Somalia

Masar Oo Diiday In Baadhitaan Madax-banaan Lagu Sameeyo Sababta Uu U Dhintay Maxamed Mursi

Somaliland Today - Mer, 19/06/2019 - 20:31

(SLT-Qaahira)-Masar ayaa maanta ku eedeysay QM inay siyaasadeeneyso geerida madaxweynihii hore ee dalkaas Maxamed Mursi, ayada oo ku baaqeysa “baadhitaan madax-banaan” oo lagu sameeyo sababta uu u dhintay.

Afhayeenka wasaaradda arrimaha diebdda Masar, Ahmed Hafez ayaa “sida ugu xooggan” u cambaareeyey baaqa afhayeenka guddiga QM ee xuquuqda aadanaha, Rupert Colville oo dalbaday in si madax-banaan loo baaro geerida Mursi oo Isniintii ku dhintay maxkamad ku taalla Qaahira.

Hafez ayaa sheegay in tani ay tahay “isku day ula kac ah oo lagu siyaasadeynayo geeri si caadi ah ku timid.”

Colville ayaa talaadadii dalbaday in la baaro haddii xaaladda xabsigii uu lixda sano ku jiray Mursi ay hoggaamisay dhimashadiisa.

“Geeri kasta oo deg deg ah waa inay daba socotaa baaritaan deg deg, cad, oo dhex-dhexaad ah, oo uu sameeyo guddi madax banaan” ayuu yidhi Colville.

Xafiiska dacwad oogaha guud ee dalka Masar ayaa sheegay in Morsi oo 67 jir ahaa uu Isniintii ku dhacay maxkamadda Qaahira oo lasoo taagay kadibna uu geeriyooday.

Waxa uu intaas ku daray in Morsi uu u muuqday qof dhiifoon markii uu maxkamadda la hadlayey, hase yeeshee uu miir belay shan daqiiqo markii uu hadlayey kadibna uu dhacay.

Teleefishinka dawlada Masar ayaa sheegay in Mursi markiiba loola cararay cusbitaalka, laakin markii la geeyay uu u geeriyooday wax u muuqday wadnaha oo istaagay.

Categorie: Somalia

“Maxamed Bin Salmaan Ayaa Dilay Khaashuqji…” Qaramada Midoobay Oo War Cusub Kasoo Saartay Dilkii Jamaal Khashooqji.

Somaliland Today - Mer, 19/06/2019 - 19:34

(SLT-Washington)-Warbixin ay soo saareen khubaro Qaramada Midoobay ka tirsan oo baadhitaan gaar ah ku sameeyay Dilka Wariyihii Sucuudiga u dhashay Jamaal Khashooqji, ayaa lagu sheegay in dhaxal Sugaha dalka sucuudigu uu ka dambeeya dilkiisa.


“Waxaa jira cadaymo dhab ah oo muujinaya in dhaxal sugaha sucuudiga Maxamed Bin Salmaan iyo saraakiil sare oo kale ay Masuul ka yihiin Dilkii Jamaal khashooqji” Sidaasi waxaa yidhi Agnes Callamard, oo soo bandhigay warbixinta Khubarada Qaramada Midoobay ee Sameeyay Baadhitaanka madaxabanaan ee gaarka ah.


Masuuliyiinta dawladda Sucuudiga ayaa iska fogeeyay dilka wariyaha basle waxay sheegeen in si khaladan ay u dileen xubno ka tirsan sirdoonkooda oo maxkamad qarsoodi ah lasoo taagay, qaarkoodna lagu xukumay dil toogasho ah.


Balse qaramada midoobay ayaa ku eedaysay dawladda sucuudiga in aan lagu kalsoonaan karin xukunka maxkamaddaasi dilka xukuntay maadaama aan loola socon si daahfuran waxaana ay ugu baaqday in sucuudigu hakiyo fulinta xukunkaasi dilka ah.

Categorie: Somalia

Xisbiyada UCID Iyo KULMIYE Oo Ka Hadlay Kulan Ay La Yeesheen Komishanka Doorashooyinka

Somaliland Today - Mer, 19/06/2019 - 19:21

(SLT-Hargeysa)-Kulan ay maanta wada yeesheen guddida doorashooyinka Somaliland iyo xisbiyada UCID iyo KULMIYE ayaa lagaga wada hadlay sidii loo sii wadi lahaa Arrimaha doorashooyinka golayaasha Wakiillada iyo deegaanka oo dabayaaqada sannadkan u qoondaysan inay dalka ka qabsoomaan.

Kulankan ay wada yeesheen gudida doorashooyinka qaranka iyo xisbiyada UCID iyo KULMIYE ayaa markii uu soo dhamaaday waxa warbaahinta si wada jir ah ula hadlay wasiirka wasaaradda arrimaha gudaha ahna guddoomiye ku xigeenka koowaad ee xisbiga talada dalka haya ee KULMIYE Md. Maxamed Kaahin Axmed iyo guddoomiyaha xisbiga mucaaridka ah ee UCID Eng. Faysal Cali Waraabe.

Ugu horaynba waxa halkaa ka hadlay Wasiirka wasaaradda arrimaha gudaha Md. Maxamed Kaahin Axmed, oo sheegay inay gudida doorashooyinku qabteen hawl muhiim ah oo daah furaaya halkii ugu dambaysay ee ay maraysay diiwaangalintii indhaha ee dadka laga qaadayey isla markaana dib u habayn iyo casriyayn ay ku sameeyeen sawirkii indhaha ee doorashada lagu galayey.

Wasiirku wuxuu ka codsaday inay u diyaar garoobaan diiwaangalinta doorashooyinka golayaasha wakiiladda iyo deegaanada ee dalka ka qabsoomaya, isagoo xusay inay ka xisbiyo ahaan ku qanceen gudida doorashooyinka hawlaha ay qabteen una soo bandhigeen.

Dhankiisna guddoomiyaha xisbiga UCID Eng. Faysal Cali Waraabe, oo halkaas ka hadlay ayaa sheegay in galdaloolooyinkii la xidhiidhay arrimaha doorashada wax badan laga qabtay, wuxuuna guddoomiye Faysal xusay in doorashooyinka Somaliland ay marxalado kala duwan soo mareen, imikana ay soo gaadhay meel lagu kalsoonaan karo, wuxuuna guddomiye Faysal u mahad celiyey cidkasta oo gacan ka gaysatay doorashooyinka Somaliland, gaar ahaan dawlada Ingiriiska oo uu tilmaamat inay door laxaad leh ka qaadatay.

Guddoomiyaha xisbiga UCID Eng. Faysal Cali Waraabe, ayaa sheegay inay golayaasha wakiilada iyo deegaanku muddo dhaaf yihiin isla maraakana loo baahan yahay in la bedelo wuxuuna cadeeyey in xisbiga UCID qabanayo codsiyada murashixiinta doonaya inay ka qayb galaan doorashada golayaasha wakiilada iyo deegaanka ee dalka ka qabsoomaysa dhamaadka sannadkan.

Categorie: Somalia

Ciidamada Ilaalada Xeebaha Somaliland Oo Gacanta Ku Dhiggay Doon Iyo Saddex Laash Oo Si Sharci-darro Ah Uga Kalluumaysanayeen Xeebaha Saylac

Somaliland Today - Mer, 19/06/2019 - 19:12

(SLT-Hargeysa)-Ciidamada Ilaalada Xeebaha Somaliland ayaa gacanta ku dhiggay Doon iyo saddex Laash oo ay sheegeen inay si sharci-darro ah uga Kalluumaysanayeen xeebaha Saylac.

Sidoo kale 12 qof oo watay gaadiidkaa ayaa la qabtay, Kalluumaysatadan ayaa u dhashay waddanka Yemen, Halkan hoose ka DAAWO

Categorie: Somalia