Tagikistan

Раиси Ҷумҳурии Мардумии Чин Президенти Ҷумҳурии Тоҷикистонро ба форуми «Як камарбанд, як роҳ» даъват намуд

Ховар - 4 ore 29 min fa

ДУШАНБЕ, 24.04.2019. /АМИТ «Ховар»/. Раиси Ҷумҳурии Мардумии Чин (ҶМЧ) Си Ҷинпин Президенти Ҷумҳурии Тоҷикистон муҳтарам Эмомалӣ Раҳмонро ба саммити форуми дуюми «Як камарбанд, як роҳ», ки 25-27 апрели соли равон дар шаҳри Пекин баргузор мешавад, даъват намуд. Дар ин бора АМИТ «Ховар» бо истинод ба гуфтаҳои Вазири корҳои хориҷии Ҷумҳурии Мардумии Чин Ван И, ки рӯзи ҷумъа зимни нишасти матбуотӣ эълон дошт, хабар медиҳад.

Форуми дуюми байналмилалӣ, ки ба ташаббуси «Як камарбанд, як роҳ»-и Чин  бахшида шудааст, моҳи апрели соли 2019 дар ҶМЧ баргузор мешавад. Дар ин бора ҳанӯз соли гузашта Раиси ҶМЧ Си Ҷинпин зимни суханрониаш дар саммити Созмони ҳамкории иқтисодии Осиё ва ҳавзаи уқёнуси Ором дар пойтахти Папуа-Гвинеяи нав изҳор дошт.

«Форуми дуюми ташаббуси «Як камарбанд, як роҳ» моҳи апрели соли оянда дар Пекин баргузор мегардад. Мо иштирокдорони доираҳои соҳибкорони минтақаи Осиё ва ҳавзаи уқёнуси Оромро ба он даъват менамоем», —  гуфта буд ӯ.

Си Ҷинпин ҳамчунин таъкид кард, ки дар доираи ин ташаббус Чин бо 140 кишвари дунё ва созмонҳои байналмилалӣ санадҳои ҳамкорӣ имзо кард. «Ин майдони бох барои ҳамкорӣ мебошад. Он барои ҳеҷ гуна рӯзномаи геополитикии пинҳонӣ таъсис наёфтааст ва бар зидди касе низ равона нашудааст», — зикр намуда буд ӯ.

Раиси ҶМЧ ҳамчунин афзуда буд, ки Чин барои ҳамкорӣ бо ҳама дар доираи ташаббуси «Як камарбанд, як роҳ» омода аст ва ин «на клуби пӯшида ва на дом аст, тавре баъзеҳо мегӯянд».

Ташаббуси роҳбарияти Чин «Як камарбанд, як роҳ» лоиҳаҳои «Камарбанди иқтисодии Шоҳроҳи абрешим» ва «Шоҳроҳи абрешими баҳрии асри XXI»-ро, ки моҳи сентябри соли 2013 пешбарӣ шуда буданд, дарбар мегирад. Он баимзорасонии ёддоштҳои тафоҳуми дуҷонибаро оид ба ҳамкорӣ бо давлатҳои воқеъ дар хатсайрҳои нақлиётии Авруосиё (аллакай 40 санад ба имзо расидааст),ки қад-қади онҳо «долонҳои рушди иқтисодӣ» бунёд мешаванд, пешбинӣ мекунад.

Форуми якуми «Як камарбанд, як роҳ» моҳи майи соли 2017 дар Пекин баргузор гардида буд. Дар он сарони 29 давлат ва ҳукумат, инчунин роҳбарони созмонҳои бонуфузи байналмиалӣ иштирок намуданд.

Тавре АМИТ «Ховар» бо истинод ба изҳороти вазири корҳои хориҷии Чин хабар медиҳад, тақрибан сарони 40 давлат ва ҳукумат дар форуми дуюми «Як камарбанд, як роҳ» иштирок менамоянд.

«Форуми дуюми «Як камарбанд, як роҳ» чорабинии муҳими байналмилалӣ дар соли равон дар Чин мегардад. Дар он сарони 37 давлат ва ҳукумат иштирок хоҳанд кард», — иттилоъ дод Ван И.

Ба гуфтаи ӯ, дар кори форум директор-маъмури Хазинаи байналмилалии асъор Кристин Лагард ва дабири кулли СММ  Антониу Гутерриш низ ширкат меварзанд.

Ван И иттилоъ дод, ки барномаи форум хеле пурмуҳтаво хоҳад буд: 25 апрел 12  ҳамоиши мавзӯӣ ва конфронс, 26 апрел маросими тантанавии ифтитоҳ ва вохӯриҳои сатҳи олӣ, 27 апрел ҷаласаи умумии роҳбарони давлатҳо  баргузор хоҳанд шуд. Чорабиниҳои форум таҳти раёсати Раиси ҶМЧ Си Ҷинпин, ки дар маросими ифтитоҳ суханронӣ мекунад ва натиҷаҳои онро дар фарҷом ҷамъбаст менамояд, баргузор мегарданд.

Илова бар ин, Си Ҷинпин ҳамроҳ бо ҳамсараш Пэн Лиюан барои меҳмонони олимақом зиёфати расмӣ меороянд.

Вазири корҳои хориҷии Чин ҳамчунин иттилоъ дод, ки дар форуми имсола бо даъвати Раиси ҶМЧ, аз ҷумла, сарони давлатҳои Тоҷикистон, Россия, Покистон, Қазоқистон, Австрия, Озарбойҷон, Беларус, Чехия, Миср, Юнон, Венгрия, Италия, Монголия, Филиппин, Сербия, Сингапур, Таиланд ва Амороти Муттаҳидаи Араб  иштирок хоҳанд кард.

Categorie: Tagikistan

Сарвазири мамлакат Қоҳир Расулзода аз рафти татбиқи лоиҳаи навсозии шоҳроҳи Душанбе-Бохтар дидан кард

Ховар - 8 ore 45 min fa

ДУШАНБЕ, 24.04.2019. /АМИТ «Ховар»/. Имрӯз дар асоси супориши Асосгузори сулҳу ваҳдати миллӣПешвои миллат, Президенти Ҷумҳурии Тоҷикистон муҳтарам Эмомалӣ Раҳмон Сарвазири мамлакат Қоҳир Расулзода аз рафти татбиқи лоиҳаи навсозии шоҳроҳи ДушанбеБохтар дидан карда, дар ноҳияи Хуросон як зумра  иншоотро мавриди баҳрабардорӣ қарор дод.

Навсозии шоҳроҳи Душанбе-Бохтар айни замон дар ду марҳила идома дорад.Марҳилаи аввал 33,2 километр ва марҳилаи дуюм бошад 39,6 километрро дар бар гирифта, баъди татбиқи лоиҳа, роҳ аз категорияи «III»-юм ба категорияи «1-Б» гузаронида мешавад. Паҳноии роҳ аз 16 то 25 метрро ташкил медиҳад.

Мутаасифона дар татбиқи лоиҳаи сохтмону навсозии шоҳроҳи Душанбе-Бохтар ба сохтмончиён муйясар нагардидааст, ки нақшаи пешбинишударо иҷро кунанд.

Дар робита ба ин, Сарвазири мамлакат аз масъулин талаб намуданд, ки ҷараёни корҳои сохтмониро дар ин иншооти муҳим тезонанд. Зеро бо идома ёфтани чунин ҳолат наметавон шоҳроҳи мазкурро дар муҳлати муайяншуда бо сифати баланд ва ҷавобгӯ ба талаботи замон  мавриди баҳрабардорӣ қарор дод.

Дар идомаи сафар Сарвазири мамлакат дар ноҳияи Хуросони вилояти Хатлон сутунпояи Парчам, Нишони давлатӣ ва бинои Маркази адлияро мавриди баҳрабардорӣ қарор гирифтанд6.

Баландии сутунпояи Парчами давлатии Ҷумҳурии Тоҷикистон 47 метр буда,  он  паҳноӣ 7 метр паҳноӣ  ва 14 метр дарозӣ дорад.

Баландии нишони давлатӣ  24 метрро ташкил медиҳад.

Гирду атрофи рамзҳои давлатӣ ободу зебо  гардонида шуда, ба як макони зебову замонавӣ барои сайру гашт  ва фароғати сокинону меҳмонони ноҳияи Хуросон табдил ёфтааст.

Рамзҳои  давлатии Ҷумҳурии Тоҷикистон дар заминаи сиёсати созандаи Асосгузори сулҳу ваҳдати миллӣ Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бунёд гардид.

Фармоишгари бинои маъмурии Маркази адлия  Вазорати адлияи Ҷумҳурии Тоҷикистон ва пудратчии он  ҶДММ «Хатлон»  мебошад.

Иншооти мазкур аз ду ошёна иборат буда, дар он барои фаъолияти  кормандон шароити замонавӣ  фароҳам оварда шудааст.

Пас аз ба истифода супоридани бинои маъмурии Маркази адлия ба чанд ҷуфт навхонадорон шаҳодатномаи ақди никоҳ ва ба тифлакони хуштолеъ шаҳодатномаи таваллуд супорида шуд.

Сарвазири мамлакат  таъкид намуданд, ки кормандони соҳа вазифадоранд, ки  бо истифода аз шароити муосир барои мутобиқ ба талаботи замон ба мардум хизмат расонанд.

Вусъат ёфтани раванди созандагиҳо ва мавриди истифода қарор гирифтани иншооти гуногун дар асоси дастгирии роҳбарияти давлату Ҳукумати мамлакат дар доираи омодагиҳо ба ҷашни 30 -солагии Истиқлолияти давлатии Ҷумҳурии Тоҷикистон сурат мегирад.

Categorie: Tagikistan

Таъкиди дубораи Раиси Маҷлиси Бузурги Миллии Туркия дар мавриди рондани аъзоёни созмони террористии наҳзат аз хоки Туркия

Ховар - 9 ore 52 min fa

ДУШАНБЕ, 24.04.2019 /АМИТ «Ховар»/. Чунон ки қаблан иттилоъ додем, Вазири корҳои хориҷии Ҷумҳурии Тоҷикистон Сироҷиддин Муҳриддин дар доираи муносибатҳои дӯстии Тоҷикистону Туркия бо даъвати ҷониби Туркия дар шаҳри Анқара қарор дошт.

Дар доираи сафар 22 апрели соли 2019 мулоқоти ҳайати Тоҷикистон бо роҳбарии Вазири корҳои хориҷии Ҷумҳурии Тоҷикистон бо Раиси Маҷлиси Бузурги Миллии Туркия Мустафа Шентоп баргузор гардид.

Дар  ҷараёни мулоқот доираи васеи масъалаҳои муносибатҳои ду кишвар, аз  ҷумла ҳамкориҳои байнипорлумонӣ мавриди баррасӣ қарор гирифтанд. Ҷонибҳо аз ҳамкориҳои дуҷониба ва байналмилалии порлумонҳои Тоҷикистон ва Туркия ёдовар шуда, онро бахши муҳими ҳамкориҳои дуҷониба ва бисёрҷониба ва заминаи мусоид барои густариши бештари  ҳамкориҳои гуногунҷанба арзёбӣ карданд.

Раиси Парлумони Туркия Мустафа Шентоп зимни мулоқот бори дигар таъкид намуд, ки ки ҳамкорӣ миёни Тоҷикистон ва Туркия дар самти мубориза бар зидди ташкилотҳои террористӣ дар сатҳи зарурӣ қарор дошта, Ҳукумати Тоҷикистон ҷиҳати пешгирии амалҳои ташкилоти мамнӯи Фатҳуллоҳ Гӯлен чораҳои дахлдор андешидааст.

Дар ин росто Раиси маҷлис бори дигар изҳор намуд, ки аъзоёни созмони террористии Ҳизби наҳзати исломӣ, «Гурӯҳи 24» дигар созмонҳои террористи бинобар алоқамандӣ ба терроризм ва экстремизм аз қаламрави Туркия ихроҷ карда шудаанд.

Ҷаноби Мустафа Шентоп дубора зикр намуд, ки душмани Тоҷикистон душмани ашадии Туркия ва мардуми он мебошад. Ӯ омодагии мақомоташро дар мавриди муборизаи давомдор бо созмонҳои террористӣ зикр намуд.

Categorie: Tagikistan

Байни Асосиатсияи сохтмончиёни Тоҷикистон ва Ассотсиатсияи ширкатҳои сохтмонии Урдун ҳамкорӣ ба роҳ монда мешавад

Ховар - 10 ore 8 min fa

ДУШАНБЕ,24.04.2019/АМИТ «Ховар»/. Байни  Асосиатсияи  сохтмончиёни Тоҷикистон ва Ассотсиатсияи ширкатҳои сохтмонии Шоҳигарии Ҳошимии Урдун Ёддошти тафоҳум оид ба ҳамкорӣ ба имзо расид. Имзои санади мазкур хамкории  иморатсозони Тоҷикистону  Урдунро  тақвият бахшида, барои  дар оянда рушд ёфтани он шароити мусоид фароҳам меорад.

Аз Кумитаи давлатии  сармоягузорӣ ва идораи амволи  давлатии Ҷумҳурии Тоҷикистон ба АМИТ «Ховар» иттилоъ доданд, ки   ин санади ҳамкорӣ  дар доираи сафари ҳайати соҳибкорон ва аъзои Ассотсиатсияи ширкатҳои сохтмонии Шоҳигарии Ҳошимии Урдун ба Тоҷикистон, ки аз 15 то 21 апрели соли равон сурат гирифт,  ба имзо расид.

Ёдовар мешавем, ки ҳадафи сафари  аъзои Ассосиатсияи  ширкатҳои сохтмонии Шоҳигарии  Ҳошимиии Урдун ба Тоҷикистон  ба роҳ мондани робитаҳои мустақим бо ширкатҳои ватанӣ, табодули таҷриба дар соҳаи  меъморӣ ва татбиқи лоиҳаҳои муштараки сохтмонӣ арзёбӣ мегардад.

Тибқи  иттилои манбаъ, зимни сафар ба Тоҷикистон  ҳайати соҳибкорону намояндагони Ассосиатсияи ширкатҳои сохтмонии Шоҳигарии  Ҳошимии Урдун бо роҳбарияти кумитаҳои давлатии сармоягузорӣ ва идораи амволи давлатӣ, сохтмон ва меъморӣ, Ассотсиатсияи сохтмончиёни Тоҷикистон ва як зумра  ширкатҳои сохтмонии ҷумҳурӣ мулоқот анҷом дода, аз ҷараёни корҳои сохтмонӣ дар иншооти аз ҷониби  ширкатҳои ватанӣ бунёдшаванда боздид намуданд.

Categorie: Tagikistan

ҲУШДОРИ IRS: дар рӯзҳои боронӣ дучанд эҳтиёткор бошед!

Ховар - 10 ore 43 min fa

ДУШАНБЕ, 24.04.2019 /АМИТ «Ховар»/. Рӯзҳои охир  дар ҷумҳурӣ  боришоти шиддатноки  борон ба мушоҳида мерасад, ки  дар натиҷа офатҳои табиӣ ба  вуқӯъ  пайваста,  боиси расидани хисороти ҷиддӣ ба соҳаҳои гуногуни мамлакат, аз ҷумла, роҳҳои мошингард  мегардад.  Дар ин рӯзҳо дар шоҳроҳи Душанбе – Чаноқ, ки қисмати зиёди он аз минтақаи кӯҳистон мегузарад, хавфи   фаромадани сангпораҳо, омадани сел, лағжиши тарма ва кӯҳпора вуҷуд доранд.

Тавре сардори Маркази матбуоти филиали Ширкати саҳомии «Инновейтив Роуд Солюшнз ЛТД»  дар Ҷумҳурии Тоҷикистон Далери Абдулло ба хабарнигори  АМИТ «Ховар» изҳор дошт, тибқи огоҳии  Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ва Агентии ҳавошиносии  ҷумҳурӣ  чунин вазъи  номусоиди ҳаво дар қаламрави мамлакат то охири моҳи апрел боқӣ мемонад. Аз ин рӯ,  давоми ин рӯзҳо дар  масири роҳи Душанбе – Чаноқ  хавфи омадани сел ва лағжиши тарма зиёд аст. Кормандони  филиали Ширкати саҳомии «Инновейтив Роуд Солюшнз ЛТД»  дар Ҷумҳурии Тоҷикистон баҳри бартарафсозии оқибатҳои офатҳои табиӣ, ҷиҳати  ба ҳолати аввала баргардонидани қитъаҳои селшустаи роҳ, соҳилмустаҳкамкунӣ ва дигар корҳои ба ин раванд вобаста  тадбирҳои зарурӣ меандешанд.

Тибқи иттилои номбурда, чунин вазъият бештар дар минтақаҳои Варзоб, Зарафшон ва Суғд ба мушоҳида расида, селе, ки дар натиҷаи бориши пуршиддати борон  ба амал меояд, ба баъзе қитъаҳои роҳ зарари ҷиддӣ мерасонад. Илова ба ин, ҳамасола дар минтақаи Зарафшон сатҳи оби дарёчаҳои кӯҳӣ бамаротиб баланд шуда, аксар маврид хавфи зери об мондани баъзе мавзеъҳои роҳро ба вуҷуд меорад.

«Бо дарназардошти вазъияти баамаломада, аз тарафи роҳбарияти филиали Ширкат баҳри пешгирии пайомадҳои ногувори офати табиӣ  чораҳои зарурӣ амалӣ  шуда истодаанд. Намояндагиҳои филиали Ширкат аз лаҳзаҳои аввали рух додани офатҳои табиӣ  кормандон, техникаву механизмҳои заруриро баҳри пешгирӣ ва бартараф намудани он  сафарбар намуда, рисолати хешро дар сатҳи хубу сифати баланд ба ҷой оварда истодаанд. Дар  ин робита  аз шаҳрвандон эҳтиромона хоҳиш менамоем, ки ҳангоми  ҳаракат дар роҳи Душанбе – Чаноқ эҳтиёткору дақиқназар бошанд ва дар сурати ба мушкил мувоҷҷеҳ шудан  тариқи  шумораи телефони 487011020 бо кормандони ширкат  тамос гиранд.  Кормандони ширкат  ҳатман ба  кумаки чунин ашхос шитофта, мушкили онҳоро осон  хоҳад кард», — афзуд Д.Абдулло.

Categorie: Tagikistan

Рустами Эмомалӣ президенти нави Ассотсиатсияи футболи Осиёи Марказӣ интихоб шуд

Ховар - 11 ore 6 min fa

ДУШАНБЕ, 24.04.2019 /АМИТ «Ховар»/. Президенти Федератсияи футболи Тоҷикистон Рустами Эмомалӣ дар Конгреси  навбатии Ассотсиатсияи футболи Осиёи Марказӣ (CAFA — Central Asian Football Association), ки имрӯз дар шаҳри Душанбе баргузор гардид, президенти нави CAFA интихоб шуд. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.

«Акнун қароргоҳи CAFA ба пойтахти Тоҷикистон — шаҳри Душанбе мекӯчад»,- иттилоъ доданд аз ФФТ.

Анҷумани навбатии Ассотсиатсияи футболи Осиёи Марказӣ дар меҳмонхонаи Ҳайят Реҷенсии шаҳри Душанбе баргузор гардида, дар он  коршиносони сатҳи байналмилалӣ иштирок  намуданд.

Тавре аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон изҳор доштанд, баъди Президенти Федератсияи футболи Тоҷикистон интихоб гардидани Рустами Эмомалӣ дар соҳаи футболи тоҷик тағйироти куллӣ ба миён омад. Сохта ба истифода додани садҳо майдончаҳои хурду бузурги варзишӣ, татбиқи барномаи рушди футболи маҳаллӣ, дастгирии футболбозони наврасу ҷавони миллати тоҷик ва ғолибияти дастаҳои якачини футболи тоҷик дар мусобиқаҳои сатҳи байналмилалӣ натиҷаи заҳматҳои Президенти Федератсияи футболи Тоҷикистон мебошанд.

«Рустами Эмомалӣ натанҳо дар самти рушди тарбияи ҷисмонӣ ва варзиш ҷавонону варзишгаронро дастгирӣ менамояд, балки ӯ ҳамеша ғамхору дастгири ҷавонони  мамлакат буда, соли 2017 сарпарастии тамоми чорабиниҳои Соли ҷавононро бар уҳда дошт»,- афзуд  манбаъ.

Ёдовар мешавем, ки Ассотсиатсияи футболи Осиёи Марказӣ зерсохтор ва ассотсиатсия дар Конфедерасияи футболи Осиё буда, футболро дар кишварҳои Осиёи Марказӣ  назорат мекунад. Ассотсиатсия мазкур  10 июни соли 2014 ташкил шуда, расман 9 январи соли 2015 ба фаъолият шурӯъ кардааст. Ба ин Ассотсиатсия федератсияҳои футболи Афғонистон, Эрон, Қирғизистон, Тоҷикистон, Туркманистон ва Ӯзбекистон шомил мебошанд.

Categorie: Tagikistan