Azerbaigian

English French German Italian Portuguese Russian Spanish

Böyük iqtisadi potensialı olan Mingəçevirdə işsizlik hökm sürür

Azadliq - Tue, 19/10/2021 - 22:42


Camaat iş tələb edir, icra başçısı İlham İsmayılov 3 ildir vəd verir


Başçının “park sevgisi” haradan qaynaqlanır?


Məlum olduğu kimi, modernləşmənin əsaslarından biri də sənayeləşmədir. Sənaye iqtisadiyyatın aparıcı sahəsidir. Dünya təcrübəsinə görə, bu sahə iqtisadiyyatın strukturunda o zaman ən optimal hesab olunur ki, emal sənayesi həmin iqtisadiyyatın 20 faizini təşkil etmiş olsun.
Vaxtilə ölkənin 4-cü böyük sənaye mərkəzi olmuş Mingəçevirin iqtisadiyyatında bu gün nəinki emal sənayesinin, ümumilikdə sənayenin payı elə də çox deyil. Mingəçevir şəhər İcra Hakimiyyətinin rəsmi saytına (http://mingechevir-ih.gov.az/page/14.html) inansaq, hazırda şəhərin sənaye sahələrində cəmi 2000-ə yaxın insan çalışır ki, bu da iqtisadi fəal əhalinin cüzi bir hissəsini təşkil edir.
Bu gün ölkənin əsas problemlərindən biri olan işsizlik Mingəçevirdə özünü daha qabarıq göstərir. Ali təhsilini başa vurmuş gənclər ixtisaslarına uyğun və ya ixtisaslarına yaxın bir sahəyə müraciət edərkən onlardan bir neçə illik iş təcrübəsi tələb olunur. Bu azmış kimi yerli-yersiz mükəmməl xarici dil biliyi, kompüterdən istifadə edə bilmək bacarığı və s. kimi şərtlər. Müşahidələr göstərir ki, müəssisələr daha çox tanışlıq, qohumluq, başqa sözlə, tapşırıqla işçi qəbuluna üstünlük verirlər. İnternet və başqa resurslar üzərindən verilən iş elanları ilin sonunda statistika idarəsinə sübut kimi təqdim etmək üçün formal bir şeydir.
3 ildir Mingəçevir şəhər İcra Hakimiyyətinin başçısı postunu tutan İlham İsmayılov bu günlərdə şəhərin “Energetik” qəsəbəsində keçirilən ağacəkmə kampaniyasına qatılıb. Tədbirdən sonra sakinlərlə görüşən icra başçısı onların problemləriylə maraqlanıb. Sakinlər SSRİ-nin süqutunadək iri sənaye şəhəri olmuş Mingəçevirdə bu gün üzləşdikləri ənənəvi işsizlik problemlərindən danışıb, başçıdan onların işlə təmin olunmalarına köməklik göstərməsini xahiş ediblər.
İlham İsmayılov da “ənənəvi” olaraq sakinlərə işlə təmin olunmaq üçün məşğulluq mərkəzinə müraciət edərək qeydiyyata durmağı tövsiyə edib. Sanki şəhərdə vakant iş yerləri yetərincəymiş – məşğulluq mərkəzində də oturub vətəndaşları gözləyirlər ki, ixtisası üzrə iş axtaranı işlə təmin etsinlər, işsiz qalanları da növbəyə götürüb müavinət təyin etsinlər.
Yeri gəlmişkən, İ.İsmayılov özü də sakinlərə etiraf edib ki, Mingəçevirdə hazırda mövcud olan ən aktual problemlərdən biri işsizlikdir. Ardınca onu da əlavə edib ki, ölkə başçısı İlham Əliyev bu problemin köklü şəkildə həll edilməsi ilə bağlı müvafiq göstəriş verib. Sitat: “Prezident İlham Əliyevin göstərişinə əsasən, yaxın vaxtlarda şəhərimizdə 4 yeni fabrik tikilib istifadəyə veriləcək və bundan sonra inanırıq ki, işsizlik problemi tamamilə aradan qalxacaq”.
Sakinlər bu sözləri şəhərdə “Kür” Olimpiya Tədris-İdman Mərkəzi, “KÜR” Kompüter Zavodu, “Akkord-Mingəçevir Maşınqayırma Zavodu” ASC (zavodda 85 nəfər işçi çalışır – mənbə: http://mingechevir-ih.gov.az/page/14.html), əsaslı şəkildə yenidən qurulmuş “Mingəçevir İZOLİT” ASC (müəssisədə 75 nəfər işçi çalışır – mənbə: http://mingechevir-ih.gov.az/page/14.html) və nəhayət, ən son Mingəçevir Sənaye Parkında “Mingəçevir Tekstil” MMC-nin iplik istehsalı üzrə iki müəssisəsinin (işçi sayı 750 nəfər – mənbə: http://scip.az/az/page/mingecevir) açılışı zamanı da eşidiblər. Demək olar ki, adları sadalanan bütün müəssisələrin açılışında prezident İlham Əliyev və 1-ci vitse prezident Mehriban Əliyeva iştirak edib. Adları sadalanan müəssisələr bu gün nəinki tam, heç yarı gücüylə belə fəaliyyət göstərmir.
Yeri gəlmişkən, prezident İlham Əliyevin iştirakı ilə gerçəkləşən Mingəçevir Sənaye Parkının təməlqoyma mərasimində layihənin rəhbəri Mehriban Axundova bildirmişdi ki, parkın ərazisində ümumilikdə 9 fabrik – pambıq iplik (460 iş yeri), akril və yun iplikləri (800 iş yeri), corab məhsulları(650 iş yeri), ayaqqabı istehsalı (300 iş yeri), toxuma (450 iş yeri), parça boyama (260 iş yeri), tikiş (2 mindən artıq) və tibbi kosmetika (270 iş yeri) fabrikləri inşa edilib istifadəyə veriləcək. Bundan başqa, ilkin mərhələdə 2 min yeni iş yerinin yaradılması, park tam gücü ilə fəaliyyətə başladıqdan sonra isə iş yerlərinin sayının ümumilikdə, 5,5 minə çatdırılacağı söylənilsə də, bu baş vermədi. Park üzrə orta əmək haqqı 450 manat (fəhlə heyəti üçün 350 manat, operator heyəti və ustalar üçün 450 manat, sahə rəhbərləri üçün 800 manat, istehsalat rəhbərləri üçün 1500 manat orta əmək haqları) nəzərdə tutulmuşdu.
5,5 min işçi bir yana, dövlət başçısının gedişindən sonra açılışı baş tutan iki müəssisə işçilərini bəzi hallarda öz hesablarına məzuniyyətə göndərə-göndərə fəaliyyət göstərməkdən o yana gedə bilmədi.
Qayıdaq Mingəçevirin icra başçısı İlham İsmayılovun sakinlərlə görüşünə. İcra başçısı bildirib ki, gələcəkdə Heydər Əliyev prospektinin “KÜR” Kompüter zavodu ilə Avtovağzal arasında olan hissəsində, yolun hər iki tərəfində geniş “park” salınacaq. Qeyd edək ki, şəhərin Xaldan şossesi tərəfindən giriş hissəsində salınmış “Nəsimi” “park”ının təşəbbüsü də İ.İsmayılovun icra başçısı kimi təyinatının ilk aylarına təsadüf edir.
Park sözünü nədən dırnaq arasında yazdığımızı açıqlayaq. Artıq uzun illərdir Mingəçevirdə şəhər rəhbərliyinin o qədər də böyük olmayan ərazidə gül kolları basdırıb bir neçə küknar tingi əkməyi, yerə tamet döşəyib bir neçə skamya və işıq dirəyi quraşdırmağı sakinlərə “park” kimi təqdim etmək “ənənəsi” yaranıb. Halbuki parkın milli sərvət kimi öz statusu olur. Park “Təbiəti mühafizə və təbiətdən istifadə haqqında” Azərbaycan Respublikası Qanununa uyğun olaraq xüsusi mühafizə olunur. Bu mühafizə rejimini pozan şəxslər Azərbaycan Respublikasının qanunvericiliyinə uyğun olaraq məsuliyyət daşıyırlar. Parkın öz strukturu olur. Yerli icra hakimiyyəti parkın ərazisində tikintisi qanunvericiliklə nəzərdə tutulmuş qaydada razılaşdırılmış obyektlərin tikintisindən başqa, bütün növ tikintilərin dayandırılmasını və parkın funksiyalarına zidd olan obyektlərin dərhal oradan çıxarılmasını təmin edirlər və s.
İndiki halda isə bütün bunların heç birinə əməl edilmir.
Ümumiyyətlə, bu gün işsizliyin, yoxsulluğun baş alıb getdiyi Mingəçevirdə (bunu biz demirik, rəsmi statistikaya görə, işsizlərin sayına Mingəçevir uzun illərdir ölkə üzrə ilk 5-likdədir – A.) insanların işə, bir parça çörəyə daha çox ehtiyacı var, nəinki “park”a.
Mingəçevirin, eləcə də başqa şəhər və rayonlarda icra başçılarının “park sevgiləri”nin haradan qaynaqlandığı haqda növbəti yazılarımızda.
Azər

Categories: Azerbaigian

Əliyevin belə yanaşması siyasi narsizmdir

Azadliq - Tue, 19/10/2021 - 21:54

Hüquq müdafiəçisi Anar Məmmədli

18 oktyabr Müstəqilliyin Bərpası Günü ilə bağlı Azərbaycanda fəaliyyət göstərən səfirlər, xarici ölkələrin rəsmiləri, deputatlar və siyasi xadimlər xalqımızı təbrik elədi, suverenlik və sosila rifahla bağlı uğurlar dilədi. Məsələn, Türkiyə prezidenti Erdoğanın təbriki belə nümunələrdən biridir (tvitter paylaşımını şərh bölməsində oxuya bilərsiz).
Ancaq ölkə başçısı İlham Əliyevin adından xalqımızın təbriki əvəzinə onun bayramdan iki gün öncə həmin tarixlə bağlı söylədiyi fikirlər gündəmə oturdu. Bu fikirləri səsləndirmək ehtiyacı və səbəbləri barədə rəyimi geniş şəkildə bölüşmək istəmirəm. Məsələnin bu tərəfi oxucu üçün yorucu ola bilər. Amma qısaca qeyd edim ki, önəmli tarixi olaylara Əliyevin yanaşmasının bir adı var – siyasi narsizm. Çünki bundan öncə də onun nitqlərində tarixi hadisələr və şəxsiyyətlərə münasibətdə aşağılayıcı yanaşmaların şahidi olmuşuq.

Məlumdur ki, SSRİ-nin dağılmasında Rusiyalı dissidentlər, islahatçı kommunistlər və Kremldəki fərqi maraq qrupları ilə yanaşı Baltik xalqlarının, Ukrayna, Belarus, Gürcüstan, Ermənistan, Moldova və Azərbaycandakı xalq etirazlarının ciddi rolu olub. Amma Sovet ordusu ilə qarşıdurmada ən çox itkinin verildiyi, nəticədə kommunist hakimiyyətin mənəvi-siyasi legitimliyinin zədələndiyi olay 20 Yanvar qətliamı olub. Və Əliyevin bu cür açıqlaması 90-cı illin yanvar günlərində Sovet ordusu və xəfiyyəsi ilə qeyri-bərabər mübarizədə həyatını itirən azərbaycanlıların ruhuna hörmətsizlikdir.

Qayıdaq siyasi narsizm məsələsinə. Deyəsən, İkinci Qarabağ müharibəsindəki qələbənin eyforiyası ölkəmizin bəzi vətəndaşları kimi ölkə başçısı və onun komandasını da tarixi olaylara dırnaqarası yanaşmağa rəvac verib. Amma minlərlə hərbçinin canı və qanı bahasına əldə olunan bu qələbədə bu övladları yetişdirən ailələrin daha çox rolu var, nəinki 27 illik iqtidarın. Əgər torpaqlar gülləsiz-qansız azad olunsaydı, onda iqtidar sahibləri qürrələnmək üçün böyük haqq qazanardılar. Qısası, bu qələbənin ortağı çoxdur və bunu bir adamın adına bağlamaq insanların qürüru ilə oynamaqdır.

Yaxşı olar ki, Əliyevin güvəndiyi tarixçilər və ekspertlər onu siyasi tarixlə yanlış mübarizədən çəkindirsinlər. Çünki rəsmi yaddaşı dəyişmək cəhdi ictimai yaddaşı dəyişməklə yekunlaşmır. İnanmırsızsa, təcili kollektiv yaddaşa dair akademik araşdırmalarla tanış olmağa başlayın.

Categories: Azerbaigian

O günü necə xatırlayıram?

Azadliq - Tue, 19/10/2021 - 21:51

AXCP Rəyasət Heyətinin üzvü Fuad Qəhrəmanlı

2 il əvvəl 19 oktyabr aksiyasından bir gün öncə Niyaməddin Əhmədovla danışıb, ona Əli bəyin mühafizəsinə rəhbərlik etməyi təklif etdim. Məmnuniyyətlə razılaşdı və mən də mühafizədə olacaq digər dostların kordinatlarını ona verdim. Həmin gün səhər Əli bəy gilə gedərkən, onun yaşadığı binanın yanında saxlanıldım.
Abşeron polisindən buraxılandan isə saat 8-9 radələri olardı. Dərhal Nəsimi polis idarəsi yaxınlığında toplanmış etirazçıların yanına gəldim. Burada öyrəndim ki, Əli bəy həbs olunub və qəddarcasına döyülüb. Toplaşanlar Əli bəyin burada saxlanıldığını güman edirdilər. Dərhal oradakı jurnalistləri toplayıb mətbuat konfransı keçirdim və Əli Kərimli azadlığa buraxılmayacağl təqdirdə səhər saat 11- də oun onun evinin qarşısında mitinq keçiriləcəyi elanını verdim. Ekstremal şərait idi və partiya Rəyasət Heyətinin toplanması imkanı olmadığı üçün, məsuliyyəti öz üzərimə götürüb bu qərarı verdim. Həmin vaxt hadisələri kənardan izləyən bəziləri sosial şəbəkələrdə situasiyanın xüsusiyyətlərini nəzərə almadan, mənim təkbaşına belə bir elan verməyimi tənqid edən yazılar paylaşırdılar. Halbuki belə kəskin situasiyalarda kollegial orqanın fəaliyyəti mümkün olmadığına görə, təşkilatın rəhbərliyində təmsil olunan şəxs kimi məsuliyyəti öz üzərimə götürüb fərdi şəkildə qərar verməkdən başqa yol yox idi. Əks təqdirdə təşkilat olaraq hadisələrə reaksiya verməmiş olacaqdıq.
Sonra Məhəmməd İbrahimlə orada olan etirazçıları toplayıb Əli bəyin evinin qarşısına yürüş etmək qərarı verdik. Məqsədimiz səhərə qədər orda qalmaq idi.
Yenicə hərəkətə başlamışdıq ki, Süleyman Rəhimov küçəsi ilə Azadlıq prospektinin kəsişdiyi yerdə polislər bizi saxladılar. Bizi əvvəlcə mindirdikləri avtobusda bir neçə dəqiqə saxlayandan sonra düşürüb çevik polis alayının əməkdaşları olan avtobusa keçirdilər. Avtobusun pilləkənini ilə yenicə qalxmışdım ki, arxadan kimsə mənim adımı deyib işarə verdi və girişdən arxa oturacağa gedənə qədər çevik polis əməkdaşları məni vurmağa başladılar.
Sona bizi Xətai polis şöbəsinə gətirib gecə saat 4 – də xəbərdarlıq edib biraxdılar.

Categories: Azerbaigian

Əhalinin maddi vəziyyəti pisləşməkdə davam edir

Azadliq - Tue, 19/10/2021 - 20:16

İqtisadçı ekspert Rövşən Ağayev

Statkom ölkə iqtisadiyyatının 9 ayı üzrə nəticələri açıqlayıb.
Rəsmi çıxışlarda iqtisadi artımın, xüsusilə qeyri-neft sənayesinin böyük sürətlə artımına xüsusi vurğu edildiyi üçün 1-2 vacib məqama diqqət çəkmək istəyirəm
Rəsmi statistika göstərir ki, arxada qalan 3 rüb ərzində iqtisadi artım 4.8%, o cümlədən qeyri-neft sektoru üzrə 6.2%, qeyri-neft sənayesi üzrə isə 19.6% artım olub.
İlk öncə deyim ki, ilin sonunadək hazır artım qalsa, gələn il iqtisadiyyat ən azı 2% artsa 2022-ci ilin sonunda iqtisadiyyatın miqyası 2019-cu ildəki səviyyəyə çatacaq. Çünki 2020-ci ildəki azalma kifayət qədər yüksək olub.
Digər tərəfdən, hazırkı artım yüksək olsa da, əhalinin rifahı bu artımdan pozitiv təsirlər görmür. Çünki əhalinin hər nəfəri hesabı ilə nominal gəlirləri cəmi 1.5%, orta aylıq nominal əmək haqqı 2.2% artdığı halda, inflyasiya 5.2%-ə çatıb. Bu o deməkdir ki, əhalinin real gəlirləri 3.5%-ə yaxın azalıb. Sadə desək, orta statistik azərbaycanlının nominal gəlirləri ötən ilə nisbətən 3.5% daha az istehlakı təmin edir.
Yüksək iqtisadi artımların təsiri büdcə gəlirlərində də özünü göstərməyib. Ötən ilin eyni dövrünə nisbətən 9 ayda büdcə mədaxili 0.5% azalıb.
Yəni iqtisadi artım öz-özünə məqsəd deyil – bu böyümə ilk növbədə cəmiyyətin rifahında özünü göstərməlidir.
Vacib məqamlaradn biri də qeyri-neft sənayesində yüksək iqtisadi artımın nə dərəcədə özəl biznes hesabına baş verməsidir. Artımın inkluziv olması, iqtisadiyyatın sahə və məşğulluq strukturu baxımından bütün seqmentlərdən qaynaqlanması çox önəmlidir.
Təəssüf ki, mövcud statistika özəl və dövlət sektoru, yeni yaranan əlavə emal sənayesinin bölmələri üzrə iqtisadi artım tempini açıqlamır.
Lakin bəzi açıq məlumatlar mənzərəni müəyyən qədər görməyə imkan verir. Məsələn, qida sənayesi əsasən özəl sektora aiddir. Bu seqmentdə istər əksər məhsul növləri üzrə natural ifadədə, istərsə də seqment üzrə dəyər ifadəsində artımlar qeyri-neft sənayesində yaranan əlavə dəyərin artım tempindən əhəmiyyətli dərəcədə geri qalır. Hətta bəzi məhsul növlərinin istehsalında kəskin azalmalar var. Amma, məsələn, əsasən dövlət sektoruna aid olan kimya sənayesində çox yüksək artım (88%) qeydə alınıb. Şübhəsiz ki, qeyri-neft sənayesində bu seqmmet üzrə artımın təsiri həlledici olub

Categories: Azerbaigian

Aliyev pays condolences to Erdogan over Baykar company chief's death

Azer News - Tue, 19/10/2021 - 18:46
Azerbaijani President Ilham Aliyev sent a letter of condolences on October 19 to Turkish President Recep Tayyip Erdogan over the death of Chairman of the Board of Baykar Makina company Ozdemir Bayraktar, Azertag has reported.
Categories: Azerbaigian

Azerbaijani president, Croatian FM mull economic, energy co-op

Azer News - Tue, 19/10/2021 - 17:47
Azerbaijani President Ilham Aliyev has received Croatian Foreign and European Affairs Minister Gordan Grlić Radman, Azertag reported on October 19.
Categories: Azerbaigian

Azerbaijan demands certain steps from Armenia at UN International Court of Justice

Azer News - Tue, 19/10/2021 - 16:39
Azerbaijan demanded Armenia to take such steps so that mine clearance on Azerbaijan's liberated territories would be progressing safely, faster and effectively, Trend reports.
Categories: Azerbaigian

Azerbaijani ministry denies rumors about full transition of schools to online lessons

Azer News - Tue, 19/10/2021 - 16:20
The “news" spread on social networks on behalf of Azerbaijan's Ministry of Education, regarding the closure of schools, is misinformation, Jasarat Valehov, head of the ministry’s public relations sector, said on Facebook, Trend reports on Oct.19.
Categories: Azerbaigian

Leading chamber orchestra to perform in Baku stage

Azer News - Tue, 19/10/2021 - 16:10
The Kremerata Baltika Chamber Orchestra will perform at the Heydar Aliyev Center in Baku on November 30.
Categories: Azerbaigian

National Drama Theater stages Ilyas Afandiyev's work

Azer News - Tue, 19/10/2021 - 15:50
After a year and a half break, the State Academic National Drama Theater has opened its doors.
Categories: Azerbaigian

U.S. agency forecasts stable oil production in Azerbaijan in 2021-22

Azer News - Tue, 19/10/2021 - 15:49
The U.S. Energy Information Administration (EIA) has forecasted a stable level of daily oil production for Azerbaijan for 2021-2022.
Categories: Azerbaigian

AccessBank eyes increasing loan portfolio mainly in segment of micro, agricultural entrepreneurs - Acting Chairman of Board

Azer News - Tue, 19/10/2021 - 15:35
Trend News Agency presents an exclusive interview with the Acting Chairman of the Board of AccessBank Evgeniya Gashikulina.
Categories: Azerbaigian

Harvard məzunu da çıxış yolu kimi intiharı secir

Azadliq - Tue, 19/10/2021 - 15:27

Milli Şuranın sədri, professor Cəmil Həsənli

Bəxtiyar Hacıyevi əlbəttə vətəndaş mövqeyinə görə təqib edirlər. Son 8 ay ərzində Bəxtiyar bəy DTX və polis orqanları tərəfindən açıq və gizli formada təqib olunur, izlənir, təxribatlara məruz qalır. Amma Bəxtiyar Hacıyevin təqibini 8 ayla məhdudlaşdırmaq olmaz. Bildiyim qədər onun təqibinin haradasa 8 illik bir tarixi var.

Bəxtiyar bəy ölkənin istedadlı, intellektual, vətənpərvər vətəndaşlarından biridir. Ağıllı təkliflərlə çıxış edir, bəzən yumor yolu ilə varlıqları yumor olan adamları düz yola çəkməyə çalışır. Bu yaxınlarda Əmək və Əhalinin Sosial Müdafiə Nazirliyində baş verən rəzalətlə bağlı maraqlı bir araşdırma aparmışdı. Yeni “islahatçı” nazir Sahil Babayevin rəhbərliyi ilə tender əməliyyatları, qiymətlərin şişirdilməsi, dövlət vəsaitlərinin mənimsənilməsi mexanizmini açmışdı Bəxtiyar bəy. Normal hakimiyyət olsaydı ona təşəkkür etməli idi. Amma təşəkkürləri ciblərinə, adamı intihar həddinə çatdırıblar.

Maraqlıdır ki, bu ölkənin DTX-sı, polisi və prezident aparatı oğrunu, Bəxtiyar bəyin araşdırmasından göründüyü kimi min bir fırıldaqla büdcəni talayanı deyil, bu talan haqqında danışanı, araşdırma aparanı təqib edir, intihara vadar edir. Bilirsiniz niyə? Çünki araşdırmada üzə çıxarılmış mənimsəmə, oğurluq, qiymət şişirdilməsi yalnız Sahil Babayevə deyil, bilavasitə İlham Əliyevə aid məsələdir. Bu prosesin sahilində İlham Əliyev özü dayanır və yüksək vəzifəli məmurların çoxu ilə korrupsiya ortaqıdır. Bir tərəfdən “Yaşat” fondu yaradıb sosial sarsıntılar içində çabalayan vətəndsaşlardan 10 manat pul dilənirlər, o biri tərəfdən həmin sahəyə aid büdcə vəsaitlərini oğurlamaq, mənimsəmək üçün min bir hiyləyə əl atırlar.

Görün vəziyyət nə həddə gəlib çatıb ki, Harvard Universitetinin məzunu da bu ölkədə çıxış yolu kimi intiharı seçir. Halbuki, ötən ilin bu günlərində Bəxtiyar bəy və dostları orduya ümumxalq yardımının necə gözəl örnəyini tarixləşdirdilər. Bu ölkədə pis nümunəyə görə yox, yaxşı əmələ gərə adamı cəzalandırırlar. Bəxtiyar Hacıyev kimi.

Categories: Azerbaigian

FM: Azerbaijan to get demining equipment from Slovakia

Azer News - Tue, 19/10/2021 - 15:26
Azerbaijan’s Foreign Minister Jeyhun Bayramov has said that demining machines will be delivered from Slovakia to Azerbaijan in the near future.
Categories: Azerbaigian

İşğaldan azad olunmuş torpaqları kimlər əkir?

Azadliq - Tue, 19/10/2021 - 15:25

Vahid Məhərrəmli

İşğaldan azad olunmuş kənd təsərrüfatı təyinatlı torpaqların yerli əhali arasında bölgüsünün aparılıb-aparılmaycağı ilə bağlı hökumətdə yekun fikir yoxdur. Qeyd olunan ərazilərdə vaxtilə sovxoz və kolxozların sərəncamında olan minlərlə hektar torpaq hazırda minalardan təmizlənərək əkilir.
Kənd təsərrüfatı Nazirliyinin hesablamalarına görə işğaldan azad olunmuş ərazilərdə əkinə yararlı təxminən 120 min hektar torpaq sahəsi var. Təsdiqlənməmiş məlumatlara görə onun təxminən 78 min hektarı əkilib. Ancaq əkinlərin kimlər (hansı fiziki və hüquqi şəxslər) tərəfindən aparaılması ilə bağlı ictimaiyyətə məlumat açıqlanmır.
Əkinlərin məmurlara məxsus böyük şirkətlər və aqroparklar tərəfindən aparılması isə faktdır. Hər hansı tender keçirilmədən minalardan təmizlənən ərazilər onların sərəncamına verilir.
İşğaldan azad olunmuş ərazilərdə əkin işləri birbaşa Prezidentin sərəncamı əsasında aparılır. 17 oktybar 2021-ci ildə Füzulidə səfərdə olan Prezident İlham Əliyev bildirib ki, indi aparılan şum, səpin, əkin o məqsədi güdür ki, vaxt itirməyək, bu torpağı artıq diriliyə gətirək. Ona görə camaat qayıdandan sonra əlbəttə ki, yenidən bölgü aparılacaq.
Qeyd edək ki,rəsmi məlumatlara görə, 1996-cı ildə başlamış torpaq islahatı nəticəsində 2032 təsərrüfat, yəni kolxoz və sovxozlar ləğv edilərək, pay torpağı şəklində əhaliyə paylanıb. İşğal altındakı rayonlar istisna olmaqla ölkədə torpaq payı almaq hüququ olan 873 min 618 ailədən 869 min 268-nə torpaq payı verilib. Bu isə 3 milyon 442 min 778 subyekt deməkdir.

Categories: Azerbaigian

Zərərçəkmiş: “Ata Abdullayev hədə-qorxu ilə məndən 10 min manat istədi”

Azadliq - Tue, 19/10/2021 - 15:23

Özünü videobloqer kimi təqdim edən Ata Abdullayev oktyabrın 19-da məhkəmə qarşısına çıxarılıb. O, dörd müxtəlif adamdan onlar haqqında rüsvayedici məlumatlar yaymaq hədəsi ilə pul tələb edib almaqda suçlanır. CM-in 182-ci (hədə-qorxu ilə tələbetmə) maddəsi ilə ittiham olunan Abdullayev isə özünü təqsirli bilmir.

“Mən günahımı bilirəm, aydındır ki, niyə buradayam. Amma ittiham aktında yazılanlar deyil. Mən buradan çıxmaq istəyirəm, Heydər Əliyevin, Zərifə xanımın, şəhidlərimizin, atamın məzarını ziyarət eləmək istəyirəm. 8 aydır 6 kvadratmetrlik otaqda tək qalıram. Düzdür, iki dəqiqədən bir təhlükəsizliyimi, psixoloji durumumu yoxlayırlar. Cənab hakim, mənim atam yoxdur, Sizdən ata kimi xahiş edirəm…”, – deyən Abdullayev məhkəmədə bir neçə dəfə ağlayıb.

“Deyirdi ki, sən məmursan, dövlətin malını yeyirsən”

Prokuror ittiham aktını elan edəndə məlum olub ki, o, dörd nəfəri şantaj etməkdə suçlanır. Onların arasında Abşeronun icra başçısının Masazır qəsəbəsi üzrə nümayəndəsi Şahlar Həsənov, Bakıda keçirilən beynəlxalq yarışlar zamanı Gənclər və İdman Nazirliyinin nəzdindəki Tədbir Əməliyyat Komitəsində mühasib kimi çalışan Elmar Əliyev, sahibkarlar Cəmil Babayev və Elçin Əliyev də var.

Adları çəkilən dörd nəfər zərərçəkmişdən yalnız Elmar Əliyev məhkəməyə gəlib. Zərərçəkmiş deyir ki, təqsirləndirilən şəxs ondan əvvəlcə 10 min manat tələb edib. Bu pulu verməyəndə sosial şəbəkələrdə canlı yayım vasitəsilə onun haqqında yalan məlumatlar yayıb. Əliyev iddia edir ki, bir müddət öncə ayrıldığı şərikinin sifarişi ilə şantaj olunub: “Aqressiv, tez-tez danışırdı, nə dediyini də başa düşmək olmurdu. Mənə deyirdi ki, sən məmursan, dövlətin malını yeyirsən, satırsan. Guya mən Avropa Oyunlarından sonra “Atletlər kəndi”ndə evlərdən mebelləri və başqa əşyaları götürüb satmışam. Əvvəl fikirləşdim ki, mən niyə pul verim, nə istəyir, eləsin. Bir müddət sonra canlı yayım açıb haqqımda böhtanlar dedi”.

“Əvvəl 10 min demişdi, sonra “iPhone” istədi”

Zərərçəkmişin sözlərinə görə, canlı yayımdan qohumları vasitəsilə xəbər tutub. Elə qohumları da ona tövsiyə edib ki, Abdullayevin istədiyini versin, ondan əl çəksin: “Bu adamın pulla sifarişlər yerinə yetirdiyini hamı bilir. Əvvəl 10 min demişdi, sonra “iPhone” istədi. Dostumdan xahiş elədim, 2 min 400 manata aldı, aparıb Ata Abdullayevin göndərdiyi adama verdi. Dostum telefonu alanda kodunu çəkib saxlamışdı. Bundan sonra Ata Abdullayev məndən əl çəkdi, canlı yayımı da sildi”.

“Hamı bilir” ifadəsi Abdullayevin xoşuna gəlməyib, özünə təhqir hesab etdiyini vurğulayıb. Tələb edib ki, bir də onun haqqında belə ifadələr səsləndirilməsin.

Təqsirləndirilən şəxsin özü də, vəkili də zərərçəkəndən soruşub ki, niyə hadisədən iki il keçəndən sonra DTX-ya şikayət ərizəsi yazıb. Əliyev səbəbini belə izah edib: “Gözümün önündə polis idarəsinə vəsiqə təqdim eləmədən, yoxlanılmadan girən adam idi. Mən də o, həbs olunandan sonra şikayət ərizəsi verdim”.

O, dindirmənin sonunda şikayətçi olduğunu, telefonu tələb etdiyini vurğulayıb.

“DTX-da məni qoruyurlar, Allah da onları qorusun”

Abdullayev isə iddia edir ki, zərərçəkmişin dedikləri yalandır, nə kimisə video ilə şantaj edib, nə də telefon alıb: “Mən bu gün fəxr edirəm ki, İlham Əliyev ideyalarına qulluq edirəm. Bu gün DTX-da məni qoruyurlar, Allah da onları qorusun. Ortada nə video var, nə başqa sübut, məni ittiham edir. Bəlkə müstəntiq Stiv Cobsdan arayış alıb?”.

Məhkəmə oktyabrın 26-da digər zərərçəkmişlərin ifadələri ilə davam edəcək.

İndiyədək bir sıra qalmaqallarda adı keçən Ata Abdullayev martın 12-də DTX əməkdaşları tərəfindən saxlanıb. Onun ittiham olunduğu CM-in 182-ci maddəsində 10 ilə qədər azadlıqdan məhrumetmə cəzası nəzərdə tutulub.

Abdullayev bundan öncə də onlayn oğurluğa görə MTN əməkdaşları tərəfindən saxlanmış, son nəticədə ona şərti cəza verilmişdi.

Azadlıq radiosu

Categories: Azerbaigian

Nazarbayev: müdriklik siyasəti

Azadliq - Tue, 19/10/2021 - 15:20

Siyasi

 liderlərin təsvirlərində yarımtonları tanımayan yaxşı və pis çar haqqında mif çətin ki nə vaxtsa müxtəlif dövlətlərin və tarixi dövrlərin bu və ya digər siyasətçisinin səhih portretinin yaradılmasına kömək edib. Bu, xüsusilə ikiqütblü dünyanın qütblərindən birinin dağılması nəticəsində yaranmış siyasi və iqtisadi fəlakət uçurumunun kənarında müstəqillik qazanmış ölkələr üçün belə birmənalı olmur.Nazarbayevin gedişi (2019-cu il) təkcə Qazaxıstan üçün yox, bütün MDB üçün bütöv bir dövrün sonu oldu. Onun sözlərinə görə, “qərar asan olmadı, amma yeni nəsil liderlərə keçidə kömək etmək istədi”. Lakin qalan vəzifələr Nazarbayevə böyük nüfuz gətirir və ona ölkənin inkişafına nəzarət etməyə imkan verir, necə ki bunu onun açıq-aydın təqlid nümunəsi, Sinqapurda avtoritar neoliberalizmi dəstəkləyən Li Kuan Yu edirdi. Nazarbayev istefa elan etməzdən öncə Kremlə zəng edib və qərarını açıqlayıb. Bu nümunə Putin və MDB-nin digər liderləri üçün siyasətdə nümunə olacaqmı: “gedərkən- qalmaqmı”? SSRİ dağıldığında Nazarbayev keçmiş sovet respublikalarını birləşdirəcək ittifaqın yaradılmasına tərəfdar idi, çünki hesab edirdi ki, onlar ayrı-ayrılıqda mövcud ola bilməyəcəklər. Deyirlər ki, 1991-ci ilin avqustunda o, Boris Yeltsinə həbsdən qaçmağa kömək edib. QKÇP-dən sonra Qorbaçov və Yeltsini dəstəkləyən Nazarbayev Suveren Dövlətlər İttifaqı Konfederasiyasının baş naziri postuna əsas namizəd hesab olunurdu.

Real məlumat: gənc yaşlarından onda vərdiş formalaşıb: həmişə birinci olmaq.1984-1989-cu illərdə ittifaq respublikası hökumətinin 44 yaşında gənc rəhbəri olub. Nazarbayev SSRİ-nin bütün respublikalarında həyata keçirilən milli kadrların formalaşdırılması siyasəti dalğasında hakimiyyətə yüksələn ən parlaq gənclərdən biri olub.

1991-ci ildə işıq üzü görmüş “Sağlarsız və sollarsız” kitabında Nazarbayev qeyd edirdi ki, “yeddinci diz”inə qədər bildiyi əcdadları “mavi” qan olmayıb: “Mən çoban oğlu, nəvəsi və nəticəsiyəm”. Böyük bir ölkənin (sahəsinə görə dünyada doqquzuncu yerdədir – 2724,9 min km2) ilk prezidenti 1930-1933-cü illərdə süni aclıq səbəbindən öz əhalisinin dörddə birini itirib və nəticədə qazax xalqı öz torpaqlarında azlıq təşkil edib.

İlk fərmanlar: Semipalatin nüvə poliqonunun bağlanması, bir milyondan çox adam sınağın qurbanı olmuşdu, dünyanın 4-cü nüvə silahı arsenalından imtina. SSRİ dağıldıqdan sonra 4 il ərzində Qazaxıstanda sənaye istehsalının həcmi iki dəfə, kənd təsərrüfatı 30 faiz azalmışdı, iri müəssisələrin əksəriyyəti dayanmışdı. Nazarbayev getmədən öncə ÜDM 15 dəfə artıb. Təhsildə prinsip elan edilib: məzunlar qazax, rus və ingilis dillərini mükəmməl bilməlidirlər. 1993-cü ildə “Bolşak” təhsil proqramına başlanılıb: müsabiqə əsasında məktəb məzunları dövlət təqaüdü ilə xaricə oxumağa göndərilirdi (15 mindən çox mütəxəssis hazırlanmışdı). 2012-ci ilin dekabrında 2050-ci ilə qədər Qazaxıstanın inkişaf proqramı hazırlanıb, məqsəd ən inkişaf etmiş 30 ölkə sırasına daxil olmaqdı.

Ölkə dini dözümlülük siyasətinə ciddi sadiq qalaraq əksəriyyəti müsəlman olan əhali ilə çoxsaylı etnik rus və ukraynalı azlıq arasında sülhü dəstəkləyib. 01.06.21-ci il tarixinədək əhali təxminən 19 milyon nəfər olub. Qazaxlarla yanaşı ruslar (23,7 faiz), ukraynalılar (2,1 faiz), özbəklər (2,9 faiz), tatarlar (1,3 faiz), uyğurlar (1,4 faiz), almanlar (1,1 faiz), həmçinin digər millətlərin nümayəndələri (4,4 faiz) yaşayırlar.

Konstitusiyada son dəyişikliklərlə ölkə prezident-parlament ölkəsi olub. Dünya məkanına inteqrasiya üçün qazax dilinin mərhələli şəkildə latın qrafikasına keçməsi planlaşdırılıb. 30 illik siyasi hakimiyyət üçün çoxdurmu? Buna Qazaxıstan xalqı qərar verməlidir. Lakin Nazarbayevin xarici siyasi fəaliyyəti birmənalı olaraq beynəlxalq ekspertlər tərəfindən müsbət qiymətləndirilir. İlk növbədə, beynəlxalq vasitəçilik və çoxtərəfli təşkilatların yaradılmasında.

Qazaxıstanın çoxvektorlu xarici siyasəti (ardıcıl olaraq Rusiya, Hindistan, Çin, ABŞ, Aİ, Asiya ölkələri) bütün Mərkəzi Asiya dövlətləri üçün model olub. Nazarbayev ABŞ, Rusiya və Çin ilə möhkəm münasibətlər qurub, həmin dövlətlərin münaqişəli maraqlarının girovuna çevrilməyib. 

Prezident Putin Nazarbayevi özünün əsas müttəfiqi, Qazaxıstanı isə Rusiyanın ən böyük ticarət tərəfdaşı hesab edir. 2020-ci ilin oktyabrında Qazaxıstan və Rusiya hərbi əməkdaşlıq haqqında ikitərəfli müqaviləni yeniləyiblər ki, bu da əvvəlki ilə müqayisədə iki ölk silahlı qüvvələrinin qarşılıqlı fəaliyyət spektrini genişləndirir. 2021-ci ildə Rusiyanın xarici işlər naziri S. Lavrov və Federasiya Şurasının spikeri V. Matviyenko Qazaxıstana səfər ediblər. Səfər zamanı onların hər ikisi ölkələrin bir-birinin müstəqilliyinə, ərazi bütövlüyünə və dövlətçiliyinə hörmət etməsi haqda müddəanı öz bəyanatlarına daxil ediblər, Qazaxıstana qarşı ərazi iddiaları kampaniyasını dayandırıblar.

Qazaxıstan Çinin “Bir kəmər, bir yol” layihəsinin ayrılmaz hissəsidir, çünki coğrafi olaraq Avropa bazarları ilə bağlıdır. Hindistan Qazaxıstanın müstəqilliyini tanıyan ilk ölkələrdən biri olub və Nazarbayev cavab olaraq 1992-ci ildə MDB-dən kənar ilk xarici səfərini Nyu-Dehliyə edib. Ötən illər ərzində Hindistan və Qazaxıstan strateji alyans yaradıblar. 2013-cü ildə iki ölkəni birləşdirməyə kömək etmək üçün beş ölkəni birləşdirən karbohidrogen boru kəmərinin tikintisi təklif edilib. Müstəqillik əldə etdikdən dərhal sonra Nazarbayev  Asiyada qarşılıqlı fəaliyyət və etimadın möhkəmləndirilməsi üzrə Müşavirə təşəbbüsü ilə çıxış edib. Bu, regional problemlərin müzakirəsi və praktiki əməkdaşlığın inkişafı üçün ümumasiya dialoq meydançasına çevrilib. Mənzil-qərargah Almatıda yerləşir, Müşavirənin Müdriklər Şurasının (inam tədbirlərinin möhkəmləndirilməsi üçün müxtəlif vektorlarda əməkdaşlığın intensivləşdirilməsi üzrə tövsiyələrin hazırlanmasından ötrü yaradılır) sədri postuna isə Nazarbayev irəli sürülüb. 2010-cu ildə Qazaxıstan ATƏT-ə rəhbərlik edən ilk postsovet dövləti olub (bu postda böhran həll olunurdu və qonşu Qırğızıstanda gərginliyin səngiməsi baş verdi), BMT TŞ-nin qeyri-daimi üzvü (2017-2019-cu illər) seçilib.

Lakin beynəlxalq vasitəçilik sahəsində Qazaxıstanın ilk təşəbbüsü 1991-ci ilin sonunda, Nazarbayev və Yeltsin Ermənistanla Azərbaycan arasında münaqişəni aradan qaldırmağa cəhd edərkən baş verib. Son onillikdə bu səylər Avrasiyada geosiyasi rəqabətin güclənməsi kontekstində bərpa edilib.

Qazaxıstanın nüvə diplomatiyası sahəsində ardıcıl siyasətini ayrıca qeyd etmək lazımdır: 2013-cü ildə Almatıda İranın nüvə proqramı üzrə iki sammit keçirilib və bu, Cenevrə danışıqlarına və İranın nüvə proqramı üzrə birgə hərtərəfli fəaliyyət planının imzalanmasına yol açıb. 

Qazaxıstan Rusiya və Qərbin arasında gərginliyin azaldılması üçün çox işlər görüb: 2014-cü ildə Nazarbayev Ukrayna ilə əlaqədar Rusiya və Qərb arasında ziddiyyətləri yatırmağa çalışıb, Rusiya, Ukrayna, Fransa və Almaniya arasında dialoqun qurulmasında rol oynayıb və bu, Normand formatı ilə başa çatıb. 2016-cı ildə Nazarbayev Rusiya hərbi təyyarəsinin vurulmasından sonra Türkiyə ilə Rusiya arasında gərginliyin artmasının qarşısının alınmasında fəal rol oynayıb. Nəticədə Türkiyə və Rusiya prezident Nazarbayevin Qazaxıstanda Suriya münaqişəsilə bağlı danışıqlar aparmaq təklifini qəbul ediblər. Astana bu ölkələr arasında hərbi əməliyyatların qarşısını almaq və Suriyada münaqişənin ümumi həllini tapmaq üçün Rusiya, Türkiyə və İranı qəbul edib.

Qazaxıstanın vasitəçiliyi yaxın ölkələr, Avrasiyanın geosiyasi sabitliyinə təsir edən sahələr üzərində cəmləşib ki, bu da Qazaxıstanın öz təhlükəsizliyi üçün müəyyənedici amildir. Nəticədə Qazaxıstan öz beynəlxalq imicini və neytral vasitəçi statusunu yüksəldir. Türk dünyasının siyasi elitasının əksəriyyəti Nazarbayevi ağsaqqal hesab edir və bu, sadəcə, Qazaxıstan liderinin yaşına hörmət əlaməti deyil.

Qazax xalqının millət kimi formalaşmasına və Qazaxıstanın dövlət quruculuğuna diqqətini yönəldən Nazarbayev tarixin çərçivəsini genişləndirib, qazax tarixçiləri Qazaxıstanın tarixini ümumtürk identikliyi əsasında yenidən yazmağa çağırıb, Astanada Beynəlxalq Türk Akademiyasının yaradılmasına təşəbbüs göstərib, demək olar ki, bir əsr sonra Cənubi Qazaxıstan vilayətinin adını yenidən Türküstan adlandırıb.

O, Türkiyənin Avrasiya İqtisadi Birliyinə üzvlüyü məsələsini qaldırıb, bu dövlətin Şanxay Əməkdaşlıq Təşkilatında dialoq üzrə tərəfdaş kimi statusunu dəstəkləyib. 2009-cu ilin oktyabrında Türkiyə ilə strateji tərəfdaşlıq imzalanıb, türkdilli ölkələrin Əməkdaşlıq Şurası təşkilatı yaradılıb.

Nazarbayev hakimiyyətdə hamar dəyişikliyi təmin etmək üçün çox işlər görüb. Bir neçə il öncə keçidi planlaşdırmağa başlayıb. 2017-ci ildə Nazarbayev Konstitusiyada dəyişikliklər edərək prezidentin hakimiyyətini kiçildib, 2018-ci ilin iyulunda isə rəhbərlik etdiyi Təhlükəsizlik Şurasının rolunu genişləndirərək ona bütün təhlükəsizlik qüvvələri və xarici siyasət üzərində nəzarət verib. Jurnalistlər yazırlar ki, Qazaxıstanda Li Kuan Yu dövründə Sinqapurdan kopyalanan “prezidentin müəllimi” modelinin bir variantı qəbul edilib. Hesab edirlər ki, Nazarbayev və Mərkəzi Asiyanın digər liderləri Sinqapuru inkişafın yaxşı nümunəsi sayırlar.

2010-cu ildən Qazaxıstan Respublikasının birinci prezidentinin Yelbası statusu (müasir qazax millətinin və dövlətinin lideri və ya qurucusu) rəsmi olaraq tanınıb.

Region üzrə qonşularla münasibətlər uzun müddət ölkənin problemləri arasında olub və bu, Özbəkistanda hakimiyyətin dəyişməsindən və ABŞ ilə “5+1” formatında əməkdaşlıq proqramının başlanmasından sonra nəzərəçarpacaq dərəcədə yoluna qoyulub. Qazaxıstanın özündə qarşıdurma dərinləşir. Qazax ekspertlərin sözlərinə görə, “naqız” və “şala” qazaxlar (hərfi mənada “yaxşı”, “əsl” və “yarıqazaxlar: öz doğma dilində danışan və ya danışmayan, identikliyi xeyli dərəcədə fərqlənən qazaxlar) arasında qarşıdurma dərinləşir.

Digər bir problem, memarı Nazarbayev olan və postsovet məkan kimi çıxış edən  avrasiyaçılığa inteqrasiyanın sosial-mədəni, siyasi və iqtisadi konsepsiyası ilə bağlıdır. Maraqlıdır, lakin məhz Rusiya Qərb və Şərq arasında özünün geosiyasi oriyentasiyasını yekun olaraq müəyyənləşdirə bilmir, baxmayaraq ki, son siyasi hadisələr onu avrasiyaçılıq tərəfə sürükləyir.

“SSRİ-nin süqutundan sonra Rusiya dünyada öz yeni yerinin  axtarışında avroatlantika biriyinin bir hissəsi olmaq perspektivini öz üzərində hiss edirdi, Qərbdə bərabərhüquqlu əsasda siyasi tanınmaya rast gəlmədikdə isə özünü Asiya-Sakit Okean regionunda Avropa – Sakit okean fövqəldövləti kimi göstərdi”, – rusiyalı analitiklər yazırlar. Burada Rusiya ilə Mərkəzi Asiya ölkələri arasında münasibətlərin xarici siyasi konsepsiyasının ziddiyyətləri görünür. Asiya regionunun dünya siyasətinin mərkəzinə çevrilməsi, Amerika qoşunlarının Əfqanıstandan getməsi və taliblərin idarəçiliyinin başlanması, ÇXR regionunda nüfuzun artması və bir sıra digər amillər ən yaxın zamanda bu məkanın siyasi oyunçularını öz strateji üstünlüklərini müəyyənləşdirməyə məcbur edəcək. Mərkəzi Asiya ölkələrinin xarici siyasi fəaliyyəti bu prosesdən asılı olaraq qurulacaq. Və şübhəsiz ki, ölkələrin lokomotivi Özbəkistan tərəfindən dəstəklənmək şərtilə Qazaxıstandır.  Qazaxıstan əhalisinin 52 faizi Nazarbayevin idarəçiliyi dövründə anadan olub. Qərb analitiklərinin fikirlərinə görə, Nazarbayev “yumşaq” avtoritar rejim qurub. Bu gün Nazarbayev çalışacaq ki, Qazaxıstanın bütün inkişaf problemləri həll olunsun, hələ ki o ölkəyə nəzarət etməyə qadirdir.

Nazarbayev postsovet kollapsından sonra ölkəni mahiyyətcə ciddi sarsıntılar və etnik münaqişələr olmadan uğurla çıxarıb. Bununla yanaşı, iqtisadi böhranlar, sosial-iqtisadi problemlər və etnik münaqişələr həmin dövrdə postsovet dövlətləri üçün adi hal idi. Etiraf etmək lazımdır ki, Nazarbayev 1990-cı illərdə öz ölkəsini xilas edib. Bu dəfə necə olacaq? Həm də əhalinin yoxsul təbəqələrinin sosial-iqtisadi problemlərini yenidən həll etməyin, Rusiya, Çin, ABŞ, Türkiyə və Avropa ilə, eləcə də qonşu ölkələrlə münasibətlərin kövrək balanslaşdırılmasına əsaslanan çoxvektorlu xarici siyasəti davam etdirməyin, “Bir kəmər, bir yol” təşəbbüsündə rolunu dəqiqləşdirməyin lazım gəldiyi vaxtda….???

Senatın spikeri, 20 mart 2019-cu il tarixində prezident vəzifəsinin icraçısı kimi and içən Kasım-Jomart Tokayev baş nazir, Senatın spikeri, xarici işlər naziri, BMT baş katibinin müavini kimi yollardan keçib. Nazarbayev hələ də milləti və dövləti quran ölkəni öz varisinə ötürür. Nursultan Nazarbayev tamamən hakimiyyətdə olsa da, onun dövrü sona çatmaq üzrədir. Odur ki, Patriarxın qalan vaxtda nə edəcəyi çox maraqlıdır.

Contact.az

Categories: Azerbaigian

National servicemen accomplish military course in Turkey

Azer News - Tue, 19/10/2021 - 15:10
A graduation ceremony was held for the Azerbaijani servicemen who graduated from Mountain Commando Courses in Turkey's Isparta, the Defence Ministry has reported.
Categories: Azerbaigian

Country registers 2,102 new COVID-19 cases, 863 recoveries

Azer News - Tue, 19/10/2021 - 15:00
Azerbaijan registered 2,102 new COVID-19 cases in the past 24 hours, Operational Headquarters under Cabinet of Ministers reported on October 19.
Categories: Azerbaigian

Azerbaijan exports over 20m tons of oil in Jan-Sep 2021

Azer News - Tue, 19/10/2021 - 14:48
Azerbaijan exported 20.2 million tons of oil worth $9.3 billion in January-September 2021, the State Customs Committee has reported.
Categories: Azerbaigian