Nepal

मेक इन नेपाल–स्वदेशी’ अभियानका लागि समझदारी

News of Nepal - 1 ora 38 min fa

काठमाडौं, (नेस)। 

नेपाल उद्योग परिसंघले अघि बढाएको ‘मेक इन नेपाल–स्वदेशी’ अभियान सञ्चालनका लागि सरकार र परिसंघबीच समझदारी भएको छ । परिसंघले स्वदेशी वस्तु तथा सेवाको उत्पादन, उपभोग र निर्यात प्रवद्र्धन गर्ने उद्देश्यले अघि बढाएको यस अभियान कार्यान्वयनमा सरकारले साझेदारी गरेको हो ।

बिहीबार आयोजित कार्यक्रममा सरकारका मुख्यसचिव शंकरदास बैरागीले नेपाललाई स्वावलम्बी, आत्मनिर्भर र निर्यातमुखी अर्थतन्त्रको रूपमा विकास गर्न यस अभियान र समझदारी कोशेढुंगा सावित हुने बताउनुभयो । ‘अब सरकार र नेपाल उद्योग परिसंघ आफ्ना जिम्मेवारी कुशलतापूर्वक बहन गरी अघि बढ्नुपर्छ,’ उहाँले भन्नुभयो–‘सरकारले नीतिगत र प्रक्रियागत सरलीकरण गरिरहेको छ, लगानीको वतावरण पनि तयार भइरहेको छ । अब उपलब्धि हासिल हुने गरी निजी क्षेत्रले काम गर्नुपर्छ ।’कार्यक्रममा परिसंघका अध्यक्ष सतिशकुमार मोरले नेपाली वस्तुको उत्पादन र प्रवद्र्धनका लागि अभियानले महŒवपूर्ण योगदान दिने बताउनुभयो । ‘नेपाललाई अहिले आफ्नै वस्तु उत्पादन र तिनीहरूको प्रवद्र्धन आवश्यक परेको छ,’ उहाँले भन्नुभयो–‘यो अभियानले त्यसलाई सहयोग पु¥याउने परिसंघको विश्वास छ ।’कार्यक्रममा उद्योग, वाणिज्य तथा आपूर्ति मन्त्रालयका सचिव अर्जुनप्रसाद पोखरेलले समझदारीपछि स्वदेशी अभियानका लक्ष्य हासिल गर्न अझ सहयोग पुग्ने बताउनुभयो । उहाँले स्वदेशी वस्तुको उत्पादन तथा उपभोग प्रवद्र्धनमा यसले अझै टेवा दिने उल्लेख गर्नुभयो ।

अभियानको मुख्य उद्देश्य नेपाली उत्पादन वृद्धि गरी आत्मनिर्भर उन्मुख अर्थतन्त्र निर्माण गर्न सहयोग गर्नु, नेपाली उपभोक्तालाई स्वदेशी उत्पादनको उपभोग गर्न प्रोत्साहन गर्नु र नेपाली उत्पादनको बजारीकरण गरी विश्व बजारमा नेपाली वस्तु र सेवाको उपलब्धता बढाउनु, देशभित्रै रोजगारीको पर्याप्त अवसर सिर्जना गर्नु रहेको छ ।यस अभियानलाई व्यापकरूपमा अगाडि बढाउन नेपाली वस्तु र सेवामा प्रयोग गर्ने गरी एक लोगोको पहिचान गरिएको छ । नेपाल उद्योग परिसंघद्वारा प्रस्ताव गरिएको उक्त लोगो निश्चित मापदण्ड र प्रकृया अवलम्वन गरी सबै नेपाली उत्पादनले प्रयोग गर्न सक्ने गरी सरकारले दर्ता प्रक्रिया अगाडि बढाएको छ ।

नेपाली वस्तु र सेवालाई विश्वव्यापी बनाउने र यसको स्वदेशी उपभोग वृद्धि गर्ने गरी अघि सारिएको यो अभियानलाई सफल बनाउन सरकार र निजी क्षेत्र समन्वयात्मक रूपमा अघि बढ्नुपर्ने आवश्यकता औंल्याउँदै समझदारी गरिएको हो । समझदारीअनुसार उद्योग विभाग र परिसंघको समन्वयमा मेक इन नेपाल – स्वदेशी लोगो प्रयोगका सम्बन्धमा संयुक्तरूपमा अनुगमन गरिनेछ ।

Categorie: Nepal

प्राधिकरणको संरचना कार्तिकसम्म यथावत रहने

News of Nepal - 1 ora 42 min fa

काठमाडौं, (नेस) । 

राष्ट्रिय पुनर्निर्माण प्राधिकरणको वर्तमान संस्थागत संरचना र कार्य प्रणाली २०७८ कार्तिक मसान्तसम्म यथावत रहने भएको छ ।बुधबार बिहान प्रधानमन्त्री केपी शर्मा ओलीको अध्यक्षतामा बसेको प्राधिकरणको निर्देशक समितिको १९औं बैठकले आर्थिक वर्ष २०७७-७८ भित्रै सम्पन्न गर्ने लक्ष्य राखिएका निजी आवास लगायतका पुनर्निर्माणका काम २०७८ कार्तिक मसान्तसम्ममा सम्पन्न गर्ने निर्णय गरेको हो ।

प्राधिकरणका प्रमुख कार्यकारी अधिकृत सुशील ज्ञवालीले कोभिड महामारीको दोस्रो लहर नियन्त्रणका लागि घोषणा गरिएको निषेधाज्ञाका कारण निजी आवास पुनर्निर्माणलगायतका काममा अवरोध आएकाले यसअघिको बहिगर्मन तथा हस्तान्तरण कार्ययोजना परिमार्जन गरिएको बताउनुभयो ।ज्ञवालीले यथासंभव न्यून जनशक्ति परिचालन गरी आर्थिक वर्ष २०७८÷७९ को पहिलो चौमासिकभित्र ती कार्यहरु सम्पन्न गरिने र सोही अवधिमा अन्तर्राष्ट्रिय सम्मेलनको तयारी तथा हस्तान्तरणका कार्यहरुलाई पनि एकैसाथ अघि बढाइने जानकारी दिनुभयो ।
उपप्रधानमन्त्री एवं अर्थमन्त्री विष्णुप्रसाद पौडेलले उल्लेखित कार्यका लागि आर्थिक वर्ष २०७८÷७९ को पहिलो दिनबाटै आवश्यक बजेटको व्यवस्था गरिने प्रतिबद्धता व्यक्त गर्नुभयो ।

त्यसैगरी, बैठकले कोभिड–१९ महामारीको दोस्रो लहरका कारण काम सम्पन्न गर्न नसकेका निजी आवासका लाभग्राहीलाई २०७८ कार्तिक मसान्तसम्मको समयावधि तोकी उक्त कार्यको फछ्र्यौट गर्ने निर्णय पनि गरेको छ ।बैठकले निर्माण कार्य सम्पन्न गरेका तर सुरक्षित घरको मापदण्ड पूरा गर्न नसकेका निजी आवासका लाभग्राहीलाई सम्बन्धित स्थानीय तहमार्फत् संभव भएसम्म सुधार गराउने गरी अनुदानको बाँकी किस्ता रकम उपलब्ध गराउन पनि प्राधिकरणलाई निर्देशन दिएको छ ।बैठकले नेपालको पुनर्निर्माण सम्बन्धी प्रस्तावित अन्तर्राष्ट्रिय सम्मेलन २०७८ मंसिर २१–२३ गते तद्अनुसार सन् २०२१ डिसेम्बर ७–९ मा आयोजना गर्न स्वीकृति दिएको छ ।उक्त बैठकले निजी आवास पुनर्निर्माणमा खटिएका इन्जिनियरहरुलाई यसअघि गरिएको समझदारीअनुसार सञ्चार तथा यातायात खर्च र दुर्गम भत्ता उपलब्ध गराउने निर्णय पनि गरेको छ ।

Categorie: Nepal

प्रतिनिधिसभा विघटनविरुद्ध रिट निवेदकतर्फका २९ जनाको बहस आज

News of Nepal - 1 ora 54 min fa

न्युज अफ नेपाल ,काठमाडौं ।

प्रतिनिधिसभा विघटनविरुद्ध संवैधानिक इजलासमा आज २९ जना कानुन व्यवसायीले बहस गर्ने भएका छन्। जारी सुनुवाइका क्रममा आज निवेदक पक्षले बहस गर्ने अन्तिम दिन हो। रिट निवेदकका तर्फका कानुन व्यवसायीलाई शुक्रबार बहसका लागि ३ देखि ३० मिनेटसम्मको समय तोकिएको छ।संवैधानिक इजलासमा सुनुवाइ भइरहेको रिटमा निवेदक पक्षलाई दिइएको १२ घण्टाको समयअनुसार आज निवेदकका तर्फबाट ४ घण्टा ४५ मिनेट बहस भएपछि सकिने भएको हो।

रिटमा सुनुवाइका लागि प्रधानन्यायाधीश चोलेन्द्रशमशेर जबराको नेतृत्वमा, न्यायाधीशहरु दीपककुमार कार्की, मीरा खड्का, ईश्वरप्रसाद खतिवडा र डा. आनन्दमोहन भट्टराई रहेको संवैधानिक इजलास गठन गरिएको छ ।कांग्रेस सभापति शेरबहादुर देउवालाई वैकल्पिक प्रधानमन्त्रीका रुपमा अघि सारेका विपक्षी गठबन्धनका १४६ सांसदको तर्फबाट दायररिटमा देउवालाई प्रधानमन्त्री बनाउन परमादेश जारी गर्न माग गरिएको छ। प्रतिनिधिसभा विघटनविरुद्धको रिटमा निवेदकका तर्फबाट आज बहस सकिने भएको छ।

Categorie: Nepal

नेप्से दोहोरो अंकले घट्यो

News of Nepal - 2 ore 23 min fa

काठमाडौं, (नेस) ।

साताको अन्तिम कारोबार दिन बिहीबार नेपाल स्टक एक्सचेन्ज (नेप्से) परिसूचक १६ दशमलव ९६ अंकले परिसूचकले घटेर २८४३ बिन्दुमा झरेको छ । बिहीबार २१९ वटा कम्पनीको १ करोड ३२ लाख १० हजार कित्ता शेयर ७ अर्ब ३ करोड ३६ लाख रुपियाँमा कारोबार भएको छ ।

यस दिन सेन्सेटिभ इन्डेक्स शून्य दशमलव ६० प्रतिशत अर्थात ३ दशमलव १७ अंक घटेर ५२५ दशमलव ६४ बिन्दुमा झरेको छ । बिहीबार होटल तथा पर्यटन र जलविद्युत् समूहको परिसूचक बढेको छ भने बाँकी सबै समूह घटेका छन् । बिहीबार पनि नेपाल पुनर्बीमा कम्पनीको सर्वाधिक रकमको शेयर कारोबार भएको छ । उक्त कम्पनीको ३७ करोड ८३ लाख रुपियाँको शेयर कारोबार भएको छ । यस दिन ३७ वटा कम्पनीको शेयरमूल्य बढेको छ । यी मध्ये अपर तामाकोशीको शेयरमूल्य सर्वाधिक ९ दशमलव ८८ प्रतिशतले बढेको छ । त्यस्तै समृद्धि फाइनान्सको ३ दशमलव ६५ प्रतिशत, रूरू जलविद्युत् कम्पनीको २ दशमलव ५६ प्रतिशत, कृषि विकास बैंकको २ दशमलव ३४ प्रतिशत र नेपाल हाइड्रो डेभलपरको २ दशमलव ३३ प्रतिशतले बढेको छ । त्यस्तै ङादी ग्रुप र नेपाल इन्स्योरेन्सको शेयरमूल्य ५ प्रतिशतभन्दा बढीले घटेको छ ।

Categorie: Nepal

काेराेनाबाट नेपाल खुद्रा व्यापार संघका अध्यक्ष श्रेष्ठको निधन

News of Nepal - 3 ore 2 min fa

न्युज अफ नेपाल, काठमाडौं ।

कोरोना संक्रमणको कारण नेपाल खुद्रा व्यापार संघका अध्यक्ष राजकुमार श्रेष्ठको निधन भएको छ ।

कोरोना संक्रमणपछि लामो समयदेखि उपचाररत श्रेष्ठको नर्भिक अस्पतालमा उपचारकै क्रममा बिहीबार दिउँसो निधन भएको हो ।

कोभिड संक्रमणका पुष्टि भएपछि वैशाख २३ गते अस्पताल भर्ना भएका श्रेष्ठको पछिल्लो समय कोभिड रिपोर्ट नेगेटिभ आए पनि उनी अस्वस्थ नै रहेको संघका महासचिव अमुलकाजी तुलाधरले बताए ।

Categorie: Nepal

थप तीन मन्त्रालयको कार्यभार सम्हाल्दै शिक्षामन्त्री श्रेष्ठ,आजै पदभार ग्रहण गर्ने

News of Nepal - 3 ore 28 min fa

न्युज अफ नेपाल, काठमाडौं ।

आज (शुक्रबार) शिक्षा मन्त्री कृष्णगोपाल श्रेष्ठले थप तीन मन्त्रालयको पनि कार्यभार सम्हाल्दै छन् । उनले स्वास्थ्य तथा जनसंख्या मन्त्रालय, श्रम तथा रोजगार मन्त्रालय र वन तथा वातावरण मन्त्रालयमा गएर पदभार ग्रहण गर्न लागेका हुन् ।

उनकाे स्वास्थ्य मन्त्रालयमा साढे १२ बजे, र लगातार २ बजे श्रम मन्त्रालयमा र साढे ३ बजे वन मन्त्रालयमा पदभार ग्रहण गर्ने कार्यक्रम रहेको छ ।

प्रधानमन्त्री केपी शर्मा ओलीले प्रतिनिधिसभा विघटनपछि गरेको मन्त्रिपरिषद विस्तारलाई सर्वोच्च अदालतले बदर गरिदिएपछि २५ सदस्यीय मन्त्रिपरिषद हाल पाँच सदस्यमा कायम छ ।

Categorie: Nepal

नगरसभा विवादमा हवाई फायर

News of Nepal - 3 ore 53 min fa

सञ्जय कार्की, रौतहट  । 

रौतहटको मौलापुर नगरपालिका नगरसभा चलिरहँदा भएको विवादले झडपको रुप लिएपछि प्रहरीले स्थिति नियन्त्रणमा लिन २३ राउन्ड अश्रुग्यास र १४ राउन्ड हवाई फायर गरेको छ । झडपमा एक प्रहरी र दर्जनौं प्रर्दशनकारी घाईते भएका छन । दोहोरो झडपले गर्दा मौलापुर बजार समेत बन्द गरिएको थियो । प्रहरी उपरिक्षक सिद्धी बिक्रम शाहले झडप नियन्त्रणमा लिइएको बताउनुभएको छ ।

विवाद चर्किंदै गर्दा कडा सुरक्षाका बीच मौलापुर नगरपालिकाको अधिबेशन शुरू गरिएको थियो । नेपाली काँग्रेस, माओवादी केन्द्र, जनता समाजवादी पार्टी र माधब नेपाल पक्षका एमाले सहितका दलहरूले नगरसभा भैरहदा विरोध गर्दै जुलुस प्रर्दशन गरेपछि झडप भएको हो । नगरसभामा पूर्वमन्त्री प्रभु साहलाई प्रमुख आतिथ्यता ग्रहण गराएकोमा समेत प्रदर्शनकारीहरूको आपत्ति जनाएका थिए ।मौलापुर नगरपालिकाको वडा नम्बर ६ का अध्यक्ष उपेन्द्रप्रसाद जयसवालले विधि र पद्धतिलाई मिचेर अपारदर्शी तरिकाले नगरसभा गर्न खोजेपछि आफूहरू विरोधमा उत्रिएको बताउनुभयो ।

जसपाका धिरज पटेलले नगरपालिकाभित्र अनियमितता भएको र सोको छानबिन हुनुपर्ने माग गरेका छन् । नगरपालिकाका प्रमुख प्रशासकीय अधिकृत रामबाबु साहले भने नगरसभाको मिति निर्धारण गर्नु अघि नै चालु आर्थिक वर्षको सम्पूर्ण हिसाब सार्वजनिक गरिसकेको दावी गर्नुभयो । उता नगरप्रमुख रीना कुमारी साहले प्रदेश २ मा मौलापुर नगरपालिकाले विकासको गति लिएको दाबी गर्नुभयो ।

Categorie: Nepal

बिनादर्ताका फार्मेसीलाई कारबाही गरिने

News of Nepal - 3 ore 58 min fa

काठमाडौं, (नेस) । 

नेपाल फार्मेसी परिषद्का रजिस्ट्रार सञ्जीवकुमार पाण्डेयले फार्मेसी परिषद्मा दर्ता नगरी फार्मेसी नचलाउन निर्देशन दिनुभएको छ । उहाँले सो निर्देशन नेपाल औषधि व्यवसायी संघको ४८औं वार्षिकोत्सवको अवसर बोल्ने क्रममा दिनुभएको हो ।

रजिष्ट्रार पाण्डेयले बिहीबार विज्ञप्ति जारी गर्दै परिषद् ऐन २०५७ को परिच्छेद ३ को दफा ११ ले परिषद्मा नाम दर्ता नगरी फार्मेसी व्यवसाय गर्न नहुने बाध्यकारी व्यवस्था गरेको उल्लेख गर्दै दर्ता नगरी फार्मेसी नचलाउन निर्देशन दिनुभएको हो । विज्ञप्तिमा परिषद्मा दर्ता नगरी फार्मेसी चलाएको पाइएमा प्रचलित कानुनबमोजिम कारबाही प्रक्रिया अगाडि बढाइन चेतावनी दिइएको छ ।फार्मेसी व्यवसाय सञ्चालनसम्बन्धी विभिन्न सामाजिक सजालमा आएका कुराप्रति परिषद्को गम्भीर ध्यानाकर्षण भएको पनि जनाइएको छ ।

यसैबीच नेपाल औषधी व्यवसायी संघका केन्द्रीय अध्यक्ष मृगेन्द्रमेहर श्रेष्ठले कोरोना संक्रमणका कारण लगाइएको निषेधाज्ञाको समयमा पनि औषधी व्यवसायीहरू अहोरात्र सेवा भावले औषधि पसल खोली फ्रन्ट लाइनमा बसेर बिरामीलाई सेवा प्रदान गरिरहेको बताउनुभयो । अध्यक्ष श्रेष्ठले मुलुकभर छरिएर रहेका २१ हजारभन्दा बढी औषधी व्यवसायीको छाता संगठन नेपाल औषधी व्यवसायी संघले देशव्यापी रुपमा औषधी व्यवसायीलाई एकजुट गराएर जनस्वास्थ्यमा जुट्न उत्प्रेरित गर्ने प्रतिबद्धता गर्नुभयो ।

उहाँले कोरोना संक्रमणका बेला अग्रपंक्तिमा खटिएर अहोरात्र सेवामा जुटेका व्यवसायीलाईसरकारले खोप दिने क्रममा प्राथमिकतामा नराखेकोमा दुःख व्यक्त गर्दै संघले यसतर्फ सरकारको ध्यानाकर्षण गराएको जानकारी पनि दिनुभयो ।

Categorie: Nepal

यौन प्रस्ताव अस्वीकार गर्दा सन्तोषीको हत्या

News of Nepal - 4 ore 2 min fa

काठमाडौं, (नेस) ।  

यौन प्रस्ताव अस्वीकार गर्दा सन्तोषी सुब्बाको हत्या भएको प्रहरीले दाबी गरेको छ ।दक्षिणकाली काठमाडौ चल्ने सार्वजनिक बसमा सहचालकको काम गर्दै आएका सिन्धुपालोकका सुरेश तिमिल्सिनालाई पक्राउ गरिएको महानगरीय अपराध महाशाखाले जनाएको छ ।असार ५ गते फर्पिङ पुगेकी सुब्बा र तिमिल्सिनाबीच होटलमा भेट भएपछि खाना खाने क्रममा चिनजान भएपछि एकअपासमा यौन सम्पर्क गर्ने सहमति भएपछि दक्षिणकाली मन्दिर परिसरमा गएको र दुई जनाबीच यौन सम्पर्क गर्ने विषयमा खटपट भएपछि तिमिल्सिनाले हत्या गरेको महानगरीय अपराध महाशाखाका प्रमुख प्रहरी वरिष्ठ उपरीक्षक चन्द्रकुवेर खापुङले जानकारी दिनुभयो ।

दुवै जनाबीच यौन सम्पर्क गर्ने विषयमा शुरूमा सहमति भए पनि शौचालयमा पुगेपछि सुब्बाले आनाकानी गरेपछि तिमिल्सिनाले आवेशमा आएर हत्या गरेको प्रहरीले जानकारी दिएको छ । शौचालय पुगेपछि सुब्बाले आफू यौन सम्पर्क गर्न अनिच्छुक भएको बताएपछि लामो समयसम्म विवाद भएपछि तिमिल्सिनाले आवेगमा आएर शुरूमा ढुंगाले टाउकोमा हिर्काएका थिए ।घाइते भएकी सुब्बा चिच्याउन थालेपछि उनले लगाएको सलले घाँटी कसेर हत्या गरेपछि अनुहारमा ढुंगाले हानेर क्षतविक्षत बनाएका थिए उनी सुब्बाको हत्यापछि फर्पिङ बसपार्क आएर मोटरसाइकल चढेर काठमाडौंतर्फ भागेका थिए ।

दक्षिणकाली नगरपालिका–७ दक्षिणकाली मन्दिर परिसरको पिकनिक स्थलमा रहेको सार्वजनिक शौचालयमा अनुहारको भाग क्षतविक्षत रहेको अवस्थामा शव फेला परेको थियो । घटनाको अनुसन्धानमा खटिएको प्रहरी टोलीले उनलाई लुकीछिपी बसेको अवस्थामा काठमाडौं महानगरपालिका–२७ कमलाक्षीबाट पक्राउ गरेको हो ।

Categorie: Nepal

‘राष्ट्रपतिमा केपी ओली मोह’

News of Nepal - 4 ore 17 min fa

काठमाडौं, (नेस) । 

प्रतिनिधिसभा विघटनसम्बन्धी रिट निवेदनमाथि बहस गर्दै वरिष्ठ अधिवक्ताहरूले प्रतिनिधि सभा पुनःस्थपना गरी नेपाली कांग्रेसका सभापति शेरबहादुर देउवालाई प्रधानमन्त्री बनाउने विभिन्न आधार भएको दाबी गरेका छन् ।बिहीबार संवैधानिक इजलासमा बहस गर्दै वरिष्ठ अधिवक्ता हरिहर दाहालले राष्ट्रपतिमा केपी ओली मोह भएको उल्लेख गर्नुभयो । उहाँले राष्ट्रपतिले केपी ओलीबाहेक अन्य व्यक्तिलाई प्रधानमन्त्री देख्न नचाही ओली मोह भएको उल्लेख गर्नुभएको हो ।

अर्का वरिष्ठ अधिवक्ता रमण श्रेष्ठले नेपालको संविधानको धारा ७६ को उपधारा (५) बमोजिम सरकार बनाउनका लागि स्वतन्त्र सांसद भए पनि हुने उल्लेख गर्दै सोबमोजिम पार्टीले ह्विप लगाउन नसक्ने बताउनुभयो ।यसै गरी अर्का वरिष्ठ अधिवक्ता बोर्णबहादुर कार्कीले प्रधानमन्त्री केपी शर्मा ओलीले जथाभावी प्रतिनिधिसभा विघटन गर्न उद्दत हुनुभएको बहसका क्रममा बताउनुभएको थियो । वरिष्ठ अधिवक्ताहरू प्रेमबहादुर खड्का र खगेन्द्रप्रसाद अधिकारीले पनि अल्पमतमा परिसकेका प्रधानमन्त्री ओलीले पुनः सरकार बनाउनका लागि दाबी गर्न नसक्ने उल्लेख गर्नुभएको थियो ।

अर्का वरिष्ठ अधिवक्ताहरू मिथिलेश सिंह तथा गान्धी पण्डितले पनि कांग्रेसका सभापति देउवाले स्पष्ट रुपमा बहुमत देखाएको अवस्थामा उहाँले सरकार बनाउन यथेष्ट आधार भएको दाबी गर्नुभएको थियो ।रिट निवेदकहरूलाई शुरूमा छुट्याइएको १२ घण्टामध्ये अव चार घण्टा ३० मिनेट बाँकी रहेको बताइएको छ । सो समय सकिएपछि सरकार पक्षका कानुन व्यवसायीहरूको बहस शुरू हुनेछ ।

Categorie: Nepal

अमेरिकामा मध्यराति १२ तले भवन भत्किँदा ,१ को मृत्यु ९९ जना बेपत्ता

News of Nepal - 5 ore 11 min fa

एजेन्सी ।

संयुक्त राज्य अमेरिकामा बिहिबार मध्यराति एउटा १२ तले भवन अचानक भत्किएको छ। न्युयोर्क टाइम्सका अनुसार घटनामा परी अहिलेसम्म १ जनाको मृत्यु भएको पुष्टि भएको छ भने ९९ जना मानिस बेपत्ता भएका छन् ।

उद्धारकर्ताहरूले कुकुर र विद्युतीय उपकरणको सहायताले भवनमा च्यापिएका मानिसहरूको खोजी गरिरहेका छन्। अहिलेसम्म ९९ जना मानिस बेपत्ता भएकाले मृतकको संख्या बढ्न सक्ने बताइएको छ। भवन भत्किनुको कारणबारे अनुसन्धान भइरहेको जनाएका छन्।

Categorie: Nepal

पल र प्रकृति आठ वर्षपछि सँगै

News of Nepal - 5 ore 26 min fa

लोकपप गायक सुनील गिरीको चर्चित गीत को होला त्योको फिमेल भर्सन म्युजिक भिडियोसहित रिलिज गरिएको छ।सुनीलको यो गीत पछिल्लो पुस्ताकी चर्चित गायिका अस्मिता अधिकारीले गाएकी छिन्।

सार्वजनिक गीतमा गायक गिरीको शब्द र संगीत रहेको छ भने एरेन्ज गोपाल रसाइलीको छ। निषेधाज्ञाअघि कालिञ्चोक, चरिकोट मुडेलगायतका रमणीय स्थानमा छायाँकन गरिएको गीतको म्युजिक भिडियोमा लोकप्रिय नायक तथा मोडल पल शाह र नायिका तथा मोडल प्रकृति श्रेष्ठले अभिनय गरेका छन्।

गायक गिरीले आठ वर्ष अगाडि पल र प्रकृतिलाई नै लिएर को होला त्यो बोलको गीतको म्युजिक भिडियो तयार पारेका थिए। जुन गीतले चर्चा कमाएको थियो। आठ वर्षपछि सोही टिम दोहोरिएको म्युजिक भिडियोले दर्शकलाई भरपुर मनोरञ्जन दिने विश्वास गायक गिरीले गरेका छन्। अनिल कृष्ण मानन्धरको छायाँकन र निर्देशन रहेको म्युजिक भिडियोको सम्पादन मनोज कार्कीले गरेका हुन्।

म्युजिक भिडियो गायक गिरीकै अफिसियल युट्युब च्यानलमार्फत बजारमा ल्याइएको छ। सार्वजनिक गीतमा उत्कृष्ट टिकटक बनाउनेलाई २५ हजार नगद पुरस्कार उपलब्ध गराइने गायक गिरीले जानकारी गराएका छन्। टिकटकमा आएको सर्वाधिक भ्युज, लाइक र कमेन्टका आधारमा पुरस्कृत गरिने निर्माण युनिटले जनाएको छ।

Categorie: Nepal

पूनम इरोटिक स्टार !

News of Nepal - 5 ore 27 min fa

बलिउड मोडल तथा अभिनेत्री पूनम पाण्डे आफ्नो बोल्ड र विवादास्पद अभिव्यक्तिका कारण सधैं चर्चामा आउने गरेकी छिन् । यो उनको विशेषता नै बनेको छ।

उनै विवादास्पद बलिउड सुन्दरी पाण्डेले हालै आफू इरोटिक स्टार भएको बताएकी छिन्। ‘इरोटिक स्टार हुनु धेरै मजेदार कुरा हो’ उनले भनेकी छिन्। पूनमले आपूm इरोटिक स्टार भएको र यसमा इन्जोय गर्ने बताएकी हुन्। उनले आप्mना साथीहरूले आप्mनो भिडियो हेर्ने गरेको र यसलाई लिएर नराम्रो नमानेको उल्लेख गरेकी छिन्। पूनमका अनुसार उनी आफ्नो कामलाई माया गर्छिन् र यसप्रति उनलाई गर्व छ।
उनले अगाडि याद दिलाउँदै भारत कामसूत्रको धर्ति भएको पनि बताएकी छिन्। ‘हामीले आर्टलाई भुलेका छौँ र चिजहरूलाई सस्तो बनाएका छौँ। हामी किताबको बारेमा मानिसलाई बताउन सक्छौँ र त्यस्तै उनीहरूको भिडियोमा छ।’व्यक्तिगत जीवनको कुरा गर्ने हो भने पूनमले आफ्नो प्रेमी सैम बम्बेका साथ २०२०२ सेप्टेम्बरमा बिबाह गरेकी थिइन्। बिहेपश्चात् आएको बदलावका बारेमा पूनमले आफ्नो परिकारमा नुनको प्रयोग गर्ने गरेको र पति राम्रो कुक भएका कारण उनीबाट धेरै कुरा सिकेको बताएकी छिन्। हालै पूनमले आफू गर्भवती भएको खबर भने गलत भएको जनाएकी छिन्।

Categorie: Nepal

माओवादी छाडेर एमालेमा गएका १४ जनप्रतिनिधिको पद रिक्त (सूचीसहित)

News of Nepal - 5 ore 28 min fa

न्युज अफ नेपाल, काठमाडौं ।

जनप्रतिनिधिले पार्टी परिवर्त गरेपछि १४ जनप्रतिनिधिको पद रिक्त भएको छ ।निर्वाचन आयोगले एक सूचना जारी गर्दै दुई मेयर, पाँच उपमेयरसहित १४ जनप्रतिनिधिको पद रिक्त भएको जानकारी गराएको हो ।

नेकपा माओवादी केन्द्रले पार्टीबाट २०७४ सालमा भएको स्थानीय तह निर्वाचनमा उम्मेदवार भई निर्वाचित भएका जनप्रतिनिधिले दल त्याग गरेकोले कारवाही गरेको निर्वाचन आयोगलाई जानकारी गराएपछि आयोगले कारबाही गरेको हो ।

रौतहटकै देवाही गोनाही नगरपालिकाकी उपप्रमुख परनिया देवी, मौलापुर नगरपालिकाका उपप्रमुख गौरीशंकर प्रसाद, फतुवाविजयपुर नगरपालिकाकी उपप्रमुख कान्ति देवी, माधवनारायण नगरपालिकाकी उपप्रमुख सिमलकुमारी साह र कैलाली भजनी नपाकी उपप्रमुख छायाँदेवी देवकोटाको पद रिक्त भएको छ।

Categorie: Nepal

धरानबाट चिसो–चिसो हावा चल्यो

News of Nepal - 5 ore 38 min fa

विश्व संगीत दिवसको अवसरमा धरानका गायक रोहित मास्केले आप्mनो नयाँ गीत चिसो—चिसो हावा चल्यो सार्वजनिक गरेका छन्।
मास्केकै युट्युब च्यानलमार्फत लिरिकल भिडियोको रूपमा सार्वजनिक गरिएको गीतमा गायक मास्केकै शब्द र संगीत रहेको छ। जेम्स प्रधानले संगीत संयोजन तथा मिक्सिङ गरेको गीत रेकर्डिङ धरानमा गरिएको हो।

धरानका पुराना गायक मास्के लामो समयको विदेश बसाइपछि पाँच वर्षदेखि धरानमै आप्mनो व्यवसायसँगै फुर्सदको समयमा संगीतमा सक्रिय हुने गरेका छन्। धरानमा हुने विभिन्न सांगीतिक कार्यक्रममा समेत भाग लिइरहने गायक मास्केले चिसो—चिसो बोलको गीत पनि धेरैपल्ट गाइसकेका छन्। एक वर्षअघिको कोभिड महामारीमा केही गीत सार्वजनिक गरेका गायक मास्केले एक वर्षपछि नयाँ गीत सार्वजनिक गरेका हुन्। उनी यो गीतको छिट्टै म्युजिक भिडियोसमेत बनाउने तयारीमा छन्।

Categorie: Nepal

हेटौंडामा प्रतिभा प्रस्फुटन

News of Nepal - 5 ore 45 min fa

हेटौंडा, नेस।

राष्ट्रिय जनसांस्कृतिक महासंघ मकवानपुरले प्रतिभा प्रस्फुटनसहित लाइभ कार्यक्रम सम्पन्न गरेको छ। कोभिडको महामारीमा यसविरुद्ध जनमानसमा हौसला प्रदान गर्ने उद्देश्यले कार्यक्रम आयोजना गरीएको हो।

फेसबुकबाट लाइभ गरिएको कार्यक्रममा गायनमा महासंघका इन्चार्ज आशाकाजी श्रेष्ठ, संघ उपाध्यक्ष पूर्णविक्रम अधिकारी, सचिव रेश्मी कार्की, कोषाध्यक्ष रमेश गहतराज, स्थानीय गायक बाबु क्षेत्री, हीरा क्षेत्री, सुनीता बुर्लाकोटी, आशिष अस्लामी, नृत्यतर्फ महासंघ सहसचिव लालबहादुर गुरुङ, सचिवालयका निशा पुडासैनी, स्वास्थ्यकर्मी निर्मला भ्लोनलगायतको प्रस्तुति थियो।

कार्यक्रमका प्रमुख अतिथि जिल्ला समन्वय समिति मकवानपुर प्रमुख रघुनाथ खुलालले यस विषम परिस्थितिमा महासंघले समाजलाई गति दिन गरेको सांगीतिक एवम् फेसबुक लाइभ कार्यक्रम प्रशंसायोग्य रहेको बताए । सम्पूर्ण मकवानपुरबासीलाई कोरोनाविरुद्धको लडाइँमा सुरक्षित र सचेत रहन उनले आग्रह गरेका थिए। केही दिनअघि भीम विराग कला प्रतिष्ठानले पनि प्रत्यक्ष सांगीतिक कार्यक्रम गरेको थियो।

Categorie: Nepal

छोटो फिल्मको स्पर्धा हुने

News of Nepal - 5 ore 47 min fa

राष्ट्रिय युवा संघ नेपालले म केही गर्छु शीर्षकमा लघु फिल्म प्रतियोगिता एनवाईएफ सर्ट फिल्म कम्पिसन २०७८ आयोजना गर्ने भएको छ।कोरोना महामारी जोखिमको न्यूनीकरण गर्न लगाइएको लकडाउनका कारण घरबाट बाहिर निस्कन नपाएका युवाको समय सदुपयोग तथा प्रोडक्टिभ इन्गेजमेन्टसँगै युवाको प्रतिभा पहिचान, प्रस्फुटन तथा प्रवद्र्धन गर्ने उद्देश्यसहित आयोेजना गरिने प्रतियोगितामा जोकोही नेपालीले सहभागिता जनाउन सक्नेछन्।

प्रतियोगितामा उद्यमशीलता र रोजगार, पर्यटन, कृषि तथा उद्योग, राजनीति र सुशासन, शिक्षा, स्वास्थ्य, खेलकुद, लैंगिक समानता र विविधता, कला संस्कृति र मनोरञ्जन लगायतका विषयमा केन्द्रित रही बढीमा पाँच मिनेटसम्मको फिल्म बनाउनुपर्ने आयोजनक जनाएका छन्। प्रतियोगीले शुरूमा म केही गर्छु भन्ने विषयमा केन्द्रित रही आगामी असार २५ सम्म स्क्रिप्ट बुझाउनुपर्ने प्रावधान राखिएको छ।

सहभागी फिल्ममध्ये पहिलो, दास्रो र तेस्रो हुने फिल्मलाई क्रमशः २ लाख ५० हजार, १ लाख ५० हजार र १ लाख रुपियाँ पुरस्कार प्रदान गरिने आयोजकले जनाएका छन्।नेपाल फिल्म एकेडेमी सहआयोजक रहने प्रतियोगिता आम युवा सरोकार र चासोका विषय सम्बोधन गर्ने उद्देश्यले आयोजना गर्न लागिएका संघका अध्यक्ष किरण पौडेलले बताए।

Categorie: Nepal

बाल शिक्षिका र विद्यालय सहयोगीको तलब १५ हजार

News of Nepal - 6 ore 5 min fa

ताप्लेजुङ ।

ताप्लेजुङको पाथीभरा याङ्वरक गाउँपालिकाले सामुदायिक विद्यालयमा कार्यरत बाल शिक्षिका र विद्यालय सहयोगीको तलब वृद्धि गरेको छ । बिहीबार आगामी आर्थिक वर्षको नीति तथा कार्यक्रम सार्वजानिक गर्दै गाउँपालिकाले बाल शिक्षिका र विद्यालय सहयोगीको तलब वृद्धि गरी मासिक रु १५ हजार पु-याउने जनाएको हो ।

यस्तै गाउँपालिकाले शिक्षकहरुको क्षमता विकासका लागि आवश्यक तालिम तथा कार्यक्रम सञ्चालन गर्ने भएको छ । पठनपाठनलाई प्रभावकारी बनाउनका लागि शिक्षकहरुको क्षमता वृद्धि गर्ने योजना बनाइएको गाउँपालिका अध्यक्ष केशर मेन्याङ्बोले बताए ।

गाउँपालिकाभित्रका विद्यालयलाई प्रविधिमैत्री बनाउदै लगिने र त्यसका लागि विद्यालयहरुमा इन्टरनेटलगायतका विद्युतीय सामग्री जडान गरिने भएको छ । विद्यार्थीको शारीरिक र बौद्धिक क्षमता विकासका लागि विभिन्न खेलकुद कार्यक्रम सञ्चालनका लागि आवश्यक बजेट विनियोजन गर्ने गाउँपालिकाले जनाएको छ । पालिकाको बिहीबार सम्पन्न १० औँ गाउँसभामा आगामी आर्थिक वर्षका लागि रु ४२ करोड २९ लाख ६८ हजार २९० को बजेट प्रस्तुत भएको छ ।

Categorie: Nepal

जातीय विभेदको अन्त्य नै सामाजिक सहिष्णुताको फड्को

News of Nepal - 6 ore 21 min fa

जातीय विभेदलाई अंग्रेजीमा रेसियल डिस्क्रिमिनेसन भनिन्छ । जातीय विभेदका पाँचवटा आधारहरु छन् । एक, जन्मको आधारमा गरिने विभेद छ । दुई, वंशको आधारमा गरिने विभेद । तीन, वर्णको आधारमा, आँखाको रंग, छालाको रंग, कपालको रंगको आधारमा गरिने विभेद आदि । तर यस्ता विभेदमात्रै नभएर संस्कृति, पहिचान, भाषा, धर्म आदिको आधारमा हुने विभेद जातीय विभेद हो । मानवअधिकारको हकमा यो कुरा आउँछ ।

जंगबहादुर राणाको मुलुकी ऐनमा जातीय विभेदलाई एउटा स्वाभाविक प्रक्रिया मानेर कानुन बनाइएको थियो । त्यसले सम्पूर्ण जनता, सामाजिक–सांस्कृतिक समूह, जातजातिहरुलाई तल र माथिको वर्णाश्रममा राख्यो । उच्च र तल्लो जातको सीमारेखा को¥यो । उच्च जात हुनुको मतलब उच्च किसिमको अवसर प्राप्त गर्नु, उच्च ओहदामा बस्नु, उच्च सुविधाहरु उपभोग गर्नु, तल्लो जातलाई हेप्न र कजाउनको लागि स्वाभाविकरुपमा अधिकार पाउनु भन्ने भयो । त्यस्तै, तल्लो जाति हुनुको मतलबचाहिँ तल्लो स्तरको काम गर्नु, कम सम्मान पाउनु र माथिल्लो जातिबाट हेपिएर बस्नु, उनीहरुको सेवामा तल्लीन हुनु भन्ने भयो ।

नेपालमा जातीय विभेदलाई एक हिसाबले स्वाभाविकरुपमा मानिदै आइयो । सन् १९९० पछि लोकतान्त्रिक प्रक्रिया शुरु भएलगत्तै त्यस्तो उचनिचलाई लोकतन्त्रको विरुद्ध भएको, मानवअधिकारको विरुद्ध भएको आवाजहरु उठ्न थाले । तर, अहिले पनि कतिपय मान्छे जातीय र जन्मको आधारले अरुलाई हेप्नुलाई एकदम स्वाभाविक मान्नेहरु हामीसँग प्रशस्त छन् ।समाजका जान्नेबुझ्ने, शिक्षित वर्ग भनिनेहरु पनि आज यी कुरालाई लिएर एक प्रकारको अन्योलमा नै छन् । जातपात, छुवाछूत तथा भेद्भाव नमाने जस्तो गर्ने तर गतिविधिलाई भने मौन समर्थन जनाउने, अनि जातीय विभेदले जरा गाडेको समाजलाई मिलेर बसेको देख्ने र समानताको आवाज उठाउनेलाई समाज भाँडेको भनेर बुझ्ने जमात ठूलै छ ।यी यस्तै सोच र क्रियाकलापले गर्दा समस्याको सही विश्लेषण र समाधानको कदम उपयुक्त ढंगमा चल्न सकिरहेको छैन ।

कोही हेपिएर तथा दबिएर बस्न बाध्य भएको समाजलाई मिलेर बसेको भन्न उपयुक्त नहोला । कोही मौन छ, यसको मतलब यो होइन कि ऊ ठीक छ, ऊ सही छ । त्यसैले बेलैमा यसबारे हामी सचेत भएर स्पष्ट कार्यदिशाका साथ आगाडि बढेनौँ भने यसले हामी सबैलाई निकट भविष्यमा झन् ठूला र फरक खालका समस्यातर्फ गाँज्दै लैजाने निश्चित छ । सबैभन्दा ठूलो कुरा भनेको मानवता हो । त्यसपछि मात्रै धर्म, संस्कृति आदि आउँछन् । एउटा गरिब वा टुहुरो व्यक्तिको लागि कहिल्यै पनि धर्म तथा संस्कृतिले महत्व राख्दैन ।नेपालमा ०६२-६३ सालको जनाअन्दोलनपछि पुनस्र्थापित संसद्ले ०६३ जेठ २१ गते सिंगो देश नेपाललाई नै जातीय विभेदमुक्त राष्ट्र घोषणा ग¥यो । त्यस दिन नेपालका दलित समुदायका लागि एक ऐतिहासिक दिन थियो । यस घोषणापछि जातीय विभेदजस्तो जघन्य अपराधको जन्जिरले बाँधिएको आफ्नो समुदायले कालकोठरीबाट बाहिर निस्केको अनुभूति गरेको थियो । त्यसपछि पहिलोपटक ०६८ सालमा जातीय भेदभाव छुवाछूत कसुर र सजाय ऐन २०६८ संसद्बाट जारी भयो । यो कुराले दलित समुदायले भोग्दै आएको उत्पीडनबाट न्याय पाउने र जातीय विभेद गर्नेलाई कानुनी कारबाही गर्ने बाटो अझै खुकुलो भयो । तर, दलित समुदायले कल्पना गरेजस्तो हुन सकेन ।

यो ऐन लागू भएपछि ०७४ साल मंसिरसम्म १६ जनाले जातीय भेदभाव तथा छुवाछूतका कारण आफ्नो ज्यान गुमाउनुप-यो । त्यसपछि पनि दलितमाथिको हिंसा रोकिएको छैन । नेपालको २५ प्रतिशत जनसंख्या अहिले पनि चरम गरिबीको रेखामुनि छ । योमध्ये पनि सबैभन्दा बढी ४१ प्रतिशत दलित अहिले पनि चरम गरिबीको रेखामुनि छन् । तिनको दैनिक आम्दानी दुई सय रुपैयाँभन्दा कम छ । नेपालको औसत साक्षरता ६५ प्रतिशत हुँदा दलितको साक्षरता केवल ४३ प्रतिशत मात्रै छ ।हिन्दू वर्णाश्रमको जाति प्रथाअनुरुपको छुवाछूत प्रथाबाट प्रत्यक्षरुपमा जातीय विभेदमा दलित समुदाय परेका हुन् । नेपालमा पहाडमा पाँच समूहका र तराईमा दश समूहका दलितहरु छन् । उनीहरु नै छुवाछूतको हिसाबले जातीय विभेदमा परेका छन् । त्यसपछि आदिवासी जनजाति समुदाय जातीय विभेदमा परेका हुन् । उनीहरुमाथि प्रत्यक्ष छुवाछूत भएको देखिँदैन । तर उनीहरुको पहिचान, भाषा, खानपान, भेषभूषा आदिको आधारमा विभेद गरिएका छन् ।
उच्च जातभन्दा तलको हो भनेर स्वाभाविकरुपमै भेदभावपूर्ण व्यवहार गर्ने गरिएका छन् । आदिवासी जनजातिहरुले आफ्नो मातृभाषा बोल्दा अनपढ, असभ्य हुने, परम्परागत खानपान खायो भने अपराधी वा फोहोरी हुने (जस्तै गाईको मासु खाँदा कानुन लाग्नु, जेल जानु) कुरा जातीय विभेद नै हो । जसलाई जन्म, वर्ण र वंशको हिसाबले पनि जातीय विभेद नै भन्न सकिन्छ ।

आदिवासी जनजातिहरु मंगोलियन समुदायबाट आएका र उच्च जातिहरु आर्यन समुदायबाट आएको कुरा यहाँ जोडिन्छ । तर, नेपालमा रेसियल कुरा गर्दा अलिक अमिल्दो र जेलिएको लाग्ने अवस्था पनि छ । बाहुन–क्षत्री र दलित दुवै आर्यन समुदायबाटै आएका हुन् । धार्मिक दृष्टिकोणले विभेदमा परेको मुस्लिम समुदाय पनि छ । र, यसमा आदिवासी जनजाति पनि परेका छन् । दलित पनि परेका छन् । भाषिक र भौगोलिक हिसाबले विभेदमा समुदाय पनि छ, मधेसी समुदाय ।
यसको जरो नेपाल मात्र हैन अन्य देशमा पनि नराम्ररी झाँगिदै गएको छ । पश्चिम र अफ्रिकी मुलुकहरूमा रंग र नश्लका आधारमा विभेद भएझैँ दक्षिण एसियाली देशहरू भारत, नेपाल, पाकिस्तान, श्रीलंका र बंगलादेशमा जात प्रणालीमा आधारित जातीय विभेद छ ।

यसर्थ अब सम्पूर्ण प्रकारका विकृतिहरुको समाधानका लागि हामी एकजुट भएर लाग्नुपर्दछ । कानुनभन्दा पहिले जनचेतना जगाउनुपर्दछ । मान्छेले चलाएका धर्म र बनाइएका संस्कृतिहरुको परिमार्जन गर्न नसकिने भन्ने हुँदै होइन । असल कुरा राखी खराब कुरालाई हटाई धर्म पनि पवित्र र जुगौँजुगसम्म राम्रो फल दिने खालको बनाउनुपर्दछ ।
– सुयोग आचार्य, बबरमहल, काठमाडौं ।

Categorie: Nepal

कार्यपालिकाबाट स्वीकृत नगरिकनै ललितपुर महानगरको नीति तथा कार्यक्रम

News of Nepal - 6 ore 21 min fa

सुनील महर्जन, ललितपुर। 

ललितपुर महानगरपालिकाले कार्यपालिकाको बैठकबाट पारित नगरीे आर्थिक वर्ष २०७८-७९ को प्रस्तावित नीति तथा कार्यक्रम सार्वजनिक गरेको छ ।ललितपुरको शंखमूलमा बिहीबार आयोजित छैटौं नगरसभामा मेयर चिरिबाबु महर्जनले प्रस्तावित नीति तथा कार्यक्रम प्रस्तुत गर्नुभएको हो । तर, कार्यपालिका बैठकबाट नीति तथा कार्यक्रम स्वीकृत नै नगरी नगरसभामा प्रस्तुत गरिएपछि सो नगरसभाको कानुनी वैधतामाथि प्रश्न उठाउँदै ९२ जना नगरसभा सदस्यले बहिष्कार गरेका थिए ।

बहिष्कार गर्ने नगरसभा सदस्यहरूमा ३९ जना कार्यपालिका सदस्यमध्ये २६ जना र ६६ जना नगरसभा सदस्य रहेका छन् । उनीहरू नेकपा (एमाले) र माओवादी केन्द्रबाट निर्वाचित भएका हुन् ।मेयरले ऐनविपरीत बलमिच्याइँ गरी एकतर्फी ढंगले नगरसभा बोलाइएकाले बहिष्कार गर्नुपरेको भन्दै कार्यपालिका सदस्य श्रीगोपाल महर्जनले विज्ञप्ति नै जारी गर्नुभएको छ । महर्जनले अध्ययनकै क्रममा रहेको नीति तथा कार्यक्रम कार्यपालिकाबाट पारित नगरी सार्वजनिक गरी ऐनको मर्म र भावनामाथि प्रहार गरेको आरोप लगाउनुभयो । महानगरपालिका–३ का वडाअध्यक्षसमेत रहनुभएका संयोजनकर्ता महर्जनले जारी गरेको विज्ञप्तिमा भनिएको छ– ‘नगरसभाको अघिल्लो दिन मेयरले नीति तथा कार्यक्रमको मस्यौदा पढ्न दिए । आज पास गर्नुपर्ने निर्देशन दिइयो ।

कार्यपालिका सदस्यले पढ्दै नपढी कसरी पारित गर्ने ?’बिहान आठ बजे र दिउँसो गरी बुधबार दुई पटकसम्म कार्यपालिका बैठक बसेको थियो । मेयर महर्जनसमक्ष बहुमत कार्यपालिका सदस्यले छलफल नै नगरी नीति तथा कार्यक्रम कसरी पास गर्ने भन्दै प्रश्न तेस्र्याएर अनेक तर्कवितर्क गरेपछि बैठक समापन गरिएको वडा नं १५ का अध्यक्ष सुदर्शन मिश्रले बताउनुभयो ।नीति तथा कार्यक्रम पारित नभए पनि छलफल भएको जनाउँदै मेयर महर्जनले असार १० गतेभित्रमा ल्याउनुपर्ने समयसीमा रहेकाले कार्यक्रम सार्वजनिक गरिएको बताउनुभयो । स्थानीय तह सरकार सञ्चालन ऐन २०७४ को दफा ७१ को बजेट पेस र पारित गर्नेसम्बन्धी प्रावधानअन्तर्गत आगामी आर्थिक वर्षको राजस्व र व्यय (बजेट) को अनुमान कार्यपालिकाबाट स्वीकृत गराई असार १० गतेभित्र नगरसभामा पेस गर्नुपर्ने उल्लेख गरिएको छ ।

नीति तथा कार्यक्रम सार्वजनिक गरेलगतै नगरसभाको गणपूरक संख्या नभएको भन्दै बैठक तीन दिनका लागि स्थगित गरिएको पनि मेयर महर्जनले घोषणा गर्नुभयो । कुल नगरसभा सदस्य एक सय ३५ जनामध्ये नेपाली कांग्रेसबाट निर्वाचित ४३ जना नगरसभा सदस्य मात्र कार्यक्रममा उपस्थित थिए ।यसैबीच विभिन्न शीर्षकमा दुई सय ६९ बुँदे नीति तथा कार्यक्रम प्रस्तुत गर्दै मेयर महर्जनले त्यसका लागि बजेटको सीमा पाँच अर्ब ५५ करोड ५५ लाख, ५५ हजार रुपियाँ प्रस्ताव गर्नुभयो । ‘ललितपुर नगर स्वस्थ समुन्नत सांस्कृतिक शहर’ भन्ने दीर्घकालीन सोच, कोरोना संक्रमण, संविधान, ऐनलाई मध्यनजर गरी १५ क्षेत्रलाई प्राथमिकतामा राखिएको पनि मेयर महर्जनले बताउनुभयो ।कोभिड विशेषअन्तर्गत १२ वटा नीति तथा कार्यक्रमहरू प्रस्ताव गरिएको छ ।

त्यसमध्ये कोरोना संक्रमणबाट मृत्यु भएका परिवारलाई र अस्पताल भर्ना भएकालाई आर्थिक सहयोग गर्ने भनिएको छ । त्यसैगरी फ्रन्टलाइन खटिनेलाई सरकारले तोकेबमोजिम भत्ताको व्यवस्था गर्नेछ । त्यस्तै आइसोलेसनका लागि आवश्यक जनशक्ति करारमा लिइने, सबैलाई निःशुल्क खोपको व्यवस्था गर्ने, कोभिड बीमा सञ्चालन गर्ने कार्यक्रम ल्याइएको छ ।त्यस्तै पूर्वाधार विकासअन्तर्गत १५ बुँदे कार्यक्रम ल्याइएको छ । कुपोण्डोलदेखि पुल्चोकसम्म र चक्रपथको विभिन्न स्थानमा फ्लाईओभर र इन्टरसेक्सन फ्लाईओभर अध्ययन सिफारिसबमोजिम काम अघि बढाउने भनिएको छ । पाटन दरबार क्षेत्रदेखि शंखमूलसम्म टंकलाइन प्रोजेक्टलाई निरन्तरता दिइने पनि कार्यक्रममा उल्लेख गरिएको छ । त्यस्तै सडक कालोपत्र गर्दा असफाल्ट कंक्रिटको मोटाइ एक दशमलव पाँच इन्च हुनैपर्ने नीतिलाई निरन्तरता दिइनेछ । ललितपुरमा पर्ने चक्रपथ खण्डमा सार्वजनिक शौचालय र सार्वजनिक स्थल उपलब्ध भएसम्म हरियाली पार्क निर्माण गर्ने भनिएको छ ।

कालोपत्र भएका सडकमा सामान्यता दुई वर्षसम्म खन्न स्वीकृति नदिने, विशेष कारणवश खन्न परेमा प्रक्रिया अपनाउनुपर्ने, फुटपाथ निर्माण कार्यलाई निरन्तरता दिइने पनि कार्यक्रममा उल्लेख गरिएको छ ।भवन तथा शहरी विकासअन्तर्गत २७ बुँदे नीतिमा सार्वजनिक स्थानमा सीसीटिभी जडान गरिने, नक्सापास नगरी वा नक्सापासभन्दा फरक गरी निर्माण भइसकेका भवनहरूको अभिलेखीकरणका लागि कार्यविधि बनाएर व्यवस्थित गरिने, विद्युतीय नक्सापास प्रक्रिया लागू गरिने विषयहरू समेटिएको छ । भूकम्प लाभग्राही सूचीमा परेका नगरबासीलाई तीन हजार वर्गफिटसम्मको क्षेत्रफलको नक्सापास दस्तुरमा शतप्रतिशत छुटको सुविधा उपलब्ध गराइने भनिएको छ ।खानेपानी तथा सिँचाइसम्बन्धी पाँच बुँदेमा टीकाभैरव राजकुलो एक र दुईलाई महानगर चक्रपथभित्र ल्याउन र कृषि योग्य जमिनमा सिँचाइ गर्न योजना सञ्चालन गरिने र राजकुलोहरूको संरक्षणलाई निरन्तरता दिने उल्लेख गरिएको छ ।

मकवानपुरको सिस्नेरीबाट खानेपानी ल्याउन महालक्ष्मी र गोदावरी नगरपालिको समन्वयमा सम्भाव्यता अध्यन गर्ने पनि भनिएको छ ।११ बुँदे सम्पदा नीतिअन्तर्गत वडा नं आठको भीमसेन मन्दिर बालकुमारी मन्दिर, खोकनाको रुद्रायणी मन्दिर, पाटन दरबार क्षेत्रको तलेजु मन्दिर, भष्मेश्वर महादेव मन्दिर, सन्तानेश्वर मन्दिर, वडा नं १९ को मच्छिन्द्रनाथको मन्दिरको पुनर्निर्माण गर्ने कार्यक्रम ल्याइएको छ । कार्तिक नाच, रुद्रायणी नाच, हरिसिद्धि नाच, पायो जात्रा, अष्टमातृका नाचका लागि अक्षयकोष स्थापना गर्ने कार्यलाई निरन्तरता दिइनेछ ।

पर्यटन नीतिअन्तर्गत सम्पदा मार्ग बनाउने, पर्यटन गुरुयोजना तयार गर्ने, होमस्टे प्रवद्र्धन, विश्वकला नगरीको घोषणाअनुरुप हस्तकलाको प्रवद्र्धन र बजारीकरण गर्ने, हस्तकला सामग्री प्रदर्शन कक्ष निर्माण गर्नेलगायत पाँचबुँदे नीति तथा कार्यक्रम ल्याइएको छ ।त्यस्तै, सामाजिक विकासअन्तर्गत लैंगिक समानता र समावेशीकरण नीतिअन्तर्गत १५ बँुदे नीति तथा कार्यक्रम ल्याइएको छ । जसअन्तर्गत युवा र महिलाको सबलीकरण, दलित तथा जनजातिको परम्परागत सीपलाई आधुनिकरण गर्दै स्वरोजगारमुखी बनाउने, ए, बी र सी डिभिजन फुटबल टिमका खेलाडीहरूलाई प्रोत्साहित गर्ने कार्यक्रम ल्याइएको छ ।

आधारभूत शिक्षाअन्तर्गत २८ बुँदे कार्यक्रममा महानगरभित्रका सामुदायिक विद्यालयमा नेपाल भाषाको पठनपाठन सञ्चालन गर्न शिक्षकदेखि जनशक्तिको व्यवस्थापन गरिने, नैतिक शिक्षा पठनपाठनमा विशेष जोड दिइने, सत्यमोहन जोशी एकेडमी स्थापना गरिनेलगायतका कार्यक्रम ल्याइएको छ ।त्यसैगरी, जनस्वास्थ्य नीतिअन्र्तगत १९ बुँदे कार्यक्रममा विपन्न परिवारलाई ७० प्रकारका औषधि वितरण गरिने, वडाहरूमा स्वास्थ्य संरचनाको विस्तार गर्ने, स्वास्थ्य केन्द्रमा पूर्वाधारको व्यवस्था गर्ने, राष्ट्रिय स्वास्थ्य बिमा सञ्चालन गर्नेलगायतका कार्यक्रम नीति तथा कार्यक्रममा प्रस्तावित गरिएको छ ।

Categorie: Nepal