Traduci pagina

English French German Italian Portuguese Russian Spanish

Somalia

Guddoomiyaha Xisbiga WADDANI Oo La Shaaheeyay Dadweynaha Reer Burco

Somaliland Today - Sab, 21/05/2022 - 8:20am

(SLT-Burco)-Guddoomiyaha Xisbiga WADDANI MD Xirsi Cali Xaaji Xasan ayaa saaka qaar ka mid ah dadweynaha Burco kula shaaheeyay miiska siyaasadda lagu falanqeeyo ee maqaaxida shaaha ee Cirro.

Guddoomiyaha iyo bulshada ayaa si qoto dheer isaga xaal waraystay siyaasadda iyo xaaladda guud ee dalka, islamarkaana si kal furan isu waydaarsaday kaftan siyaasadeed iyo qorshaha xisbiga ee doorashada Madaxtooyada 13 Nov.

Guddoomiyaha waxa wehelinayay xoghaye ku xigeenka xisbiga MD Jamaal Jaamac Xaamud, Xoghayaha Amniga MD Ibraahin Ducaale Boos, Xoghayaha biyaha MD Bashiir Cumar Geelle, xildhibaanno ka tirsan golaha deegaanka iyo masuuliyiin kale.

Categorie: Somalia

Somaliland Oo Xidhay Wiil U Dhashay Dalka JABUUTI Oo Mucaarid Adag Ku Ahaa Madaxweyne Geelle Iyo Cabsi Laga Qabo In Loo Gacan-geliyo Dawladda Jabbuuti

Somaliland Today - Sab, 21/05/2022 - 8:07am

(SLT-Gabiley)-Arreh Souleiman Aouled Arreh, oo si weyn u dhaliili jiray madaxweynaha Jabbuuti Ismaaciil Cumar Geelle, ayaa lagu xidhay Gabilay.

Muuqaal uu soo duuubay ayuu Arreh, kaga codsaday shacabka Somaliland in laga hortago in dawladda Jabbuuti loo gacan geliyo.

Arreh, ayaa asal ahaan ka soo jeeda Jabbuuti, balse beryahan dambe waxa uu ku sugnaa gobolka Gabilay isagoo Face Book-giisa soo gelin jiray muuqaallo uu ku codsanayo in Geelle, xukunka ka dego.

Dad reer Somaliland ee baraha bulshada wax ku qora ayaa si weyn uga soo hor-jeestay xadhiga Arreh Souleiman Aouled Arreh iyaga xukuumadda Somaliland uga digay in loo gacan-geliyo dawladda Jabuuti.

Somalilandtoday/Gabiley/Office

Categorie: Somalia

“Midnimada, wadajirka, iyo wax wada lahaanshaha Somaliland waxan u arkaa in ay ku jirto midnimada Burco…” Cali Guray

Somaliland Today - Ven, 20/05/2022 - 9:23pm

Hore waan u sheegay hadana waan sheegayaa: midnimada, wadajirka, iyo wax wada lahaanshaha Somaliland waxan u arkaa in ay ku jirto midnimada Burco. Ilaahayna sida roon ha waafajiyo.

Madaxwayne Muuse ka hor intii aanu dhamaanin sanadkii hore wuxu inoo sheegay in sadex doorasho ay dalka ka qabsoomayaan, sida ay u kala horeeyaana loo kala qabanayo oo mid walba ay wakhtigeeda ku qabsoomi doonto. Maanta mid lama hadal hayo labadii kale in ay mid ahaani qabsoomi iyo in labaduba ay meesha ka wada bixi ayaa werwerka ugu wayni yahay. Hadii doorashada keliya ee la isla wada ogol yahay wax ka dhiman oo wakhti ahayni jirin ay qabsoomi waydo ru kale oo ka horaysa ama ka dambaysa oo qabsoomi kartaana ma jirto.  Markaa madaxwayne Muuse ayay hadda kubbadu la taal in uu dalka ka badbaadiyo khilaaf siyaasadeed oo meel uu inala gaadhi aan la garanayn iyo god madow ku ridi talada Somaliland labadaa mid uun bay noqon eh aan sugno inta  meel cad uu isu keen taagayo.

W/Q Mujaahid Cali Maxamed Yuusuf (Cali Guray)

Categorie: Somalia

Muhaajiriintii ugu horreeyey ee laga soo celinayo UK oo la keenayo Rwanda

Somaliland Today - Ven, 20/05/2022 - 12:45pm

Qeybtii ugu horreysay oo ah dad magangalyo doon ah oo laga soo qaadayo dalka UK, taasi oo qeyb ka ah heshiis muran badan dhaliyey, ayaa la filayaa inay yimaadaan dalka Rwanda toddobaadyada soo socda, sida ay sheegeen saraakiil sare oo ku sugan Kigali.

Tan iyo markii lagu dhowaaqay bishii tagtay, heshiiska u ogolaanaya Britain inay muhaajiriinta iyo dadka magan-galyo doonka ah usoo dirto Rwanda ayaa waxaa si aad ah u cambaareeyey kooxaha xuquuqda aadanaha, mucaaradka labada dal iyo xitaa QM.

Sida ku cad heshiiska, dowladda Britain ayaa qof kasta oo si sharci-darro ah kusoo gala UK, iyo sidoo kale kuwii ku yimid sharci-darrada tan iyo 1-dii Janaayo, waxay usoo diri doontaa Rwanda.

War-saxaafadeed uu soo saaray Khamiistii ayaa Alain Mukuralinda oo ah ku-xigeenka afhayeenka dowladda Rwanda ku yidhi “Dowladda UK waxay nagu wargelisay in qeybtii ugu horreysay oo ah koox ka kooban 50 qof loo sameyn doono dib u dejin, waxaana rajeyneynaa inaan war ka helno saaxiibadeena UK toddobaadyada soo socda.”

Sida ay sheegeen mas’uuliyiinta Rwanada, dowladda Britain ayaa illaa $157 milyan siin doonta Rwanda, islamarkaana muhaajiriinta ayaa “lagu dhex dari doonaa bulshooyinka kala duwan ee dalkaas.”

Kooxaha u dooda xuquuqda aadanaha ayaa qorshahan ugu yeeray “wax ka baxsan bani’aadaminimada.”

Hase yeeshee Ra’iisul Wasaaraha Britain Boris Johnson ayaa sheegay in Rwanda ay tahay “mid ka mid ah dalalka ugu amniga badan dunida.”

Madaxweynaha Rwanda Paul Kagame ayaa sidoo kale difaacay qorshaha isaga oo sheegay in Kagali “aysan ka ganacsaneyn dadka,” markii ay saxiixay hehsiiskan.

Categorie: Somalia

Khasaaraha ka dhashay dab xooggan oo xalay ka kacay suuq ku yaalla Magaalada Muqdisho

Somaliland Today - Ven, 20/05/2022 - 10:14am

(SLT-Muqdisho)- Waxaa xalay wakhti dambe lagu guuleystay daminta dab xooggan oo ka kacay goobo ganacsi oo ku yaala Isgoyska Banaadir ee magaalada Muqdisho, kasoo geystay khasaare badan.

Dabka oo muddo dhowr saacadood ah socday ayaa si weyn ugu faafay goobaha ganacsiga ee ku yaala Isgoyska Banaadir, walow dadaalo badan oo ay sameyeen shaqaalaha gurmadka deg dega ah ay u suurta gashay iney damiyaan dabka.

Dab damis kala duwan iyo ciidamada amaanka oo gaadhay goobta oo dabka kacay oo inta badan ay ku yaalaan xarumo ganacsi oo u badan Dukaano, Carwooyin iyo Makiinado lagu shiido Saliid Macsarada.

Cabdiqani Dhaloole oo ah agaasimaha gurmadka deg dega ah ee gobalka Banaadir ayaa sheegay in dabka uu sababay dhaawacyo soo gaadhay qaar ka mid ah shaqaalaha dab damiska.

“Qaar ka mid ah shaqaalihii ku mashquulsanaa inay dabka damiyaan ayaa dhaawacyo kala duwan oo fudfudud ay soo gaadheen waana dhaawac la maareyn karo oo ma aha wax culeys keeni kara” ayuu yidhi Cabdiqani Dhaloole.

Xaawo Axmed waxay ka mid aheyd dadka ganacsiga ku lahaa suuqa gubtay waxayna sheegtay in hantidii halkaasi u taalay ay wax yar uga badbaaday.

“Wax yar oo aan waxbo ahayn, dhar yar ayaan hadda meel geynay oo kaga nimid , waana calalo yaryar oo meeshan hore yaallay gudaha lamaba galin waa basbeelay” ayay tidhi Xaawo Axmed.

Wali lama xaqiijin khasaaraha rasmiga ah ee ka dhashay dabka kacay, hayeeshee shaqaalaha gurmadka deg dega iyo maamulka gobolka Banaadir ayaa sheegay in ay wadaan baadhitaan ku aadan baaxadda khasaaraha ka dhashay dabka iyo waxa sababay, islamarkaana dib ay kasoo sheegi doonaan.

Categorie: Somalia

Guusha Xasan Sheekh Oo Soo Afjartay Saameyntii Iyo Awooddii Afwerki Ee Geeska Afrika?

Somaliland Today - Gio, 19/05/2022 - 9:42am

(SLT-Addis Ababa)-Doorashada madaxweynaha cusub ee Soomaaliya Xasan Sheekh Maxamuud ayaa la filayaa inay soo afjarto awooddii madaxweynaha Eritrea Isaias Afwerki ee Geeska Afrika.

Afwerki ayaa 2018-kii wuxuu heshiis saddex geesood ah oo amni la galay madaxweynihii hore ee Soomaaliya Maxamed Cabdullaahi Farmaajo iyo raysal wasaaraha Ethiopia Abi Ahmed Ali.

Heshiiskaas oo markii hore xogtiisa la qariyey ayaa waxaa xilli dambe soo baxday in ujeedkiisu ahaa weerarkii lagu qaaday gobolka Tigray ee Ethiopia, halkaasi oo ay maamulaan kooxda cadaawadu ka dhaxeyso Afwerki ee TPLF, si Abiy loogu qabto.

Waxaa sidoo kale ku jiray in Itoobiyaanka iyo Eraitrean-ka ay Farmaajo ka taageeraan inuu qabsado Soomaaliya, hase yeeshee waxaa taas fashiliyey iska caabintii ciidanka Badbaado Qaran iyo guuldarradii uu Abiy kala kulmay Tigray-ga.

Weerarka uu Abiy ku qaaday gobolka, ayaa waxaa sidoo kale la ogaaday inay ku lug lahaayeen qaar ka mid ah ciidamada Soomaaliya ee uu Farmaajo tababarka ugu diray Asmara.

Omar Mahmood, oo ah khabiirka ururka xasaradaha caalamiga ah ee ICG u qaabilsan Soomaaliya, ayaa sheegay in heshiiskaas uu hadda yahay “mid ka kooban kaliya laba dhinac” marka uu ugu wanaagsan yahay, haddiiba aanu dhiman.

“Inkasta oo Hasan Sheekh aanu dooneyn inuu fogeeyo Eritrea, haddana waxaan ku raacsanahay in Isaias uu lumiyey saaxiib uu ku lahaa Muqdisho,” ayuu yidhi Tobias Hagmann oo xidhiidhka caalamiga ah ka dhiga Jaamacadda Roskilde University ee dalka Denmark.

“Xulufada Eritrea mar walba wa kuwo fursad gaad ah oo cimri gaaban, waxaana Afwerki uu mar horeba billaabay inuu xidhiidh la yeesho Amxaarada Ethiopia ee dagaalka kula jiray Tigrayga tan iyo bishii November ee 2020,” ayuu yidhi Hagmann.

Guuldarrada Farmaajo ayaa waxaa soo dhaweeyey Kenya oo ay marar badan isku dhaceen maamulkiisa.

Mehari Taddele Maru, oo ah taxliiliye ka tirsan Jaamacadda European University Institute ee magaalada Florence ee Talyaaniga ayaa u arka doorashada Xasan Sheekh mid “guul weyn u ah Soomaaliya iyo Geeska Afrika” oo xiisad lagu geliyey heshiiska saddex geesoodka.

Ra’iisul Wasaaraha Ethiopia Abiy Ahmed ayaa Xasan Sheekh ugu hambalyeeyey guushiisa, wuxuuna sheegay inuu xiiseynayo inuu kala shaqeeyo danta labada dal iyo tan gobolka.

Categorie: Somalia

SOMALILAND Oo Sannadkan Si Weyn Looga Xusay 18-ka May

Somaliland Today - Gio, 19/05/2022 - 9:26am

(SLT-Hargeysa)-Xuska sannnad-guuradii 31aad ee ka soo wareegtay markii Somaliland xornimadii ka luntay dib ula soo noqotay 18-kii May 1991-kii ayaa maanta si weyn looga xusay Gobolada iyo degmooyinka Somaliland.

Dadweynaha reer Somaliland ee ku nool gobollada iyo degmooyinka dalka ayaa sannadkan si weyn uga qayb-qaatay xuska 18-ka may, Halkan hoose ka DAAWO muuqaalada gobollada iyo degmooyinka dalka

Categorie: Somalia

“Muuse Biixi Wuxuu Samaystay Somaliland Gaar Ahe Xuduudeeda Ha Inoo Soo Sheego…” Faysal Cali Waraabe

Somaliland Today - Gio, 19/05/2022 - 9:03am

(SLT-Hargeysa)-Guddoomiyaha xisbiga mucaaradka Somaliland ee UCID Faysal Cali Waraabe, ayaa si wayn uga biyo diiday furista urrurada siyaasada, isaga oo sheegay in furistoodu ay baabiinayso xisbiyada mucaaradka ee hada jira.

Faysal oo taageerayaasha mucaaradka kala hadlayay fagaara, ay ugu dabaaldegayeen munaasiba 18 May, ayaa sheegay in ka mucaarad ahaan ayna marnaba aqbalayn furista urrurada siyaasada.

“Maantana waxay keeneen in ay yidhaahdaan waan idin baabiinaynaa oo urruro yar yar, ayaanu soo saaranaynaa, maynu ka yeelaa, doorashada la sasabi maayo, Ina Biixi miyaanu sasabnaa waryaadaheen, miyaynu ka baqayna walaalayaal, waar waad qabanaysa hadii kale waad iska tagaysa” ayuu yidhi Faysal.

Faysal ayaa ku andacooday in Madaxweyne Biixi uu baadhis aan haboonayn galiyay guddida doorashooyinka, isla markaana uu qaar kamid ah guddida u sheegay in ay is casilaan.

“Koomiishankeeni ayuu baadhis galiyay, ma koomiishan la yidhaa hebalow iscasil ayaad aragtay, ma waxad aragtay wasiir hebalow xisbi ayaan kuu soo saarayaaye iscasil, Muuse Biixi wuxuu samaystay Somaliland gaar ahe xuduudeeda ha inoo soo sheego” ayuu yidhi Faysal.

Xisbiyada mucaaradka Somaliland, ayaa kasoo horjeeda qorshe ay xukuumadu ku doonayso in ay doorashada urrurada ku qabato doorashada madaxweynaha kahor.

Categorie: Somalia

Madaxweynaha Somaliland oo ka shacabka kala qaybgalay Xus Ballaadhan oo loo sameeyey Munaasibadda Qaran ee 18-Ka May.

Somaliland Today - Mer, 18/05/2022 - 3:41pm

(SLT-Hargeysa)-Madaxweynaha Jamhuuriyadda Somaliland, Mudane Muuse Biixi Cabdi, ayaa maanta shacabka caasimadda Hargeysa kala qaybgalay munaasibad ballaadhan oo lagu xusayey 31-guurada  kasoo wareegtay 18-ka May oo ah maalintii ay Jamhuuriyadda Somaliland xorriyaddeeda dib ula soo noqotay.

Munaasibadda lagu    qabtay barxadda fagaaraha, ayaa waxa madaxweynaha kala qaybgalay shirguddoonka labada gole, guddoomiyaha maxkamadda sare, xildhibaanno, xubno kamid ah golaha wasiirrada, wufuud kala duwan oo dalalka deriska iyo  dunida uga timi ka qaybgalka munaasibadda,taliyeyaasha ciidamada, ururrada bulshada,  siyaasiyiin iyo haldoor bulshada kamid ah iyo marti-sharaf kale, waxana fagaaraha lagu soo bandhigay mahrajaanno xiiso badan oo lagu muujinayo maalinta qarannimada ee 18-ka May.

Qaybaha kala duwan ee bulshada ah, bahda waxbarashada, degmooyinka caasimadda, kooxaha Sports-ka ee Hargeysa oo ku lebbisan calanka Jamhuuriyadda Somaliland, ayaa fagaaraha koox koox u maray, kuwaas oo ay ka muuqatay shucuur waddaniyadeed.

Cutubyo kala duwan  oo kamid ah ciidamada kala geddisan ee qaranka oo agabkooda ciidan u dhammaystiran yahay, ayaa iyo gaaddo-ka-ciyaar xirfadi ka muuqato goobta kusoo bandhigay, kuwaas oo shucuur waddaniyadeed iyo qiiro geliyey shacabkii waddooyinka kala duwan ee caasimadda ka daawanayey iyo masuuliyiintii madaxweynuhu u horreeyey ee xuska ku sugnaa.

Sidoo kale, waxa ay ciidamada kala duwan ee dalka Jamhuuriyadda Somaliland goobta kusoo bandhigeen gaadiid kala geddisan oo casri ah, kuwaas oo ay kamid ahaayeen gaadiidka kaarayaasha iyo noocyada kale ee hubka culculus xambaara, kuwaas oo ay ciidamadu kaga hortagaan cadowga dalka.

Madaxweynaha Jamhuuriyadda Somaliland, Mudane Muuse Biixi Cabdi oo shacabka u jeediyey khudbad dhinacyo kala duwan taabanaysa, ayaa ugu horrayn bulshada reer Somaliland meel ay joogaanba ugu hambalyey munaasibadda qaran ee 18-ka May, waxana  uu si qoto dheer uga sheekeeyey sababihii keenay inay Somaliland go’aansato inay aayaheeda dib uga tashado oo ay xorriyaddeeda qaadato iyo halgankii midho dhalay ee shacabku u galeen sidii looga xoroobi lahaa rijiimkii macangegga ahaa ee  muddada dheer lala halgamayey.

Madaxweynuhu waxa uu sheegay in dawladnimada Somaliland ku timi rabitaan shacab, kuna tashadeen inay qaran buuxa dhistaan, kana mid noqdaan dawladaha dunida ka jira ee Dimuqraaddiga ah.

Dhallinyarada reer Somaliland, ayuu madaxweynuhu si mug leh waano iyo waxsheeg waayeelnimo ugu jeediyey, waxana uu ku boorriyey inay waqtigooda ka faa’iidaystaan, dalkooda dhistaan, aqoonta ay bartaanna dalkooda iyo dadkooda uga faa’iideeyaan, xilna iska saaraan sidii ay dhulkooda wax ugala soo bixi lahaayeen.

Madaxweyne Muuse Biixi Cabdi,  waxa uu bulshada reer Somaliland, ugu baaqay inay  u diyaargaroobaan isbeddelka cimilo ee dunida oo dhan saameeyey, isaga oo ku waaniyey inay wax ka beddelaan qaabkii hore ee ay u noolaan jireen, si ay isbeddelka ula jaanqaadaan.

Madaxweynaha Jamhuuriyadda Somaliland, Mudane Muuse Biixi Cabdi waxa uu hoosta ka xarriiqay inay Somaliland tahay qaran astaantiisu tahay nabadda iyo wax wada-qabsiga, deris-wanaagguna tiir-dhexaad u yahay, waxana uu yidhi,“Waxa inoo Mabd’a ah oo siyaasaddeenna lagu unkay oo lagu bilaabay inaynu Bani’aadamka Ilaahay meel kasta oo ay joogaanba aynu nabadgelino oo aynu wax la qabsanno, inagoo ka bilaabayna jaararkeena, Geeska iyo caalamka oo dhan.”

Ugu dambayntii madaxweynuhu waxa uu shacabka ugu baaqay inay midnimadooda iyo wada-jirkooda ka shaqeeyaan, horumarkooda iyo dib-u-dhiska dalkoodana muhiimad gaar ah siiyaan.

Wa-bilaahi Tawfiiq

Categorie: Somalia

Finland iyo Sweden oo si rasmi ah u codsaday ku biirista NATO xilli ay waajahayaan diidmada Turkiga

Somaliland Today - Mer, 18/05/2022 - 3:34pm

Finland iyo Sweden ayaa si rasmi ah maanta u codsaday inay xubno ka noqdaan gaashaanbuurta NATO, hase yeeshee waxay waajahayaan diidmada dalka Turkey.

Go’aanka Finland iyo Sweden oo dhex-dhexaad ka ahaa dagaalkii qaboobaa ay ugu biirayaan NATO, ayaa ah mid ka mid isbeddeladii ugu muhiimsanaa ee ku yimaada naqshadda amni ee Yurub muddo tobanaan sano ah.

“Tani waa daqiiqad taariikhi ah, oo ay tahay inaan ka faa’iideysano,” waxaa sidaas yidhi xoghayaha guud ee NATO Jens Stoltenberg oo ka hadlay munaasabad ay safiirada dalalkan ku gudbiyeen codsiga oo ka dhacday xarunta NATO ee Brussels.

“Waxaan si diiran usoo dhoweynayaa codsiyada Finland iyo Sweden ay ugu biirayaan NATO. Waxaad tihiin saaxiibadeena ugu dhow, islamarkaana ku biiristiina NATO waxay kordhin doontaa amniga aan wadaagno,” ayuu yidhi.

Si kastaba, labadan dal ayaa waajahaya bilo hubanti la’aan ah oo ay tahay inay ka guuleystaan iska caabinta ka dhanka ah codsigooda, ayada oo ay qasab tahay in dhammaan 30-ka dal ee xubnaha ka ah NATO ay ogolaadaan.

Turkey ayaa maalmihii dhowaa muujisay sida ay uga soo horjeedo xubinnimada Sweden iyo Finland, ayada oo sheegtay in labadan dal ay gabbaad siiyaan shakhsiyaad xidhiidh la leh urur argagixiso, ayna sidoo kale cunaqabateyn hub saareen Ankara kadib duulaankii ay ku qaaday Syria 2019.

Stoltenberg ayaa maanta sheegay inuu rumeysan yahay in arrimahan la xalin karo.

“Waxaa naga go’an inaan ka shaqeyno dhammaan arrimahan oo aan gaadhno go’aan deg deg ah,” ayuu yidhi Stoltenberg.

Madaxweynaha Turkey Recep Tayyip Erdogan ayaa ugu baaqay xubnaha NATO inay ixtiraamaan walaacyada Ankara ay ka qabto labadan dal, wuxuuna ku hanjabay inay xanibi doonaan codsiga xubunnimadooda, haddii aanay fulin dalabyadooda.

Ankara ayaa dooneyso in Sweden ay soo masaafuriso xubnaha ka tirsan kooxda PKK ee dalkaas ka dagaalanta oo ay u aqoonsan tahay urur argagixiso.

Categorie: Somalia

TOOS U DAAWO Xuska 18-ka May Somaliland

Somaliland Today - Mer, 18/05/2022 - 6:22am
Nikki
Categorie: Somalia

“Madaxweyne Riyaale Rajiimkii Ayuu Kamid Ahaa,Haddii Uu Riyaale Na Casuumo, Waxaan U Arkayay Inuu Sun Na Siinayo….” Dib U Xasuuso Hadalladii Muuse Biixi Intii Aanu Madaxweynaha Noqon

Somaliland Today - Mar, 17/05/2022 - 7:55pm

(SLT-Hargeysa)- Madaxweynaha Somaliland Muuse Biixi Cabdi ayaa hore u sheegay inuu kamid ahaa dhibaatooyinkii haystay ee ay ka socon weyday Xukuumaddii Madaxweyne Riyaale, waxaanu fagaare ka sheegay inuu kamid ahaa caqabadii diidanaa inay hore u socoto Dawladii Madaxweyne Daahir Riyaale Kaahin.

Madaxweynaha uu hadda muddo xilleedkiisii sii dhammaayo ee Muuse Biixi oo cahdigii Dawladi Madaxweyne Riyaale kamid ahaa xubnihii mucaaradka ku ahaa Madaxweyne Riyaale ee diidanaa xukunkiisa ayaa waxa kamid ahaa haddaladii taariikhda gallay ee uu jeediyey kuwan:-” Dhibaatooyinkii haystay Madaxweyne Riyaale Waxay ahayd inta aan kow ka ahay annigu ,sabab laba waddo ayaanu kale haynay , isagu wuxuu ahaa nin rajiimkii hore ah oo weliba qoladii nabad sugida ah, anna waxaan ahaa qoladii jabhada,haddii mar wax na siinayo sun ayaan u arkaayey.”ayuu yidhi Muuse Biixi wakhti hore.

Dhanka kalene Muuse Biixi ayaa intaas ku sii darray “Waxa uu igu duxay maalintii uu xilka la wareegayey ayaa waxa uu u hadlay sidii Madaxweyne la doortay,waxaan idhi waar niyow ma indhahaygaa mise inanka yari sidan ayuu u wanaagsanaa ,illaa maalintii ayaan lahaa waar malaa haddii la iimaansan lahaa oo aan laga boodin yarku muxuu ahaa iyo xaguu inagaga yimi,wax baddan ayuu qaban lahaa..” ayuu yidhi Biixi.

Categorie: Somalia