaretdk) September 27, 2022


Данската енергетска управа (ДЕА) вели дека има многу истекување гас и дека дупката во „Северен тек 2“ е голема.

Првиот човек на оваа данска организација вели дека истекувањето гас ќе продолжи уште неколку дена, а можеби и една недела. Тој вели дека големото количество меурчиња на површината укажува дека дупката во цевката е многу голема. Данските поморски власти издадоа предупредување за бродовите.

Данската војска објави видео од хеликоптер на кое се гледаат меури на површината на морето предизвикани од истекување гас. Местото е широко стотици метри.

Шведската национална телевизија СВТ објави дека сеизмолозите снимиле подводни експлозии во близина на гасоводот „Северен тек“ во последните 36 часа. Експлозиите се регистрирани во самата близина на местото на кое дошло до истекувањето на гасот.

„Нема сомнеж дека се работи за експлозии“, вели Бјорн Лунд, предавач по сеизмологија во Шведската национална сеизмичка мрежа, SNSN. Првата експлозија е снимена во понеделникот во 2.03 часот, а втората во понеделникот во 19.04 часот.

Предупредувањата за истекување гас дојдоа од Поморската управа во понеделникот во 13.52 и 20.41 часот соодветно откога бродовите открија меурчиња на површината.

„Можете јасно да видите како брановите се рефлектираат од дното кон површината. Нема сомнеж дека дошло до експлозија“, објави СВТ.

Текстот (Видео) По истекувањето гас, регистрирани и експлозии, Москва обвини за саботажа е превземен од МАКФАКС.

Categorie: Macedonia

Гром удри на аеродромот во Белград, пистата е оштетена

МАКФАКС - Mar, 27/09/2022 - 6:01pm

Големо невреме го зафати Белград нешто по 15 часот, при што гром удри во пистата на аеродромот „Никола Тесла“.

Аеродромот „Никола Тесла“ за „Нова.рс“ потврди дека пистата била погодена од гром и дека надлежните служби работат на процена на ситуацијата.

„За време на силното невреме, пистата на белградскиот аеродром беше погодена од гром и во беше оштетена. Оперативните служби во моментот ја проценуваат состојбата. Наш приоритет е безбедноста на патниците и авионите“, соопштија од аеродромот.

Летовите привремено беа прекинати, но веќе сообраќајот на аеродромот е нормализиран.

Текстот Гром удри на аеродромот во Белград, пистата е оштетена е превземен од МАКФАКС.

Categorie: Macedonia

Малта го суспендира селекторот поради сексуално малтретирање фудбалер?

МАКФАКС - Mar, 27/09/2022 - 5:54pm

Селекторот на фудбалската репрезентација на Малта, Италијанецот Девис Манџа, е суспендиран од Федерацијата кога еден негов фудбалер го пријавил за сексуално малтретирање, јавуваат локалните медиуми.

Федерацијата јавно потврди дека Манџа е суспендиран до целосното утврдување на фактите, но не ги објасни детаљно причините за ваквата одлука, иако медиумите на Малта објавија дека еден фудбалер го пријавил тренерот за сексуално малтретирање. Според нивните извори, ова било и причината поради која Манџа добил отказ како тренер на романскиот клуб Универзитатеа Крајова во 2019 година, истата година кога Манџа се ожени со својата девојка Делија. Суспензијата е потврдена неколку часа пред пријателскиот меч со Израел, каде што неговиот помошник Давиде Мацота ќе го води тимот.

Манџа е поранешен селектор на У21-репрезентацијата на Италија, а на позицијата селектор на Малта е од декември 2019 година и има 9 победи во 27 меча.

Текстот Малта го суспендира селекторот поради сексуално малтретирање фудбалер? е превземен од МАКФАКС.

Categorie: Macedonia

Бугарското МНР: Говорот на омраза од трибините во Скопје е во спротивност со европските принципи

МАКФАКС - Mar, 27/09/2022 - 5:38pm

Бугарското Министерство за надворешни работи го осудува исвиркувањето на бугарската химна на фудбалскиот натпревар меѓу репрезентациите на Бугарија и Македонија во Скопје.

Од тамошното министерство велат дека говорот на омраза против Бугарија и Бугарите од трибините на националниот стадион во Скопје претставува недвосмислено негирање на основните вредности на современите демократски општества и јасно е во спротивност со европските принципи и норми на однесување.

„Ја добивме реакцијата на Министерството за надворешни работи на Република Северна Македонија, со која се осудува говорот на омраза за време на фудбалскиот натпревар. Истовремено, повикуваме на решителни и неповратни чекори на официјалните власти во Скопје за искоренување на антибугарската агресија на јавниот простор на државата“, се наведува во соопштението на бугарското МНР.

Во таа насока потсетуваат дека со договорот од 2017 година и билатералните протоколи потпишани во 2019 и 2022 година двете земји категорично се залагаат за преземање ефективни мерки против говорот на омраза.

„Зачувувањето на напредокот постигнат во последните месеци во политичкиот дијалог бара ваквите настани засекогаш да станат минато. Само во овој дух двете земји ќе може да отворат нова страница во односите, засновани на меѓусебно почитување и добрососедство“, се додава во соопштението на бугарското МНР.

Текстот Бугарското МНР: Говорот на омраза од трибините во Скопје е во спротивност со европските принципи е превземен од МАКФАКС.

Categorie: Macedonia

Неискористени шанси и црвен картон за несреќен крај во Лигата на нациите

Нова Македонија - Lun, 26/09/2022 - 10:46pm

Македонија несреќно загуби од Бугарија со 0-1 по голема борба во последниот меч од Лигата на нациите (ЛН), откако беше со фудбалер помалку на теренот во поголемиот дел од вечерашната пресметка на арената „Тодор Проески“ и пропушти неколку изгледни шанси за гол.

Домашната селекција во 14-та минута остана со десетмина на теренот откако Тодор Тодороски доби директен црвен картон по невнимателен старт врз противнички фудбалер. Селекторот Благоја Милевски и присутните македонски навивачи не беа задоволни од неколку одлуки на австрискиот судија Џулијан Вајнбергер, за кој се стекна впечаток дека можеби премногу лесно дели картони.

Но со силна поддршка од двасетина илјади гледачи и со голема борбеност, Македонија постојано се обидуваше да го загрози противничкиот гол успеа, а успеа да оствари и поголем посед на топката од 52-отсто во првото полувреме. Македонските навивачи пред почетокот на натпреварот го проследија интонирањето на бугарската химна со свирежи, додека гостите имаа поддршка од педесетина симпатизери.

Бугарскиот капитен Кирил Десподов го постигна решавачкиот погодок по контранапад во 50-та минута. Истиот фудбалер беше стрелец и во првиот дуел одигран во Разград (1-1).

Македонските фудбалери тргнаа офанзивно по израмнување во последните половина час, но гостите успеаја да се одбранат, при што противничкиот дефанзивец Тодор Антов на самата гол-линија ја го сочува бугарскиот гол по удар на Езџан Алиоски во 63-та минута. Алиоски потоа имаше уште еден опасен обид, но биеше покрај противничкиот гол. А резервистот Љупче Дориев во самата завршница влезе во изгледна прилика, но не се снајде најдобро по нафрлување во бугарскиот петерец. Милан Ристовски, претходно, беше најблиску до погодок во првото полувреме, но неговиот шут од далечина го одбрани противничкиот голман Даниел Наумов.

Избраниците на селекторот Благоја Милевски остануваат во лигата Ц и во следното издание во Лигата на нациите, но и без бараж за настап на Европското првенство (ЕП) во 2024 година во Германија, откако завршија третото место во групата 4 зад Бугарија и Грузија. Во вториот вечерашен меч Грузија очекувано славеше против Гибралтар со 2-1 на гости.

Македонија во март ги почнува квалификациите за ЕП 2024. Ждрепката на групите треба да се влече на 9 октомври во Франкфурт, а „црвено-жолтите ќе бидат во петтиот барабан (од вкупно шест), што ќе биде одредено со вкупниот пласман во Лигата на нациите.

The post Неискористени шанси и црвен картон за несреќен крај во Лигата на нациите appeared first on Нова Македонија.

Categorie: Macedonia

На Баир ќе бидат реновирани домовите на 27 ромски семејства

Нова Македонија - Lun, 26/09/2022 - 10:00pm

Наскоро 27 ромски семејства од населбата Баир ќе можат да ги реновираат своите домови.

Таквите услови се стекнаа за оние домакинстав кои во рамките на проектот „Баир – Здружена акција на Битола за вклучување на Роми”, по легализацијата на своите објекти се стекнаа со имотни листови.

Деновиве локалната самоуправа објави јавен повик за поднесување апликации за реновирање на домакинства на ромското население во населбата Баир.

Целта на овој повик е да се реновираат домакинствата на 27 ромски семејства, чии што објекти имаат имотен лист.

Во своето обракање, градоначалникот на Битола, Тони Коњановски, истакна дека во општината сеуште постојат нерешени проблеми, поврзани со урбанизацијата, а со тоа и обезбедувањето на соодветна подземна и патна инфраструктура, што значително ги отежнува условите на граѓаните кои живеат во таквите места.

Токму затоа, општината веќе работи на донесување на нов ГУП за општина Битола, чија подготовка неодамна започна и на забрзување на процесот на легализација. Преку овој процес на легализација 17 ромски семејства, добија имотен лист за објектите во кои живеат во рамките на проектот Баир.

-Денес, со објавувањето на „Повикот за апликации за реновирање на домакинства на ромското население во населба Баир”, заедно со нашите партнерски организации, започнуваме еден нов процес во рамките на споменатиот проект, со кој 27 ромски домакинства ќе имаат можност да извршат поставување на ПВЦ дограма, обновување на фасадите, или санација на кровната конструкција. Верувам дека, со искористувањето на средствата од овој фонд, ке се создадат похумани и подостоинствени услови за живот. Најважен критериум од кој не смее да се отстапува во повикот е избраните домаќинства да се легализирани и дел од ДУП, со цел и инвестираните средства да имаат одржлив ефект. Токму затоа и легализацијата е процес на кој интензивно се работи во целиот овој период. Со проектот „Баир”, опфативме и реконструкција на улиците „Струшка” и „Сутјеска”, со вредност од 5.623.157 денари, а партнерската соработка овозможува и реализација на социјалната и инклузивна компонента, преку спроведување на активности кои поттикнуваат развој и поддршка на културни и спортски иницијативи и кампањи за подигнување на јавната свест кај ромското население за релевантни теми од секојдневното живеење – посочи Коњановски.

Според надлежните, во целиот овој процес, најважна е партиципативноста на населението, затоа што неговото учество, овозможува и точно идентификување на потребите при реализацијата на проектите.

-Ова е една од носечките активности и има за цел бенефитите од проектните средства граѓаните Роми директно да ги почувствуваат во своите домови. Предвидува три типа интервенции од поставување на ПВЦ дограма, обнова на фасада и реконструкција покривот. Граѓаните ќе имаат можност од денес, па секој работен ден заклучно со 7 октомври до 14 часот да аплицираат. Доколку се јави недоволен број апликанти повикот ќе биде продолжен – рече Климентина Ѓоргиоска, проектен менаџер.

Инаку, проектот „Баир – здружена акција на Битола за вклучување на Роми” е финансиран од Европска Унија преку инструментот за претпристапна помош ИПА 2, ЕУ за Ромите и луѓето кои живеат во длабока сиромаштија.

Имплементатори на проектот се италијанската невладина организација ЦОСВ, ПРЕДА Плус Фондација и општина Битола.

M.M.

The post На Баир ќе бидат реновирани домовите на 27 ромски семејства appeared first on Нова Македонија.

Categorie: Macedonia

Блинкен: Имаме план доколку Русија започне нуклеарен напад

Нова Македонија - Lun, 26/09/2022 - 9:19pm

Американскиот државен секретар Ентони Блинкен изјави дека „секоја употреба на нуклеарно оружје ќе има катастрофални последици“. Тој потврди оти САД имаат план, доколку се случи нешто слично.

Блинкен одби да прецизира каков ќе биде американскиот одговор.

Тој информираше и дека американски претставници го повикале Кремљ да „престане со приказната за нуклеарно оружје“.

The post Блинкен: Имаме план доколку Русија започне нуклеарен напад appeared first on Нова Македонија.

Categorie: Macedonia

Куба ги легализираше истополовите бракови

Нова Македонија - Lun, 26/09/2022 - 9:07pm

Куба ги легализираше истополовите бракови, откако граѓаните гласаа за семејниот законик со што се зголемува заштитата на малцинствата на островот, објави денеска Националниот изборен совет на земјата.

Од оние со право на глас, 74,1 отсто излегле да гласаат на вчерашниот национален референдум.

Со 94 отсто од гласовите пребројани, 3,936,790 гласале во корист, а 1,950,090 против.

Новиот семеен кодекс ја зголемува заштитата на жените, децата и на постарите лица, како и им дозволува на ЛГБТК+ паровите да се венчаат и да посвојуваат деца.

Иако хомосексуалноста е легализирана во Куба од 1979 година, голем број припадници на ЛГБТК+ заедницата р екоа дека сè уште се соочуваат со отворена дискриминација.

The post Куба ги легализираше истополовите бракови appeared first on Нова Македонија.

Categorie: Macedonia

Пендаровски: Војната во Украина донесе енергетска криза и безбедносни предизвици

Нова Македонија - Lun, 26/09/2022 - 8:12pm

Безбедносните прашања секогаш биле важна тема, а неизбежно, најактуелно безбедносно прашање на денешнината е руската агресија врз Украина која тектонски ја поремети стабилноста на Европскиот континент кога мислевме дека по падот на Берлинскиот ѕид сме навлезени во период на долгорочен мир и стабилност.

Ова го истакна претседателот Стево Пендаровски во видео обраќање со кое ја отвори 13-та Меѓународната научна конфренција во Струга „Образовни предизвици и перспективи на безбедноста“, организирана по повод 45 години високо образование во областа на безбедноста.

-Уште во 2014-та по анексијата на Крим беше јасно дека пред европската безбедносна архитектура има значајни предизвици, но, реално никој не очекуваше директна воена агресија врз една независна и суверена земја каква што не е видена од завршувањето на втората светска војна. Ние ја осудивме руската агресија врз Украина и дадовме целосна поддршка на украинскиот народ во одбрана на својата независност која вклучуваше не само политичка, туку и конкретна техничка помош и воена опрема. Споредено со нашите капацитети и големина, припаѓаме во групата на земји кои најмногу ја помогнаа Украина во нивната праведна одбрана од агресијата. Тоа го направивме не само затоа што сме членка на НАТО, туку затоа што веруваме во принципите на меѓународното право кое не дозволува воена агресија на една земја врз друга – рече Пендаровски.

Според него, војната во Украина донесе редица предизвици на многу полиња со кои светот, а, посебно Европа мораат да се соочуваат. Најголем предизвик е и допрва ќе биде, вели, енергетската криза, потоа безбедносните предизвици од трети страни или тн. малигни актери кои посакуваат дестабилизација на Балканот, но и растот на инфлацијата, дезинформациите и популистичките реторики кои се засилуваат користејќи го видливиот застој во евроинтеграциите на Западниот Балкан.

-Што се однесува до нашиот пат кон Европа, со големите дипломатски компромиси кои ги направивме во изминатите неколку години, покажавме дека сме сериозни во намерата да ја реализираме нашата втора стратешка цел. Подготвени сме како држава да ги исполниме сите европски критериуми, и притоа имаме јасни очекувања дека тој наш труд ќе биде реално валоризиран од Брисел. За европските перспективи на регионот зборувам од едноставна причина што никогаш не сум верувал дека е можна долгорочна стабилност на регионот без да станеме дел од проектот на Обединета Европа. Застојот во таа смисла за кој зборувам, и за кој секогаш тврдев дека не е добар за нас веќе го пополнуваат трети страни и, за жал, според сите релевантни истражувања, во голем пораст е евроскептицизмот, како и популарноста на автократските лидери и на популистичките вредности – вели шефот на државата.

Тој истакна дека по агресијата врз Украина на многумина им е појасно колку е значајна евроатланската перспектива и подвлече дека е исклучително значајно таа засилена кохезија и интересот на Европската Унија за регионот да продолжи и по што поскорото, завршување на руската агресија врз Украина.

-После 21 години чекање да станеме дел од Алијанската убедени сме дека членството во НАТО е најголемиот стабилизирачки фактор во регионот и пошироко. Она на што во наредниот период ќе мора многу повеќе да работиме, при тоа мислам и на политичките институции и на безбедносните експерти, се безбедносните ризици кои ни ги носат хибридните закани. Мислам дека на таа тема како земја ќе ни треба исклучително брзо прилагодување. Потребен ни е адаптабилен систем кој брзо ќе фаќа чекор со новите начини на хибридно војување. Тоа подразбира инвестирање не само во средствата за традиционално војување, туку и во најновите дигитални технолошки алатки и во стратешките комуникации неопходни за поголема отпорност кон дезинформациите – порача претседателот Пендаровски.

The post Пендаровски: Војната во Украина донесе енергетска криза и безбедносни предизвици appeared first on Нова Македонија.

Categorie: Macedonia

Маричиќ: Реформите се многу повеќе од нови ЕУ закони, тоа се промени во функционирањето на институциите

Нова Македонија - Lun, 26/09/2022 - 7:30pm

Вицепремиерот за европски прашања, Бојан Маричиќ, на денешниот објаснувачки скрининг состанок за „Функционирање на демократските институции“, во своето воведно обраќање рече дека ова е област која е од суштинска важност за секое демократско општество и дека ќе бара максимална посветеност на реформската агенда која ќе помогне да се забрза напредокот во оваа важна област.

–Реформските процеси не се само за воведување нова легислатива, туку и за промена на менталитетот и стилот на владеење. Знаеме и имаме искуство за тоа колку е важно владеењето на правото, како и тоа да имаме независни и ефикасни институции кои го гарантираат истото – рече Маричиќ.

Како што соопшти СЕП, вицепремиерот и главен преговарач Маричиќ на состанокот истакна дека Северна Македонија има постигнато огромен напредок во последните години, особено во однос на владеењето на правото и враќањето на демократијата со градење силни и функционални институции кои работат на принципите на отчетност, транспарентност и инклузивност, со што успешно одговорила на назадувањето кое е нотирано и во последниот Извештај на Европската комисија.

– Во изминатите неколку изборни циклуси, покажавме способност да организираме фер и конкурентни избори како што беше потврдено од ОБСЕ/ОДИХР. Во однос на изборната реформа беа направени неколку измени на Изборниот законик за да се адресираат препораките што чекаат од Извештаите за набљудување на изборите на ОБСЕ/ОДИХР, како и препораките и најдобрите практики на Венецијанската комисија – потенцираше Маричиќ додавајќи дека продолжувањето на изборната реформа е меѓу приоритетите како Влада, преку инклузивен и транспарентен да се донесе нов Изборен законик.

Вицепремиерот Маричиќ уште еднаш истакна пред претставниците на Европската комисија дека е важно во Северна Македонија да имаме национален консензус за пристапниот процес и опозицијата да игра конструктивна улога во исполнувањето на нашата стратешка цел за полноправно членство.

-Собранието ја подобри својата улога како примарен форум за конструктивен политички дијалог. Сите партии придонесоа за два успешни рунди на дијалогот Жан Моне со Европскиот парламент. Оваа соработка е високо ценета како и континуираната поддршка на нашите напори за натамошно зајакнување на улогата на Парламентот. Со усвојувањето на преговарачката структура, предвидуваме клучна улога на Комисијата за европски прашања и Националниот совет за евроинтеграции, во процесот на усвојување на усогласената легислатива и организирање дебати и консултации за реформите поврзани со ЕУ – посочи Маричиќ.

Денеска се одржа објаснувачкиот скриниг состанок за уште една област што првпат се воведува во пристапните преговори – „Функционирање на демократските институции“, во рамки на кластерот „Темели“, која е основна вредност врз која функционира Европската Унија.

Утре ќе се одржи скрининг состанок за Поглавје 23 „Правосудство и фундаментални права“, со кој завршуваат објаснувачките скрининг состаноци за Кластер 1, „Темели.

The post Маричиќ: Реформите се многу повеќе од нови ЕУ закони, тоа се промени во функционирањето на институциите appeared first on Нова Македонија.

Categorie: Macedonia

Маричиќ: Реформите се многу повеќе од нови ЕУ-закони, тоа се промени во функционирањето на институциите

МАКФАКС - Lun, 26/09/2022 - 7:16pm

Заменик-претседателот на Владата задолжен за европски прашања, Бојан Маричиќ, на денешниот објаснувачки скрининг-состанок за функционирање на демократските институции, во своето воведно обраќање рече дека ова е област што е од суштинска важност за секое демократско општество и дека ќе бара максимална посветеност на реформската агенда, која ќе помогне да се забрза напредокот во оваа важна област.

„Реформските процеси не се само за воведување нова легислатива, туку и за промена на менталитетот и на стилот на владеење. Знаеме и имаме искуство за тоа колку е важно владеењето на правото, како и тоа да имаме независни и ефикасни институции, кои го гарантираат тоа“, рече Маричиќ.

Вицепремиерот за европски прашања и главен преговарач, Маричиќ, на состанокот истакна дека Северна Македонија има постигнато огромен напредок во последните години, особено во однос на владеењето на правото и враќањето на демократијата со градење силни и функционални институции, кои работат на принципите на отчетност, транспарентност и инклузивност, со што успешно одговорила на назадувањето, кое е нотирано и во последниот извештај на Европската комисија.

„Во изминатите неколку изборни циклуси покажавме способност да организираме фер и конкурентни избори, како што беше потврдено од ОБСЕ/ОДИХР. Во однос на изборната реформа беа направени неколку измени на Изборниот законик за да се адресираат препораките што чекаат од извештаите за набљудување на изборите на ОБСЕ/ОДИХР, како и препораките и најдобрите практики на Венециската комисија“, потенцира Маричиќ додавајќи дека продолжувањето на изборната реформа е меѓу приоритетите како Влада преку инклузивен и транспарентен да се донесе нов Изборен законик.

Вицепремиерот Маричиќ уште еднаш истакна пред претставниците на Европската комисија дека е важно во Северна Македонија да имаме национален консензус за пристапниот процес и опозицијата да игра конструктивна улога во исполнувањето на нашата стратешка цел за полноправно членство.

„Собранието ја подобри својата улога како примарен форум за конструктивен политички дијалог. Сите партии придонесоа за две успешни рунди на дијалогот ‘Жан Моне’ со Европскиот парламент. Оваа соработка е високо ценета како и континуираната поддршка на нашите напори за натамошно зајакнување на улогата на парламентот. Со усвојувањето на преговарачката структура предвидуваме клучна улога на Комисијата за европски прашања и Националниот совет за евроинтеграции во процесот на усвојување на усогласената легислатива и организирање дебати и консултации за реформите поврзани со ЕУ“, посочи Маричиќ.

Денеска, се одржа објаснувачкиот скриниг-состанок за уште една област што првпат се воведува во пристапните преговори – функционирање на демократските институции во рамките на кластерот „Темели“, која е основна вредност врз која функционира Европската Унија.

Утре, ќе се одржи скрининг-состанок за Поглавјето 23, „Правосудство и фундаментални права“, со кој завршуваат објаснувачките скрининг-состаноци за кластер 1, „Темели.

Текстот Маричиќ: Реформите се многу повеќе од нови ЕУ-закони, тоа се промени во функционирањето на институциите е превземен од МАКФАКС.

Categorie: Macedonia

(Видео) Спасовски: 45 години високо образование за безбедност, со научни резултати до заеднички одговор на безбедносните предизвици

МАКФАКС - Lun, 26/09/2022 - 7:12pm

Министерот за внатрешни работи, денеска, во Струга ја отвори 13. меѓународна годишна конференција на Факултетот за безбедност – Скопје, која оваа година е во чест на 45 години високо образование во областа на безбедноста и постоење на Факултетот за безбедност, на тема што се занимава со образовните предизвици и перспективите за безбедноста.

„Четири и пол децени егзистирање на оваа високообразовна институција, од оваа дистанца, барем за мене, значат: голем самопрегор, истрајност, научно љубопитство, истражувачка дејност и, секако, воспитување и образование на генерации и генерации академски граѓани. Но, ваквиот курикулум, сепак, не би бил целосен доколку не се споменат мноштвото научни и стручни трудови од областа на безбедноста или, пак, активната експертска партиципација во многуте нормативни и практични решенија според кои денес функционира институционалниот дел на системот што ја третира проблематиката на безбедноста“, потенцира министерот Спасовски на почетокот на своето обраќање.

Тој како особено важен го истакна податокот дека во изминатите 12 години на конференцијата присуствувале повеќе од 850 професори, истражувачи и практичари од сите континенти во светот, од повеќе од 40 држави, а објавени се повеќе од 1.000 научни труда, а само оваа година се објавени 45 научни труда од автори од 12 земји.

„Неоспорно е дека науката е мотор на практиката, стожер без чии научни докази и достигнувања е невозможен каков било прогрес. Безбедносната сфера, пак, по својата општествена, цивилизациска, па ако сакате и техничка интерактивност, претставува посебен научен предизвик. Специфичноста и неоспорната динамичност на овој сегмент, кои се тесно поврзани со севкупниот брз општествен развој, произведуваат нови прашања и дилеми. Не само од аспект на процена и превенција на безбедносните ризици туку и од аспект на организациското и нормативното устројство, техничката и едукативната поставеност, соработката и координацијата, како институционална така и регионална и глобална, во спротивставувањето кон безбедносните предизвици“, рече Спасовски додавајќи дека одлуките што не се базирани врз стручните експертизи по правило се лоши одлуки, а времето тоа секогаш го докажува.

Министерот Спасовски го истакна фактот што на годинешната конференција се присутни научни работници и истражувачи од повеќе од 20 земји, кои низ мноштвото добри практики и искуства ќе придонесат за доаѓање до заеднички одговори на заедничките безбедносни предизвици, а научните резултати и заклучоци до кои ќе дојде конференцијата ќе бидат разгледани со должно внимание од страна на МВР, со цел нивна имплементација во секојдневното полициско работење.

Спасовски, како посебен доказ за партнерството на Министерството и Факултетот за безбедност, покрај континуираната соработка на голем број проекти, го истакна и возобновувањето, по прекин од повеќе од две децении, на меѓународното научно списание на МВР – „Безбедност“, во кое се објавуваат истражувачки трудови преку кои научно се насочуваат плановите и приоритетите за работата на полициската служба во државата.

Текстот (Видео) Спасовски: 45 години високо образование за безбедност, со научни резултати до заеднички одговор на безбедносните предизвици е превземен од МАКФАКС.

Categorie: Macedonia

Ердоган: Сакаме да организираме средба меѓу Путин и Зеленски

МАКФАКС - Lun, 26/09/2022 - 7:09pm

Турскиот претседател Реџеп Таип Ердоган денеска повтори дека би сакал да организира средба меѓу претседателите на Руската Федерација и Украина, Владимир Путин и Володимир Зеленски.

„Турција е за организирање средба меѓу претседателите на Руската Федерација и Украина“, рече Ердоган, јави агенцијата „Анадолија“.

Тој истакна дека дијалогот на Турција со Русија и Украина напредува и како пример за таквото достигнување го наведе договорот за житниот коридор преку кој од Украина веќе се извезени повеќе од пет милиони тони земјоделски производи, додава „Интерфакс“.

Текстот Ердоган: Сакаме да организираме средба меѓу Путин и Зеленски е превземен од МАКФАКС.

Categorie: Macedonia

Путин му додели руско државјанство на Сноуден

МАКФАКС - Lun, 26/09/2022 - 7:04pm

Рускиот претседател Владимир Путин потпиша указ и му додели руско државјанство на поранешниот советник на американската Национална разузнавачка агенција, Едвард Сноуден.

Во 2020 година Сноуден објави дека ќе поднесе барање за руско државјанство.

Сноуден живее во егзил во Русија од 2013 година откога објави строго доверливи информации за програмите за следење на американските разузнавачки служби.

САД го бараат за шпионажа по давањето доверливи информации на „Вашингтон пост“ и на „Гардијан“.

Текстот Путин му додели руско државјанство на Сноуден е превземен од МАКФАКС.

Categorie: Macedonia