Traduci pagina

English French German Italian Portuguese Russian Spanish

Somalia

Guddoomiyaha Maxkamadda Sare oo dhaariyay xubin buuxinaysa jago ka bannaanaatay Golaha Guurtida.

Somaliland Today - Mar, 27/09/2022 - 11:16am

Guddoomiyaha Maxkamadda Sare ee Jamhuuriyadda Somaliland, Aadam X. Cali Axmed, ayaa shalay oo ay taariikhdu ahayd 26/09/2022, dhaariyay Cumar Mukhtaar Ciise Faarax, oo laga bilaabo maanta ka mid noqonaya mudanayaasha Golaha Guurtida JSL.

Xubinta la dhaariyay ayaa buuxiyay, jago uu banneeyay Alle ha u naxariistee marxuum Mukhtaar Ciise Faarax, taasi oo Golaha Guurtidu ay Maxkamadda Sare u soo gudbiyeen, codsi ay ku dalbanayaan in xilkaasi loo dhaariyo, mudane Cumar Mukhtaar Ciise Faarax, si uu u buuxiyo jagada banaanaatay.


Dhaarinta ka dib guddoomiyaha Maxkamadda Sare Aadam Xaaji Cali, waxa uu kula dardaarmay mudanaha in uu qaranka ugu adeego, si daacad ah oo hufan, waxaanu ALLE uga baryay in uu u fududeeyo masuuliyada culus ee loo igmaday.

ALLAA MAHAD LEH

Categorie: Somalia

“Laba golle oo murmay ma qurux badna, xeerkan aad wax iga dhigaysaana ee qoyayna dib ayaanu u daabacan doonaa…” Guddoomiyaha Golaha Guurtida

Somaliland Today - Mar, 27/09/2022 - 11:03am

Guddoomiyaha Golaha Guurtida Somaliland Saleebaan Maxamuud Aadan ayaa ka hadlay, xeerarkii shalay ay dib ugu celiyeen golaha wakiilada ee ku jiray kartoonka, ee xeerka guud ee doorashooyinka Xeer Lr 91/2022 iyo xeerka nidaamka urrurada iyo axsaabta siyaasada ee Xeer Lr 14/2011.


Xeerarkan oo golaha wakiiladu wax ka badal iyo kaabis ku sameyay 19/ September/ 2022, ayaa golaha guurtida losoo gudbiyay 20 September, kadibna sida guurtidu sheegtay 46 xildhibaan oo kasoo horjeeda meel marinta wax ka badalka ayaa dacwad usoo gudbiyay, sidaa darteedna wakiillada ayay dib ugu celiyeen.


Waxa uu sheegay in xeerarka qoyay ay dib u daabacan doonaan.
Waxaanu yidhi.”Laba gole oo murmay ma qurux badna, xeerkan aad wax iga dhigaysaana ee qoyayna dib ayaanu u daabacan doonaa.


Xeerkan sababta aan golahaygabu horkeeni waayayna waa in khilaafka golaha wakillada kala qaybiyay aanu anagana na kala qaybin.


Madaxweynaha waanu u kordhinaynaa ee muddada aanu kordhinayna idinka idin kala tashanmayno”Guddoomiye Saleebaan.

Categorie: Somalia

Ruushka Oo Dhalasho Siiyey Ninkii Faafiyey Sirta Maraykanka

Somaliland Today - Mar, 27/09/2022 - 10:54am

(SLT-Moscow)-Sida lagu sheegay wareegto ka soo baxday xafiiska madaxtooyada ee Ruushka, Madaxweyne Vladimir Putin ayaa dhalashada dalkaas siiyey Edward Snowden oo u shaqayn jiray hay’adaha amniga ee dalka Maraykanka.

Snowden ayaa ka mid noqday 75 qof oo ajaanib ah oo la siiyey jinsiyadda dalka Ruushka, sida lagu sheegay warka ka soo baxay dawladda Ruushka.

Snowden oo ahaa qandaraasle ka tirsan hay’adda Ammaanka Qaranka ee Maraykanka, ayaa tan iyo sannadkii 2013 wuxuu ku noolaa dalka Ruushka, isaga oo ka dhuumanayey inuu u gacan galo saraakiisha Maraykanka, ka dib markii uu faafiyey xogo sir ah oo si faahfaahsan uga hadlaya barnaamijyada basaasnimada ee Maraykanka.

Sannadkii 2020 ayaa Snowden la siiyey deganaansho rasmi ah, isagoo xilligaas sheegay inuu qorshaynayo inuu codsado dhalashada dalka Ruushka, isaga oo aan ka tanaasulin dhalashadiisa Maraykanka.

AP

Categorie: Somalia

“Saleebaan waa siyaasi muddo dheer kursiga dhufays ugu jiray oo raba in uu noqdo madaxweynaha dalka doorasho gaadhsiinaya..”

Somaliland Today - Lun, 26/09/2022 - 5:28pm

Hal iga qor:
Reer Waddani iyo Isbedel-doonka ha iga ambanina, fursad wayn bay inoo tahay soo-celinta Xeerarku xataa haddii uu Golaha Guurtidu sifo sharci ah u soo celiyo. Soo-celinta Wax-ka-bedelka Xeer 14/2011, iyo Xeer 90/2020 marka Guurtidu waddo sharci ah oo ay cod geliyeen u maraan macnaheedu waxa weeyi :
1) In aan doorasho toos oo ururo wax la yidhaa aanu jirayn isla markaana Komishanka aanay waajibaadkiisa ku jirin in la qabto wax la yidhaa doorasho toos ah oo ururada ah.
2) In Golaha Guurtidu aanu u kordhin karin madaxwaynaha muddadiisa 45 maalmood ka hadheen madaama aanay jirin duruufihii dastuuriga ahaa ee lagu kordhin lahaa, heshiisna aan laga gaadhayn arinkaa. Haddii ay ku kacaana ay noqonayso muddo-kordhin sharci-darro ah oo fawdo iyo qas dalka gelisa.
3) In Xisbiyo ku yimi cod dadwayne lagu bedeli karo uun cod dadwayne marka ay helaan doorsshooyinka liisankoodu xaqa u siiyay.
4) In 9 bilood kadib doorashada dhacaysaa ay tahay uun ta Madaxwaynaha ee ay saddexda Xisbi ee hadda jiraa uun ay ku tartamayaan
5) In Ururada waraaqdooda dhaqdhaqaaqu dhacayso 23 Feb 2023 isla markaana aanay haysan cod dadwayne oo ay ku sii jiri karaan iyo Xeer ay ku galaan doorasho toos ah.
6) In Gudoomiye Saleebaan Maxamuud Aadan uu noqonayo Madaxwaynaha dawlada dalka gaadhsiinaysay doorashadda (CARE-TAKER GOVERMENT). Saleebaan oday dhaqmeed ma ahayne, siyaasi dhufays ugu jiray kursigaa MW muddo dheer buu ahaa sidaas baanu Guurtida u joogay ee guurtidu ma ahayn meel uu ku socday. Wuxuu damaciisan u raacayaa distoorka qodobbada 86(1) iyo 89(4) oo ka duulaya fashilka madaxwaynaha haya talada iyo Ku Xigeenkiisa , dastuur-jebintiisa faraha ka baxday, doorasho qaban-waaga iyo muddada 45 maalmood ah ee hadhay.
Sidaa markay tahay dabaaldegyo iyo is hambalyeyn baynu isku Ognahay. Gudoomiye Saleebaana waxaad ku hambalyeysaan inuu yahay Madaxwaynaha Dawladda Doorasho-gaadhida iyo hawsha wacan ee uu ururadii Kulmiyaha niqaaman ahaa uu kaga takhalusay ee uu qabto marka uu sifo sharci oo uu cod-geliyay ku soo celiyo Xeer 14/2011 iyo Xeer 90/2020. Soo-baydha, hooy! hooy!
Allaa Mahad leh
W/Q Xamse Khayre

Categorie: Somalia

Madaxtooyada oo warqad aanay ogayn Golaha Guurtidu u adeegsaday celinta xeerarkii doorashooyinka ee golaha wakiiladu ansixiyeen.

Somaliland Today - Lun, 26/09/2022 - 5:27pm

Madaxtooyada Somaliland ayaa warqad qarsoodi ah oo ay u soo dirtay shirgudoonka Golaha Guurtida u adeegsatay celinta xeerarkii doorashooyinka ee golaha wakiiladu ansixiyeen todobaadkii hore.
Xog rasmiya oo laga helay amarka Madaxtooyada ka yimi ayaa cadaynaya in warqadaas oo OG lagu siiyay shirgudoonka la soo dhexmariyay Guddoomiye ku-xigeenka golahaasi Siciid Jaamac Cilmi iyo Haweenayda ah agaasimaha lacagta ee Guurtida.
Warqada Madaxtooyada ee amarka celinta Xeerkaas ayaan waxba laga waydiin xildhibaanada gole waynaha Guurtida taas oo ah farogalin qaawan oo dastuur jabin ah taas madaxtooyadu ku samaysay golaha odayaasha ee ka madaxa banaana.
Geesta kale qodobada ay Madaxtooyadu u adeegsatay celinta xeerkaas ayaa dhammaantod waxa loo cuskaday warqad ay ku saxeexnayeen Xildhibaano ka tirsan Golaha Wakiilada, warqadaas oo laga been abuurtay Xildhibaano aan saxeexin kuwo kalena laba jeer magacyadooda lagu quray.

Categorie: Somalia

Guddoomiyaha Maxkamadda Sare Ee Somaliland Oo Furay Shir Muhiim Ah

Somaliland Today - Lun, 26/09/2022 - 5:25pm

Guddoomiyaha Maxkamadda Sare ahna Guddoomiyaha Guddida Cadaaladda Jamhuuriyadda Somaliland mudane Aadam Xaaji Cali Axmed oo shirka furay, waxa kala soo qayb galay oo kalmadana ka jeediyay shirka, Wasiir Ku Xigeenka Wasaaradda Arrimaha Gudaha Cabdilaahi Xuseen Maxamed, Guddoomiyaha Guddida Xuquuqul Insaanka Qaranka Maxamed Baaruud, Guddoomiyaha Guddida Maamul Wanaaga Liibaan Ismaaciil Buraale, Agaasimaha Guud ee Wasaaradda Dastuurka iyo Xidhiidhka Golayaasha Deeqa Cabdi Yuusuf, Agaasimaha Guud ee Wasaaradda Cadaaladda Ismaaciil Saleebaan Maxamed (Bawkax), Agaasimaha Guud ee Amniga ee Wasaaradda Arrimaha Gudaha Ibraahin Cali, Ku Xigeenka ahna ku simaha Xeer-ilaaliyaha Guud ee Qaranka Axmed Mire, Guddoomiyaha Ururka Qareennada (SOLLA) Xasan Cabdilaahi Cawaale iyo Guddoomiyaha Guddida Dib-u-eegista Shuruucda Maxamuud Xuseen Faarax.

Ujeedada shirkan oo socon doona muddo shan cisho ah ayaa lagu gorfeyn doonaa guulihii iyo caqabadihii ka dhashay wajigii hore oo muddo saddex sanno ah soo socday, waxaanay xeel-dheerayaasha ka kala socda hay’adaha kala duwan ee dawladda, Midowga Yurub iyo Hay’adda Qaramada Midoobay u qaabilsan horumarinta barnaamijyada ee UNDP ay lafa-guri doonaan arrimaha gundhiga u ahaa guulihii laga gaadhay mashaariicdaa iyo hadday jiraan caqabado ka ratibmay sidii looga gudbay. Geesta kale waxay ku falan-qayn doonaan qorshaha wajiga cusub ee Garsoorka, Cadaaladda iyo Amniga (Joint Rule of Law Program) waxaanay diiradda ku saari doonaan sida wajiga cusub ee barnaamijku noqon doono, iyagoo qorsheyn doona khariiradda muddadaasi ay barnaamijyadu raaci doonaan.

Ugu horayn Guddoomiyaha Maxkamadda Sare ee Jamhuuriyadda Somaliland oo shirka furay ayaa tibaaxay ahmiyada ay leedahay balaadhinta wada shaqaynta ha’adahan, waxaanu hoosta ka xarriiqay in mashaariicdan horumarineed ee Midowga Yurub ku maal-galiyo Somaliland ay muhiim u yihiin dhanka kobcinta iyo tayaynta hay’adaha ku taxaluqa sharciga iyo kala dambaynta (Rule of law).

Guddoomiyuhu waxa uu ku dheeraaday ahmiyada ay leedahay in aynu innagu ka Qaran ahaan qaabaysanno barnaamijyada aynu u baahanahay in la inanga taageero si loogu saleeyo baahiyaheenna, waxaanu uga mahad-celiyay hay’adaha dawladda ee sare ku xusan sida qiimaha leh ee ay u guteen waajibaadkii ka saarnaa ka midho dhallinta barnaamijyadan saldhiga u ah daboolida baahiyaha kala duwan ee ka jira bah-wadaagtan ay kulmiso barnaamijyada la xidhiidha Garsoorka, Cadaaladda, Xuquuqul Insaanka. (Rule of law and security). Ugu danbaynna waxa uu dalalka qaadhaan-bixiyayaasha u soo jeediyay in dalka Somaliland uu xaq-u-leeyahay helida taageeradda caalamiga, sida ay u helaan dalalka Somaliland dhiggeeda ahi.

Furida kadib waxa shirka ka hadlay masuuliyiinta sare ku xusan waxaanay ku dheeraadeen ahmiyadda ay leedahay in muwaadiniinta dalkani u fikiraan isla markaana la qaabeeyaan qaadhaan-bixiyayaasha barnaamijyada dalkani u baahan yahay, si ay iskula jaan-qaadaan qorshaha horumarinta Qaranka iyo Barnaamijyadan la xidhiidha Garsoorka, Cadaaladda iyo Amniga (Rule of law and security). Waxaanay si gaar ah farta ugu fiiqeen, sida looga faa’iiday wajigii hore iyo meelaha wajigan cusub awoodda lagu saari doono. Gunnaanadkiina waxay u mahad-celiyeen dalalka Somaliland ka taageera dhanka horumarinta iyo hay’adaha caalamiga ah ee wada shaqaynta wanaagsan ka dhexayso. Wajiga labaad ee barnaamijkan iyo arrimaha awooda lagu saarayo ayaa qorshahoodu ka soo bixi doonaa shirkan muddada shanta cisho ah u socon doona khubarada ka socda hay’adaha kala duwan ee Dawladda iyo kuwa caalamiga ah.

Allaa mahad leh.

Ibraahim Maxamed Cali

Madaxa Waaxda Warbaahinta Maxkamadda Sare.

Categorie: Somalia

Caalimkii weynaa ee Sheekh Yuusuf Al-Qardaawi oo geeriyooday

Somaliland Today - Lun, 26/09/2022 - 12:51pm

Allah ha u naxariistee waxa hadda geeriyooday Caalimkii weynaa ee Sheekh Yuusuf Al-Qardaawi, sida ay baahisay Warbaahinta Aljazeera.


Sheekha ayaa ka mid ahaa culimadii ugu saamaynta badnayd Caalamka Islaamka isaga oo qoray kutub aad u badan. Sidoo kale wuxuu si weyn uga hadli jiray arrimaha ka taagan Dunida Islaamka.


Sheekh ayaa geeriyooday maanta oo Isniina xilli da’diisu ahayd 96 sano.

Categorie: Somalia

Mareykanka Oo Jawaab Kulul Ka Bixiyay Hanjabaada Ruushka Ee Adeeegsiga Nukliyeerka.

Somaliland Today - Lun, 26/09/2022 - 10:51am

Maraykanka ayaa uga digay Ruushka “Cawaaqib xumada” ka dhalan karta, haddii uu hubka nukliyeerka u isticmaalo dagaalka uu ka wado dalka Ukraine, sidaas waxaa sheegay Jake Sullivan, la taliyaha amniga qaranka ee madaxweyne Joe Biden oo warbaahinta la hadlay.

Sullivan oo marti ku ahaa barnaamijka bandhigga toddobaadka ee telefiishanka ABC ayaa sheegay in saraakiisha Maraykanku ay si gaar ah ugu sheegeen dhiggooda Ruushka, in madaxweyne Biden “uu si cad uga jawaabi doono” haddii madaxweynaha Ruushka Vladimir Putin uu amro weerar nukliyeerka ah, laakiin ma aanu sheegin sida uu Maraykanku uga jawaabi doono.

Jawaabta Maraykanka ayaa timid ka dib markii madaxweyne Putin uu muujiyey suurtagalnimada weerar nukliyeer ah, ka dib markii uu toddobaadkii hore dib ugu yeedhay illaa 300,000 oo ah ciidamada kaydka ah, si ay gacan uga geystaan dagaalka toddobada bilood ka socda dalka Ukraine.

Kordhinta ciidamadan ayaa timid, ka dib markii Ruushku uu dib u dhac kala kulmay furimaha dagaalka, iyada oo ciidamada Kyiv ay dib u qabsadeen dhul ballaaran oo ku yaalla Woqooyiga Bari ee Ukraine, oo Ruushku uu qabsaday toddobaadyadii hore ee dagaalka.

Dibadbaxyo ballaaran oo looga soo horjeedo baaqa dib ugu yeedhista ciidamada kaydka ah ee Putin ayaa ka dhacay dalka Ruushka, iyada oo boolisku ay xabsiga u taxaabeen boqolaal dibadbaxayaal ah oo ku sugnaa caasimadda Ruushka ee Moscow iyo magaalooyin kale oo dalkaas ah.

Categorie: Somalia

Mulkiilaha Dugsiga Abaarso Oo Diinta Islaamka Qaatay

Somaliland Today - Lun, 26/09/2022 - 9:58am

Johanathan Starr oo ah aasaasaha Dugsiga Abaarso ee ku yaal galbeedka Hargaysa iyo Jaamacadda Barwaaqo ee Hargeysa ayaa qaatay diinta Islaamka.

Starr oo muddo dheer madax ka ahaa Dugsiga Abaarso, isla markaana dhawaan as aasay jaamacada Barwaaqo ee hablaha u gaar ka ah, ayaa shahaadada loogu qabtay masaajid ku yaala dalka Maraykanka.

“Waxaanu ku kulanay maqaaxi, wuxuu igu yidhi waxan rabaa in aan ku waydiiyo su’aalo Islaamka ku saabsan, kadibna waxan ku idhi i waydii, shalay ayay isaga iyo adeerkii makhaayadii iigu yimaadeen, kadibna wuxu yidhi waxan rabaa in aan shahaadada qaato” wadaadkii shahaadada u qabtay ayaa sida yidhi.

Dadka dhaliila Dugsiga Abaarso ayaa aaminsanaa in Starr uu yahay nin u jeedo kale ka leh waxbarashada uu bixiyo, oo faafinaya fikrado ka dhan ah diinta Islaamka, waxaana la odhan jiray wuxuu ardayda baraa gaalnimo.

Hadaba, waalidiinta caruurtoodu wax ka bartaan dugsigan ayaa Starr markasta ka difaaci jiray eedaha loo soo jeediyo, iyagoo dacwado ka gudbiyay Cabdimaalik Muuse Coldoon oo ku doodi jiray in Starr uu gaalnimo caruurta baro, Coldoon ayaa hada ku jira xabsiga Hargaysa.

Ardayda wax ka barata dugsigan ayaa ku dooda in Starr iyo macalimiinta dugsigan wax ka dhigtaa anay marnaba lasoo hadal qaadin qadiyad diimeed.

Categorie: Somalia

“4ta Gobol Ee Aan Qabsanay Nukliyeer Ayaan Ku Ilaalineynaa…” Wasiirka Arrimaha dibadda Ruushka

Somaliland Today - Dom, 25/09/2022 - 6:50pm

Wasiirka Arrimaha dibadda Russia ayaa ku gooddiyay in ay Nukliyeer adeegsan doonaan haddii Ukraine ay isku daydo in ay weerarto afarta Gobol ee ay ka socoto aftida ay ku doonayaan inay ku biiraan Ruushka.

Waxaa uu Sergey Lavrov, ka sheegay Shirka Qaramada midoobey in Reer Galbeedka doonayaan in ay Ruushka tirtiraan taasina ayna aqbaleyn oo ay is difaaci doonaan.

“4ta Gobol ee aan qabsanay Nukliyeer ayaan ku ilaalineynaa” ayuu yidhi Wasiirka Arrimaha dibadda Russia oo wajigiisa laga arki kara cadhada ay u qabaan reer Galbeedka taageerada la garab taagan Ukraine oo wali aan is dhiibin.

Si kastaba, Madaxa Midowga Yurub u qaabilsan siyaasadda arrimaha dibadda ayaa sheegay in Midowga Yurub inay indhaha ka qarsan doonin hanjabaadda halista ah ee ka imaaneysa madaxda Ruushka ee ah in dagaalka Ukraine u adeegsan doono hubka Nukliyeerka.

Categorie: Somalia