Birmania - Myanmar

မွန်ပြည်နယ်၊ ကျိုက်ထိုမြို့နယ်၊ အင်္ဂဘိုကျေးရွာအနီး ရန်ကုန်-မော်လမြိုင်ကားလမ်းပေါ်မှာ မေ ၂၁ ရက် မွန်းလွဲ ၁၂ နာရီခွဲလောက်က  စစ်ကောင်စီယာဉ်တန်းကို လက်နက်ကြီးနဲ့ သွားရောက်ပစ်ခတ်တိုက်ခိုက်ခဲ့တယ်လို့ ကျိုက်ထိုတော်လှန်ရေး အင်အားစုက DVB ကို ပြောပါတယ်။

ပဲခူးတိုင်း၊ ဝေါမြို့နယ်ကနေ ကျိုက်ထိုဘက်ကို ဆင်းလာတဲ့ ကားအစီး ၃၀ လောက်ပါတဲ့ စစ်ကောင်စီယာဉ်တန်းကို ကရင်အမျိုးသားလွတ်မြောက်ရေးတပ်မတော် KNLA ၊ PDF ပူးပေါင်းအဖွဲ့က လက်နက်ကြီးနဲ့ ပစ်ခတ်တိုက်ခိုက်ခဲ့တာ ဖြစ်ပါတယ်။

လက်နက်ကြီး ပစ်ခတ်တိုက်ခိုက်ခံရတာကြောင့် စစ်ကောင်စီ ကားတစ်စီး လက်နက်ကြီး ထိမှန်ပြီး လမ်းဘေးထိုးကျသွားခဲ့ပြီး ထိခိုက်သေဆုံးတဲ့ အခြေအနေ အသေးစိတ်ကို မသိရသေးဘူးလို့ ကျိုက်ထိုတော်လှန်ရေး အင်အားစု တာဝန်ရှိသူ တစ်ဦးက ပြောပါတယ်။

စစ်ကောင်စီယာဉ်တန်းကို လက်နက်ကြီးနဲ့ ပစ်ခတ်တိုက်ခိုက်ပြီးနောက် ကရင်အမျိုးသားလွတ်မြောက်ရေးတပ်မတော် KNLA ပူးပေါင်းအဖွဲ့က ထိခိုက်မှု တစ်စုံတစ်ရာ မရှိဘဲ အောင်မြင်စွာ ဆုတ်ခွာနိုင်ခဲ့တယ်လို့ ဆိုပါတယ်။

စစ်ကောင်စီယာဉ်တန်း တိုက်ခိုက်ခံရပြီးနောက် လက်နက်ကြီး၊လက်နက်ငယ်တွေနဲ့ ရမ်းသန်းပစ်ခတ်တိုက်ခိုက်ခဲ့သလို လက်နက်ကြီးထိမှန်တဲ့ ကားရှိ စစ်ကောင်စီတပ်သားတွေကို တခြားကားတစ်စီးနဲ့ တင်ဆောင်ပြီး မောင်းနှင်းသွားတာမြင်ခဲ့ရတယ်လို့ ဒေသခံတွေက  ပြောပါတယ်။

ပစ်ခတ်မှုပြီးနောက် ကျိုက်ထိုမြို့အခြေစိုက် စစ်ကောင်စီတပ်ကလည်း လမ်းသွားလမ်းလာတွေကို ပိတ်ဆို့ ရှာဖွေ စစ်ဆေးခဲ့ပါတယ်။

စစ်ရေးတင်းမာနေတဲ့ ကရင်အမျိုးသားအစည်းအရုံး(ကေအန်ယူ) တပ်မဟာ(၁) ထိန်းချုပ်နယ်မြေ ကျိုက်ထိုမြို့နယ်မှာတော့ စစ်ကောင်စီယာဉ်တန်းတွေ မကြာခဏ ကြားဖြတ်တိုက်ခိုက်ခံရနေရသလို အဲဒီတိုက်ခိုက်မှုတွေအတွင်း စစ်ကောင်စီဘက်က အထိနာနေတာ ဖြစ်ပါတယ်။

မွန်ပြည်နယ်၊ ရေးမြို့နယ်မှာ မေလ ၂၁ ရက် မနက် ၉ နာရီလောက်က လေပြင်းတိုက်ခတ်လို့ လူနေအိမ်သွပ်မိုးတွေပျက်စီးပြီး  နယ်စပ်ဒေသတိုင်းရင်းသားလူငယ်များဖွံ့ဖြိုးရေးကျောင်းရှိ အုတ်တံတိုင်းတွေ ပြိုကျပျက်စီးခဲ့တယ်လို့ ဒေသခံတွေက ပြောပါတယ်။

မွန်ပြည်နယ်အတွင်း လေပြင်းတိုက်ခတ်မှုကြောင့် မော်လမြိုင်၊ ပေါင်၊ ချောင်းဆုံ ၊ မုဒုံ၊ ရေး စတဲ့ မြို့နယ်တွေမှာ လူနေအိမ်တွေ။ ဘာသာရေးအဆောက်အအုံတွေ၊  ကျန်းမာရေးဆေးပေးခန်းနဲ့ စာသင်ကျောင်းတချို့ပါ ထိခိုက်ပျက်စီးခဲ့ပြီး ထိခိုက် ဒဏ်ရာရသူ ၂ ဦး လည်းရှိတယ်လို့ လူမှုကူညီကယ်ဆယ်ရေးသမားတွေက ပြောပါတယ်။

ရခိုင်ပြည်နယ်မှာ  မေလ ၂၁ ရက်  ဒီနေ့ မွန်းလွဲ ၁၂ နာရီ ကျော်လောက်က မိုးသက်လေပြင်းတိုက်ခတ်လို့  စစ်ဘေးရှောင်စခန်းတွေမှာ လူနေအိမ် ၂၀၀ ကျော်လောက် ပျက်စီးသွားတယ်လို့  စခန်းတာဝန်ခံတွေနဲ့ ဒေသခံတွေထံက သိရပါတယ်။

လေပြင်းတွေကြောင့် ဘူးသီးတောင်မြို့ရှိ လမ်းမကျောင်းစစ်ဘေးရှောင်စခန်း၊ မြတောင်စစ်ဘေးရှောင်စခန်းနဲ့ ရန်အောင်မြေ စစ်ဘေးရှောင်စခန်းက လူ နေအိမ် ၅၀ ကျော် ပြိုပျက်သွားခဲ့တယ်လို့  မြို့ခံတယောက်ဖြစ်တဲ့ ရခိုင့်ဦးဆောင်ပါတီ ( AFP)  ပါတီဝင် မောင်သာဖြူက ပြောပါတယ်။

“လေပြင်းကြောင့် စစ်ဘေးရှောင်စခန်းတွေက လူနေအိမ် ၅၀ ကျော်လောက်ပျက်စီးသွားတယ်။ စစ်ဘေးရှောင်နေအိမ်တွေက လေပြင်းတိုက်လို့မပြိုရင်လည်း အားလုံးပြုပြင်ရမယ့် အနေထားတွေမှာရှိတယ်။ နှစ်တွေလည်းကြာပြီ။  ဒီနေအိမ်တွေကလည်း ကိုယ်ထူကိုယ်ထ ဆောက်ထားကြတာ။”

မြောက်ဦးမြို့နယ်ရှိ စင်းဘောကိုင်းစစ်ဘေးရှောင်စခန်းမှာလည်း လေပြင်းတိုက်ခတ်လို့ လူနေဆောင် ၄၀ ကျော် ပြိုပျက်သွားခဲ့တယ်လို့ စခန်းတာဝန်ရှိသူတွေထံက သိရပါတယ်။

အလားတူ ကျောက်တော်မြို့ရှိ ညောင်ချောင်းစစ်ဘေးရှောင်စခန်းနဲ့ မဟာမုနိစစ်ဘေးရှောင်စခန်း ရှိနေအိမ် ၁၀၀ ကျော်လောက် ပျက်စီးသွားတယ်လို့ စခန်းတာဝန်ရှိသူတဦးက ပြောပါတယ်။

“မဟာမုနိစစ်ဘေးရှောင်စခန်းမှာ အရင် လေပြင်းတိုက်လို့ ပြုလုပ်ထားတဲ့နေအိမ်တွေပါ ပြိုပျက်သွားတာတွေရှိတယ်။ ညောင်ချောင်စခန်းက နေအိမ်တွေက အိုဟောင်းနေတော့ အပြိုအပျက်များပါတယ်။”

ပြီးခဲ့တဲ့ ဧပြီလ ၂၀ ရက်ကလည်း လေပြင်းတွေ တိုက်ခတ်သွားလို့ မြောက်ဦး စစ်ဘေးရှောင်စခန်း၊ ကျောက်တော်ရှိ မဟာမုနိစစ်ဘေးရှောင်စခန်းနဲ့ ညောင်ချောင်း စစ်ဘေးရှောင်စခန်းတို့မှ လူနေဆောင် ၂၀၀ ကျော် ပျက်စီးသွားခဲ့ပါတယ်။

လက်ရှိ လူနေအိမ်တွေပျက်စီးသွားပြီး ပြန်ဆောက်လုပ်ဖို အကူအညီလိုအပ်နေတဲ့ စစ်ဘေးရှောင်စခန်းတွေကတော့ စစ်တွေ၊ မင်းပြား၊ ကျောက်တော်၊ ပုဏ္ဏားကျွန်း ၊မြောက်ဦး၊ ဘူးသီးတောင်က စခန်းတွေဖြစ်ကြပါတယ်။

မန္တလေးမြို့၊ ပြည်ကြီးတံခွန်မြို့နယ်၊ မြဝတီမင်းကြီးလမ်း ၆၁ လမ်းနဲ့ ၆၂ လမ်းကြားရှိ မြို့နယ် တရားရုံးရှေ့မှာ မေလ ၂၁ ရက် မနက် ၁၁ နာရီကျော် က ဗုံးပေါက်ကွဲမှုဖြစ်ခဲ့ပါတယ်။

ပြည်ကြီးတံခွန်မြို့နယ်တရားရုံးဝင်းရှေ့ရှိ ညောင်ပင်ဘေးမှာ လက်လုပ်မိုင်းတစ်လုံး ပေါက်ကွဲခဲ့ တာဖြစ်ပြီး အဆောက်အအုံ ထိခိုက်ပျက်စီးတာမရှိသလို  လူထိခိုက် ဒဏ်ရာရတာ မရှိဘူးလို့ သိရ ဒေသခံတွေထံက သိရပါတယ်။

“ဒီနေ့က ရုံးပိတ်ရက်ဖြစ်တော့ လူတော့ မရှိဘူး။ ဒါကြောင့် ထိခိုက်တာတွေ ဘာတွေမရှိဘူး။ တရားရုံးရှေ့မှာလည်း အတားအဆီးတွေတော့ လုပ်ထားတယ်။” လို့ ရှေ့နေတယောက်က  ပြောပါတယ်။

ဗုံးပေါက်ကွဲမှုဖြစ်တဲ့ ပြည်ကြီးတံခွန်မြို့နယ်တရားရုံးအနီးမှာ ပြည်ကြီးတံခွန်မြို့မစခန်းရှိတာ ကြောင့် အရပ်ဝတ်လက်နက်တချို့ လာရောက်စစ်ဆေးတာတွေ လုပ်ခဲ့ကြပါတယ်။

ပြည်ကြီးတံခွန်မြို့မစခန်းဟာလည်း မကြာခဏ ဗုံးနဲ့ ပစ်ခံရတာ၊ သေနတ်နဲ့ ပစ်ခံရတာတွေ ဖြစ်တာ ကြောင့် စခန်းရှေ့လမ်းမှာ  Slow Down တွေလုပ်ထားပါတယ်။

ရခိုင်ပြည်နယ်၊ ကျောက်ဖြူမြို့နယ်မှာ မေလ ၂၁ ရက် ဒီ နေ့လယ်  ၁၂ နာရီကျော်လောက်က မိုးသက်လေပြင်းတိုက်ခတ်လို့ ငါးဖမ်းစက်လှေတချို့နစ်မြုပ်ခဲ့သလို  မြေပုံမြို့နယ်မှာလည်း ခရီးသည်တင်စက်လှေ (လိုင်းဘုတ်) တစီးနစ်မြုပ်ခဲ့တယ်လို့ ဒေသခံတွေထံက သိရပါတယ်။

င/ပသုန်ကျေးရွာ အုပ်ချုပ်ရေးမှူး ဦးအောင်ဘော်ကြီးက “ င/ပသုန် လိုင်းဘုတ်နဲ့ ငါးဖမ်းဘုတ်တချို့ နှစ်မြုတ်တာမှန်ပါတယ်။ လိုင်းဘုတ်က လူအသေအပျောက်မရှိပါ။ အားလုံး ကယ်ဆယ်လို့ရလိုက်ပါတယ်။ ငါးဖမ်းဘုတ်တချို့ပျောက်နေတယ်။ ဖုန်းအဆက်အသွယ်လုပ်ပြီး လိုက်ရှာနေကြဆဲပါ” လို့ ပြောပါတယ်။

ငါးဖမ်းစက်လှေတွေဟာ မိုးသက်လေပြင်းမိပြီး နောင်တော်ကြီး နောင်တော်ငယ်မြစ်မှာ နှစ်မြုပ်ခဲ့တာဖြစ်ပြီး ကယ်ဆယ်ရေးအချိန်မီ ပြုလုပ်နိုင်ခဲ့ကြတာကြောင့် ခရီးသည်တွေ အသက်အန္တရယ်ကင်းရှင်းခဲ့ကြတာလို့ သိရပါတယ်။

ပင်လယ်ပြင်မှာလည်း  ငါးဖမ်းစက်လှေတချို့ နစ်မြုပ်တာရှိတယ်လို့ သတင်းတွေထွက်နေပေမဲ့ အတည်ပြုလို့တော့ မရနိုင်သေးပါဘူး။

လက်ရှိ အဆက်အသွယ်မရဖြစ်နေတဲ့ ငါးဖမ်းစက်လှေတွေ တစီးနဲ့တစီး အချိတ်အဆက်ပြုလုပ်ပြီး လိုက်လံရှာဖွေနေကြဆဲဖြစ်တယ်လို့လည်း  သိရပါတယ်။

မန္တလေးမြို့က စက်သုံးဆီဆိုင်ကြီးတချို့မှာ အခုရက်ပိုင်း စက်သုံးဆီ ပြတ်တောက်နေတယ်လို့ မန္တလေးမြို့ခံတွေထံက သိရပါတယ်။

တချို့ဆီဆိုင်တွေမှာ 92 အမျိုးအစား စက်သုံးဆီသာရပြီး တချို့ဆီဆိုင်တွေမှာ 92 ရော 95 အမျိုးအစား စက်သုံးဆီပါ မရှိတော့တာကြောင့် ခေတ္တ အရောင်းရပ်နားထားကြတယ်လို့ သိရ ပါတယ်။ 

လက်လီရောင်းချတဲ့ ဆိုင်ကြီးတွေမှာ စက်သုံးဆီပြတ်တောက်မှု အနည်းငယ်ရှိလာပြီဖြစ်သလို ဈေးနှုန်းကလည်း မြင့်တက်လက်စဖြစ်နေတဲ့အတွက် မန္တလေးက အငှားယာဉ် မောင်းသူတွေဟာ အခက်အခဲကြုံတွေ့နေရပါတယ်။

မန္တလေးမြို့နေ အငှားယာဉ်မောင်းတစ်ဦးက”ကားသမားတွေဘက်ကလည်း ဆီဖိုးအတွက်ပဲ ကုန်နေရသလို ဖြစ်နေတယ်လေ”လို့ ပြောပါတယ်။

မန္တလေးမြို့တွင်းမှာတော့ ပြီးခဲ့တဲ့ နှစ်ရက်လောက်ကတည်းက စက်သုံးဆီပြတ်တောက်နေတာဖြစ်ပြီး ဆီဆိုင်ဝန်ထမ်းတချို့ကို မေးမြန်းရာမှာ စက်သုံးဆီကား မဝင်သေးတဲ့အတွက် မရရှိသေးကြောင်းနဲ့ ဘယ်အချိန်မှာ စက်သုံးဆီရရှိမယ် ဆိုတာကိုလည်း မသိဘူးလို့ဆိုပါတယ်။ 

စက်သုံးဆီရရှိတဲ့ဆိုင်တွေမှာတော့ ဆီပန့်ကောင်တာကို အနည်းငယ်စီသာဖွင့်လှစ်ထားပြီး ဆီရောင်းချပေးနေတာကြောင့် ဆီထည့်လိုတဲ့ ယာဉ်တချို့ တန်းစီစောင့်‌ဆိုင်းနေကြရပါတယ်။

လတ်တလောမှာ စက်သုံးဆီဈေးနှုန်း ကြီးမြင့်နေတဲ့အပြင် စက်သုံးဆီပြတ်တောက်မှု ပိုမို ဆိုးဝါး လာပါက သယ်ယူပို့ဆောင်ရေး ရပ်တန့်သွားမယ်လို့ အငှားယာဉ်မောင်းသူတွေက ပြောပါတယ်။ လတ်တလောမှာ ခရီးသည် သယ်ယူပို့ဆောင်တဲ့ကားတွေ၊လိုင်းကားတွေ အခက်အခဲ ဖြစ်လာ တယ်လို့ သိရပါတယ်။

စက်သုံးဆီဈေး ဆက်လက်မြင့်မားနေပြီး စက်သုံးဆီ ပြတ်လပ်မှု အခြေအနေတွေ ပိုဆိုးလာပါက မှောင်ခိုဆီရောင်းချတာ၊ စက်သုံးဆီကို ခွဲတမ်းနဲ့ ဝယ်ရတာ၊ဆီအရည်အသွေး နိမ့်တာတွေ ဖြစ်လာနိုင်ပြီး မော်ဒယ်မြင့် ကားတွေ ဒုက္ခရောက်လာမယ်လို့ မော်တော်ယာဉ်လုပ်ငန်း လုပ်ကိုင်သူ တစ်ဦးက ပြောပါတယ်၊၊

စက်သုံးဆီဈေး ကြီးမြင့်လာသလို ဆီပြတ်တောက်မှုတွေကြောင့် စီးပွားရေး လုပ်ငန်းရှင်တွေလည်း ရေရှည်ရပ်တည်ဖို့ ခက်ခဲလာမယ်လို့လည်း မန္တလေးမြို့ခံတွေက ဆိုပါတယ်။

မန္တလေးမြို့ခံ တစ်ဦးက “တချို့ဆိုင်လေးတွေဆိုရင် သိပ်လူမစည်တဲ့နေရာတွေဆိုရင် မီးစက် မဖွင့်တော့ဘူးပေါ့နော်၊မီးစက် မဖွင့်ပေးဘူး၊စားသောက်ဆိုင် တချို့ ဘာညာပေါ့နော်၊လူ သိပ်များတဲ့ ဆိုင်ကြီးတွေကလွဲရင် မီးစက်မဖွင့်ပေးတော့ဘူး၊နောက် ဒုက္ခရောက်မှာက နောက်ထပ် အကြီးအကျယ် ထပ်ပြီးတော့ ကုန်ကျစားရိတ်ကို တောင့်ခံနိုင်ဖို့မလွယ်မှာက ဟိုတယ်တွေ၊ ဟိုတယ်‌ဆိုတာမျိုးကျတော့ ရပ်လို့မရဘူး၊ခရီးသွားလုပ်ငန်းမှာလေ၊ခရီးသွားလုပ်ငန်းဆိုတော့ ဝန်ဆောင်မှု နဲ့ သွားတာဆိုတော့ ရပ်တဲ့ ဟိုတယ်တွေ၊မီးစက်မပေးနိုင်တဲ့ ဟိုတယ်တွေ ရှိလာမယ်။ ရန်ကုန်မှာလည်း ရှိနေပြီ။ မန္တလေးမှာလည်း ရှိနေပြီ၊အဓိကကတော့ ပိုက်ဆံအကုန်အကျခံနိုင်ပြီး တော့ မီးစက်ကို မောင်းနိုင်တယ်ဆိုရင်တောင်မှ ဆီကလွယ်လွယ်ကူကူ ဝယ်မရတော့ဘူး ၊အဲဒီလို အခြေအနေမျိုးတွေလေ”လို့ ပြောပါတယ်။

အခုရက်ပိုင်း မန္တလေးမြို့မှာ လျှပ်စစ်မီးပြတ်တောက်ချိန်ဟာ နေ့ခင်းပိုင်းမှာ ပိုမိုများပြား လာကာ တစ်ရက်ကို လေးနာရီခြား တစ်ခါ၊ ရှစ်နာရီခြား တစ်ခါ လျှပ်စစ်မီး ရတာမျိုးတွေ ဖြစ်နေသလို မီးလာချိန် မမှန်ကန်ဘူးလို့လည်း သိရပါတယ်။ 

ပြီးခဲ့တဲ့ လတွေကတည်းက လျှပ်စစ်မီး ရရှိမှု အလွန်နည်းပါးလာတာကြောင့် စားသောက်ဆိုင်၊ ဟိုတယ်နဲ့ အခြား လုပ်ငန်းတချို့ဟာ ကိုယ်ပိုင်မီးစက်နဲ့ လည်ပတ်နေကြရတာ ဖြစ်ပါတယ်။ 

ပြီးခဲ့တဲ့ ဧပြီလက နိုင်ငံတဝန်း စက်သုံးဆီပြတ်တောက်တော့မယ်ဆိုတဲ့ ကောလာဟလကြောင့် မန္တလေးမြို့က စက်သုံးဆီဆိုင်တွေမှာလည်း သုံးရက်လောက် အလုအယက်ဝယ်ယူခဲ့ကြပါတယ်။

မြန်မာနိုင်ငံစက်သုံးဆီတင်သွင်းရောင်းချဖြန့်ဖြူးရေးအသင်းကတော့ စက်သုံးဆီ ပြတ်လပ်မယ့် သတင်းတွေဟာ သတင်းအမှားတွေသာဖြစ်တယ်လို့ မေ ၂၀ ရက်က ထုတ်ပြန်ထားပါတယ်။ 

စက်သုံးဆီသင်္ဘောတွေဟာ အဆက်မပြတ်ဝင်ရောက်နေကြောင်း မေ ၂၀ ရက်ကတည်းက တန်ချိန်ပေါင်း ၁၆၄၀၀ သယ်ဆောင်လာတဲ့ MT Beluga Pacific သင်္ဘော၊  တန်ချိန်ပေါင်း ၁၇၂၀၀ သယ်ဆောင်လာတဲ့ MT Yu Hai သင်္ဘော၊ တန်ချိန်ပေါင်း ၁၈၂၀၀ သယ်ဆောင်လာတဲ့ MT Yu Dong သင်္ဘော၊ တန်ချိန်ပေါင်း ၂၀၀၀၀  သယ်ဆောင်လာတဲ့ Aberlour သင်္ဘောတွေဟာ ဆိပ်ကမ်းတွေမှာ ဆီချနေသလို ပင်လယ်ဝမှာလည်း သင်္ဘော ၄ စီး ထပ်မံဆိုက်ရောက်လာပြီလို့ ထုတ်ပြန်ချက်မှာ ပါရှိပါတယ်။

မာရီယူပိုမြို့မှာရှိတဲ့ အာဇိုစတယ်သံမဏိစက်ရုံက ယူကရိန်းတိုက်ခိုက်ရေးသမားတွေရဲ့ တူရကီရှိ မိသားစုတွေဟာ သူတို့မိသားစုဝင်တွေရဲ့ ကံကြမ္မာကို စိုးရိမ်နေကြပါတယ်။ 

ယူကရိန်းတိုက်ခိုက်ရေးသမားရဲ့ ဇနီးဖြစ်သူက သူနဲ့ သူ့ခင်ပွန်းဟာ Telegramမှတဆင့် ဆယ်မိနစ်စာ မက်ဆေ့ချ်အပြန်အလှန် ပေးပို့ခဲ့ပြီးနောက်ပိုင်း ဘာမှမကြားရ သိရတော့တာ ၂ ရက်လောက်ရှိသွားပြီ လို့ အစ္စတန်ဘူလ်မှာ ပြုလုပ်တဲ့ သတင်းစာရှင်းလင်းပွဲမှာ ပြောပါတယ်။ 

ရုရှားတပ်တွေဆီမှာ လက်နက်ချခဲ့တဲ့ သူ့ခင်ပွန်းဟာ တစ်နေ့နေ့  အိမ်ပြန်လာမယ်လို့ ယုံကြည်နေသေးကြောင်းလည်း ရိုက်တာသတင်းဌာနကို ပြောကြားခဲ့ပါတယ်။ 

နိုင်ငံတကာအသိုင်းအဝိုင်းဆီက အကူအညီ တောင်းနေချိန်မှာပဲ  ယူကရိန်းတိုက်ခိုက်ရေးသမားတွေရဲ့ မိသားစုဝင်တွေဟာ ထိန်းသိမ်းခံထားရတဲ့ သူတို့ရဲ့ ချစ်ခင်ရသူတွေကို ကာကွယ်ပေးမယ့် နိုင်ငံတကာ အဖွဲ့အစည်းတစ်ခု ထူထောင်ဖို့ အတူတကွ စီစဉ်နေပါတယ်။ 

ဒဏ်ရာပြင်းပြင်းထန်ထန်ရထားကြတဲ့ ယူကရိန်း တိုက်ခိုက်ရေးသမားတွေကို အာဇိုစတယ် သံမဏိစက်ရုံကနေ ဘေးလွတ်ရာကို ရွှေ့ပြောင်းကယ်ထုတ်ထားကြောင်း ယူကရိန်း-အာဇော့ဗ် တပ်က တပ်မှူးက မေ ၂၀ ရက်မှာ လွှင့်တင်ထားတဲ့ ဗီဒီယိုတစ်ခုမှာ ပြောကြားထားပါတယ်။ 

ဒါပေမဲ့ ကျန်တဲ့ ကာကွယ်ရေးသမားတွေရဲ့ ကံကြမ္မာနဲ့ပတ်သက်ပြီး နောက်ထပ် သဲလွန်စ ဘာမှမရသေးပါဘူး။ 

ရုရှားကာကွယ်ရေးဝန်ကြီးကတော့ အခုထိ  အာဇော့ဗ်စတယ်က ယူကရိန်းစစ်သား ၂၀၀၀ လောက် လက်နက်ချခဲ့ကြောင်း ပြောထားပေမဲ့ အဲဒီအရေအတွက်ကို ယူကရိန်းအရာရှိတွေက အတည်မပြုနိုင်သေးပါဘူး။ 

မာရီယူပိုမြို့မှာရှိတဲ့ အာဇိုစတယ်သံမဏိစက်ရုံဝင်းထဲကနေ နောက်ဆုံးအချိန်ထိ ခုခံနေတဲ့ ယူကရိန်းစစ်သားတွေအားလုံး လက်နက်ချလိုက်ပြီလို့ ရုရှားက မေလ ၂၀ ရက်မှာ ကြေညာထားပါတယ်။

ပနားမားနိုင်ငံမှာ ရောက်ရှိနေတဲ့ အမေရိကန်သမ္မတကတော် ဂျေးဘိုင်ဒင်ဟာ ပနားမားသမ္မတကတော် ကိုလွန်ဒီကော်တီဇိုက အစပြုလုပ်ဆောင်နေတဲ့ “လေ့လာသင်အံ ကြည့်ရှုနားထောင်ရန်” အစီအစဉ်အကြောင်း လေ့လာဖို့ မေ ၂၀ ရက်က ဒေသခံကျောင်းကို သွားရောက်ခဲ့ပါတယ်။ 

သမ္မတကတော်ဟာ ကျောင်းဆရာတွေနဲ့ ဆေးဘက်ဆိုင်ရာ ဆရာဝန်တွေက ဆင်းရဲနွမ်းပါးတဲ့ မိသားစုတွေက ကလေးတွေရဲ့ မျက်စေ့နဲ့နား ကျန်းမာရေးကို အကဲဖြတ်ပုံကို လေ့လာခဲ့ပါတယ်။ 

ပညာရေးပါရဂူ ဂျေးဘိုင်ဒင်ဟာ စာသင်ခန်းဆရာအဖြစ် နှစ်ပေါင်း ၃၀ ကျော်ကြာ တာဝန်ထမ်းဆောင်ခဲ့ပြီး အမေရိကန်ပြည်ထောင်စုရဲ့ သမ္မတကတော် ဖြစ်ချိန်ကတည်းကလည်း အင်္ဂလိပ်စာကို ဆက်လက်သင်ကြားပေးနေတာပါ။ 

သမ္မတကတော်ဟာ အိမ်ဖြူတော်အပြင်ဘက်မှာ ကိုယ်ပိုင်တဦးချင်း အသက်မွေးဝမ်းကြောင်း ပြုတဲ့ ပထမဆုံးအမျိုးသမီးလည်း ဖြစ်ပါတယ်။ 

မေ ၁၉ ရက်က အီကွေဒေါနိုင်ငံကို အလည်အပတ် သွားရောက်ပြီးနောက်မှာ သောကြာနေ့ နေ့လယ်ပိုင်းလောက်မှာတော့ ပနားမားကို ရောက်ရှိလာခဲ့ပြီး ပနားမားသမ္မတကတော်  ကိုလွန်ဒီကော်တီဇို နဲ့ သူ့သမီးကာရိုလီနာအက်စတာတို့က နိုင်ငံတော်ဧည့်ဆောင်မှာ ပထမဆုံး လက်ခံတွေ့ဆုံခဲ့ပါတယ်။ 

ဒီခရီးစဉ်ဟာ လာမယ့်လ လော့စ်အိန်ဂျလိစ်မှာ အမေရိကန်မှ အိမ်ရှင်အဖြစ် လက်ခံကျင်းပမယ့် အမေရိကထိပ်သီးအစည်းအဝေးအတွက် ပြင်ဆင်မှုတွေ လုပ်နေတဲ့ကြားကပဲ ရောက်ရှိလာတာ ဖြစ်ပါတယ်။ 

ဒီအစည်းအဝေးအတွက် ကျူးဘား၊ နီကာရာဂွာနဲ့ ဗင်နီဇွဲလားသမ္မတ နီကိုလပ်စ်မာဒူရိုတို့ရဲ့ အစိုးရအဖွဲ့တွေကတော့ ဖိတ်စာရမှာမဟုတ်ကြောင်း အမေရိကန်အကြီးတန်းအရာရှိတယောက်က ဧပြီလတုန်းက ပြောကြားခဲ့ပါတယ်။

အမေရိကန်ပြည်ထောင်စုမှာ ခုသီတင်းပတ်အတွင်း ဖက်ဒရယ်အာဏာပိုင်တွေက အတည်ပြုထားတဲ့ ကိုဗစ်-၁၉ ကာကွယ်ဆေး  အားဖြည့်-ထိုးဆေး အတွက် အသက် ၅  နှစ်မှ ၁၁  နှစ်ကြား ကလေးငယ်တွေဟာ ဆီယက်တဲလ်ရှိ ဝါရှင်တန် တက္ကသိုလ် ဆေးကုစင်တာမှာ ဖွင့်လှစ်ထားတဲ့ ဆေးခန်းကို သွားရောက်ခဲ့ကြပါတယ်။ 

အမေရိကန်ရဲ့ ရောဂါထိန်းချုပ်ရေးနဲ့ ကာကွယ်ရေး ဗဟိုဌာနတွေကို အကြံပေးရတဲ့ အဖွဲ့တစ်ဖွဲ့ဟာ အသက် ၅ နှစ်ကနေ ၁၁ နှစ်ကြား ကလေးအားလုံးဟာ မူလ ကာကွယ်ဆေးထိုးမှု ပြီးမြောက်လို့ အနည်းဆုံး ငါးလအကြာမှာ ကိုဗစ်-၁၉ ကာကွယ်ဆေး အားဖြည့် ထိုးသင့်ကြောင်း မေ ၁၉ ရက် က ထောက်ခံမဲပေးခဲ့ကြပါတယ်။

ဒီသီတင်းပတ်အစောပိုင်းက အမေရိကန်၊ အစားအသောက်နဲ့ ဆေးဝါးကွပ်ကဲရေးဦးစီးဌာနဟာ အသက် ၅  နှစ်မှ ၁၁  နှစ်ကြား ကလေးတွေအတွက် Pfizer နဲ့ BioNTech ရဲ့ ကိုဗစ်ကာကွယ်ဆေးကို အားဖြည့်ဆေးအဖြစ် အသုံးပြုခွင့်ပေးထားပြီး နိုင်ငံအတွင်း အသက် ၅ နှစ်အထက်လူတိုင်းကို တတိယအကြိမ် ဆေးထိုးခိုင်းထားပါတယ်။ 

“အနည်းဆုံးတော့ အသက်မသေနိုင်ဘဲ ကိုယ့်ကိုယ်ကိုယ် ကာကွယ်ဖို့နဲ့ ပတ်၀န်းကျင်ကို မပြန့်ပွားအောင် ကြိုးစားဖို့ပဲ မျှော်လင့်နေပါတယ်”လို့ ဆေးသွားထိုးတဲ့ အသက် ၁၀ နှစ် အရွယ် ကလေးငယ်က ပြောပါတယ်။ 

၂၉ ရာခိုင်နှုန်းကျော်သာ ရှိတဲ့ အသက် ၅  နှစ်မှ ၁၁ နှစ်ကြား အမေရိကန်ကလေးတွေကို Pfizer/BioNTech ထိုးဆေး နှစ်ကြိမ် အပြည့်အဝ ကာကွယ်ဆေးထိုးထားပြီးသားလို့ ယူဆထားပြီး အသက် ၅ နှစ်အောက် ကလေးတွေအတွက်တော့ ကာကွယ်ဆေးထိုးခွင့် မပြုထားသေးပါဘူး။

စစ်ကောင်စီရဲ့ ပစ်ခတ်မှုကြောင့် ဦးခေါင်းကျည်ထိမှန်သေဆုံးခဲ့တဲ့ မန္တလေး ဆေးတက္ကသိုလ် တတိယနှစ်ကျောင်းသား ကိုကျော်ညီဇင်ရဲ့ ရုပ်အလောင်းကို  မေ ၂၁ ရက် ညနေ ၃ နာရီက မန္တလေး အေးရိပ်ငြိမ် သုသာန်မှာ သင်္ဂြိုလ်ခဲ့ပါတယ်။

မေလ ၂၀ ရက်နေ့က မန္တလေး- မုံရွာကားလမ်းမပေါ် မြင်းမူအကျော်နေရာမှာ   စစ်ကောင်စီတပ်ရဲ့ ပစ်ခတ်မှုကြောင့် မန္တလေး ဆေးတက္ကသိုလ် တတိယနှစ်ကျောင်းသား ကိုကျော်ညီဇင်ရဲ့ ဦးခေါင်းကို ကျည်ထိမှန်သေဆုံးခဲ့တာဖြစ်ပါတယ်။

ကိုကျော်ညီဇင်ဟာ ဆေးတက္ကသိုလ် – မန္တလေး ၊ တတိယနှစ်သင်တန်း (၁၂/၂၀၁၇) က ကျောင်းသား ဖြစ်ပြီး  မိသားစုဝင်တွေနဲ့အတူ  ခရီးသွားလာနေစဉ် ကျည်ထိမှန်သေဆုံးခဲ့တာလို့ သိရပါတယ်။

ကိုကျော်ညီဇင်ဟာ စစ်ကောင်စီဖွင့်လှစ်နေတဲ့ တတိယနှစ် အမ်ဘီဘီအက်စ် သင်တန်း ( ပုံမှန် ) ကိုလည်း မတက်ရောက်ဘဲ စစ်အာဏာရှင်ကို ဆန့်ကျင်တော်လှန်နေတဲ့ သပိတ်မှောက်ကျောင်းသား  တဦးဖြစ်တယ်လို့ Medical Family Mandalay က ထုတ်ပြန်ထားပါတယ်။

BRUSSELS, 21st May, 2022 (WAM) -- The European Commission is releasing an extra 22 million in humanitarian aid to ensure life-saving support for hundreds of thousands of Rohingya refugees and host communities in Bangladesh, as well as Rohingya and other conflict-affected people in Myanmar. The funding will addre

YANGON, May 21 (Xinhua) -- Myanmar exported more than 144,034 metric tons of rice and over 106,912 metric tons of broken rice in April, according to the Myanmar Rice Federation (MRF) on Saturday.

The country exported those rice to 22 countries including Cameroon, China, Angola, the Philippines and Poland, while it exported the broken rice to eight countries including Belgium, China and Spain, official data showe

KAREN STATE, Myanmar - The Karen National Union (KNU) confirmed on Thursday that it had taken control of an army base near the Thai-Myanmar border in Myawaddy Township.

According to KNU spokesperson Padoh Saw Taw Nee, the base fell after a full day of fierce fighting.

"Our sources on the ground have just informed us that the base has been taken." The fighting was intense, and the junta even launched multi

Also this week, the regime praised China as a model neighbor and warned the Arakan Army its patience has limits as the junta’s relations with the group continued to sour.

The post Junta Watch: A Softer Tone to Woo Teachers Back; Harsh Words for the UN, and More appeared first on The Irrawaddy.

ဗီယက်နမ် ဆီးဂိမ်းစ်အားကစားပြိုင်ပွဲ မေလ ၂၀ ရက်က ယှဉ်ပြိုင်ခဲ့တဲ့ ပြိုင်ပွဲတွေမှာ  မြန်မာအားကစားအဖွဲ့က ရွှေတံဆိပ်တစ်ခု၊ ငွေတံဆိပ်သုံးခုနဲ့ ကြေးတံဆိပ်ခြောက်ခုထပ်မံ ရယူနိုင်ခဲ့ပါတယ်။ 

မြန်မာအတွက် ၈ ခုမြောက် ရွှေတံဆိပ်ဆုကို  ဗိုဗီနမ်အားကစားနည်းရဲ့ လေးယောက်တွဲအပြပွဲစဉ်မှာ  မနားကွီး၊ အိုက်စိုးလင်း၊ ဇင်လင်းထွန်းနဲ့ ဇော်ဇော်တို့က  ဆွတ်ခူးရယူပေးခဲ့တာပါ။

ငွေတံဆိပ်ဆု ၃ ခုကိုတော့ ဗိုဗီနမ်အားကစားနည်းရဲ့ တစ်ဦးချင်း လက်သိုင်းအပြပွဲစဉ်ကနေ ခိုင်ဝါဖူးတခု၊ တစ်ဦးချင်းဓားရှည်အပြပွဲစဉ်ကနေ မေဟန်နီအောင်လွင်ကတခုနဲ့ ဘိလိယက် ၂ ယောက်တွဲပြိုင်ပွဲကနေ ဦးပေါက်စနဲ့ မင်းစည်သူထွန်းတို့က တခု အသီးသီးရယူနိုင်ခဲ့ကြတာပါ။

ကြေးတံဆိပ်ဆု၆ ခုကိုတော့ ဗိုဗီနမ်အတိုက်ပြိုင်ပွဲကနေ ဝေသူလွင်ကတခု ၊ ကနူးလှေလှော် (၅၀၀)မီတာ လေးယောက်တွဲ ပြိုင်ပွဲကနေ ဝင်းထိုက်၊ မင်းနိုင်၊ မျိုးလှိုင်ဝင်းနဲ့ သန့်ဇင်ဦးတို့က တခု၊ လက်ဝှေ့ ၅၂ ကီလိုတန်းကနေ လင်းထွဋ်ပိုင်ကတစ်ခု၊ လက်ဝှေ့ ၄၈ ကီလိုတန်းကနေ အေးငြိမ်းထူးကတစ်ခု၊ ဂျူဒို ၅၂ ကီလိုတန်းကနေ အေးမာလာကတခု၊ အလေးမ ၅၉ ကီလိုတန်းကနေ နော်တဘိုးရာက တခု အသီးသီးရယူနိုင်ခဲ့တာပါ။

မေလ ၂၀ ရက်အထိ မြန်မာအားကစားအဖွဲ့က ရွှေတံဆိပ် ၈ ခု၊ ငွေတံဆိပ် ၁၅ ခု၊ ကြေးတံဆိပ် ၂၂ ခုနဲ့ နိုင်ငံအလိုက် အဆင့် ၇ မှာဆက်လက်ရပ်တည်နေပါတယ်။

မြန်မာအားကစားအဖွဲ့ဟာ မေလ ၂၁ ရက်မနက်ဖန်မှာ သေနတ်ပစ်၊ စစ်တုရင်၊ ဘိလိယက်၊ ကနူး၊ ပိုက်ကျော်ခြင်း၊ E-Sports၊ အမျိုးသမီးဘောလုံး၊ ဂျူဒို၊ အလေးမ၊ ဗိုဗီနမ်၊ လက်ဝှေ့ အစရှိတဲ့ အားကစားနည်းတွေမှာ ဆက်လက်ယှဉ်ပြိုင်သွားဖို့ရှိပါတယ်။

General Yawd Serk, the chairman of the Restoration Council of Shan State (RCSS/SSA), attended the junta’s much mooted “peace talks” today, seemingly putting the full support of the EAO behind the military.

The pair are said to have discussed ways to develop a “federal union”, appropriating a phrase popularised by Burma’s parallel and democratically recognised National Unity Government.

The move is extremely significant — the RCSS, a National Ceasefire Agreement (NCA) signatory, had last year said that it would fight the military as long as it continued to attack civilians; the change in stance likely reflective of the fact that the SSA has faced increasing attacks, losing territory to rival Shan EAOs: the SSPP, TNLA and, to a lesser extent, the UWSA. Fighting between the groups has escalated dramatically in central Shan State since December.

If the military succeeds in brokering deals with all major Shan armed groups that have agreed to talks; the RCSS, SSPP, and the United Wa State Army; it can deflect the threat of the state’s EAOs, removing what would be a key front from the national battlefield whilst fomenting internecine warfare between groups in the region.

Such alliances would also damage the operational capacity of resistance groups operating from Shan and into the broader region, recently formed anti-military guerrilla forces reliant on the covert support of Shan’s EAOs.

Although currently unlikely, if failing to gain the support of other Shan groups and choosing to overtly back the RCSS, Min Aung Hlaing risks bringing Burma’s most powerful EAO, the USWA, into a new power struggle with the Burma Army.

The RCSS — one of the country’s largest EAOs — was the first of ten armed groups scheduled to meet with Min Aung Hlaing; others will meet with the coup leader, in person, every three days from May 20.

Chairmen from three of the armed groups have announced they are to meet the coup leader, while remaining organizations will send lower-ranking party secretaries.

Yawd Serk — ex-top aide to one of the world’s most powerful drug lords, the deceased Khun Sa — is by far the most prominent individual to have agreed to Min Aung Hlaing’s talks, something that Naypyidaw’s state photographers did not fail to take advantage of. Local residents of the RCSS’s traditional bases in southern Shan have told DVB that, in the power vacuum caused by the coup, poppies have returned to fill the hills of the region, a fact contributing to the uptick in Shan violence.

Political analysts point out that all those attending the coup leader’s meetings are not currently at war with the junta, suggesting that the majority of the armed groups have little interest in discussing peace, yet an intent to enhance their own standing with the military vis-a-vis the majority of Burma’s major EAOs, who have boycotted talks.

Among the participants, seven of the EAOs are NCA signatories, while the United Wa State Party (UWSP/UWSA) and the National Democratic Alliance Army (NDAA) have observed ceasefires with the Burma Army for over 30 years. The Shan State Progressive Party (SSPP/SSA) also maintains relatively cordial relations with the junta.

YANGON, May 20 (Xinhua) -- The number of COVID-19 cases in Myanmar rose to 613,203 after 17 new cases were reported in the past 24 hours, the Ministry of Health's official data showed on Friday.

The ministry's health authorities tested 8,794 people for COVID-19 in the past 24 hours, and the daily positivity rate was 0.19 percent, it said.

According to official data, the death toll from COVID-19 in the cou

Whataboutism is an argumentative tactic where a person or group responds to an accusation or difficult question by deflection. Instead of addressing the point made, they counter it with "but what about X?".

As bickering couples and parents of siblings will know, this happens in daily life all too often. "You lied about where you were last night!" a person feeling wronged will say. To which, instead of owning up,

ရခိုင်ပြည်နယ်၊ သံတွဲမြို့နယ်၊ ငပလီမြို့မှာ စစ်အာဏာသိမ်းတာကို ဆန့်ကျင်ဆန္ဒပြလို့ ဖမ်းဆီးခံရသူ လွတ်မြောက်ရေး တောင်းဆိုခဲ့တဲ့ ငပလီဒေသခံ လူငယ်တယောက်ကို မေလ ၂၀ ရက်မှာ သံတွဲမြို့နယ်တရားရုံးက ထောင်ဒဏ် ၁ နှစ်ချမှတ်လိုက်တယ်လို့ ရှေ့နေက ပြောပါတယ်။

ပြီးခဲ့တဲ့ ဖေဖော်ဝါရီမှာ  သံတွဲဒေသခံတယောက်က စစ်တပ်အာဏာသိမ်းတာနဲ့ပတ်သက်ပြီး ဆန့်ကျင်ဆန္ဒပြလို့ ရဲတပ်ဖွဲ့က ဖမ်းဆီးစဉ်မှာ အခင်းဖြစ်တဲ့နေရာမှာတင် ပြန်လည်လွှတ်ပေးဖို့ သွားရောက်ပြောဆိုခဲ့တဲ့ အသက် ၂၆ နှစ်အရွယ် ကိုဟန်မျိုးသူရိန်ကို ၂၀၂၂ ဖေဖော်ဝါရီလမှာ ရဲတပ်ဖွဲ့ဝင်တွေက ဖမ်းဆီး တရားစွဲခဲ့တာဖြစ်ပါတယ်။  

ဒီနေ့မှာ ကိုဟန်မျိုးသူရိန်ကို သံတွဲမြို့နယ် တရားရုံးက ထောင်ဒဏ်တစ်နှစ်ချမှတ် လိုက်တယ်လို့ သူ့ရဲ့ အစ်မဖြစ်သူ အထက်တန်းရှေ့နေ ဒေါ်မျိုးသင်ဇာထွန်းက ပြောပါတယ်။

“ကိုဟန်မျိုးသူရိန်ကို ထောင်ဒဏ် တစ်နှစ်ချမှတ်ပါတယ်။ အလုပ်တော့မပါဘူး။ ချုပ်ရက်တွေကို ထုတ်နုတ်ခံစားခွင့်ရှိတယ်” လို့ပြောပါတယ်။

ငပလီဒေသခံ ကိုဟန်မျိုးသူရိန်ကို လူစုလူဝေးဖြစ်အောင် ဦးဆောင်တယ်လို့ စွပ်စွဲပြီး စစ်ကောင်စီလက်အောက်ခံ သံတွဲမြို့နယ် ဒုအုပ်ချုပ်ရေးမှူး ဦးချမ်းမင်းလတ်က တရားလိုလုပ်ကာ ပုဒ်မ ၅၀၅(ခ)နဲ့ တရားစွဲဆိုခဲ့တာဖြစ်ပါတယ်။

ကိုဟန်မျိုးသူရိန်ဟာ ဒေသတွင်းအရပ်ဖက်အဖွဲ့အစည်းတွေမှာ တက်ကြွစွာ ပါဝင်လှုပ်ရှားသူခဲ့သူဖြစ်သလို NGO အဖွဲအစည်းတွေမှာလည်း လူ့အခွင့်ရေးဆိုင်ရာ သင်တန်းတွေကို ပို့ချပေးနေသူ ဖြစ်ပါတယ်။

စစ်ကိုင်းတိုင်း၊ မင်းကင်းမြို့နယ်၊ ပျဉ်ကိုင်းကျေးရွာအုပ်စုရှိ တဲကြီးကျေးရွာကို  မေလ ၂၀ ရက်   မနက် ၁၁ နာရီလောက်မှာ  စစ်ကောင်စီတပ်က လေကြောင်းကနေ ပစ်ခတ်တိုက်ခိုက်ခဲ့တယ်လို့ ဒေသခံရွာသားတွေက ပြောပါတယ်။

တဲကြီးရွာဟာ တဲကြီးတောင်ရွာနဲ့ တဲကြီးမြောက်ရွာဆိုပြီး နှစ်ရွာရှိကာ အိမ်ခြေ ၄၀၀ ကျော်ရှိတဲ့ ရွာတစ်ရွာဖြစ်ပြီး လေကြောင်းကနေ တိုက်ခိုက်ပြီးနောက် မြေပြင်ကနေလည်း စစ်ကောင်စီတပ်တွေ လာရောက် မီးရှို့ခဲ့တယ်လို့ ဆိုပါတယ်။ 

တဲကြီးဒေသခံရွာသားတယောက်က “မြေပြင်မှာ PDF စခန်းရှိတယ်အထင်နဲ့ လာပစ်တာဖြစ်နိုင်တယ်။ အမှန်တကယ်တော့ မြေပြင်မှာ ဘာ PDF စခန်းမှမရှိဘူး။ ပထမလေယာဉ်တွေက‌ ကလေးမြို့ဘက်က ၃ စီး ၊ မုံရွာနမခဘက်က ၄ စီး စုစုပေါင်း ၇ စီးနဲ့ လာပစ်တယ်။ အဲမှာ  ၂ စီးက တိုက်လေယာဉ်ဖြစ်တယ်။ ကျန် ၅ စီးက ဂျက် လေယာဉ်တွေပါဗျ။ အဲလိုပစ်ခတ်ပြီး စစ်သား ၁၀၀ လောက်ကို တဲကြီးရွာနှစ်ရွာကြား ကချောင်းထဲကို စစ်သားတွေချတယ်။ ချပြီးရွာကို မီးရှို့နေတယ်။ လေယာဉ်နဲ့ပစ်ခတ်လို့ လောလောဆယ်သိရတာ ရွာသာ ၂ ဦး ထိခိုက်ဒဏ်ရာရတာတွေရှိနေတယ်။ အခုလတ်တလောအနေနဲ့  ကျန်အထိခိုက်အပျက်စီးတွေ ဘာမှတိတိကျကျမပြောနိုင်သေးဘူး။ ကိုယ်အသက်ကို လုထွက်ပြေးနေရတယ်”လို့  ပြောပါတယ်။

တဲကြီးကျေးရွာဟာ  ချင်းတွင်းမြစ်အရှေ့ဘက်ချမ်း မုံရွာ-ရေဦးမင်းကင်း မဟာမြိုင်လမ်းမှာ တည်ရှိပြီးအဲ ရွာအနီးဝန်းကျင်က ပျဉ်းကိုင်းအုပ်စုက ကျေးရွာ ၇ ရွာနဲ့ စမျှင်အုပ်စုက ကျေးရွာ ၃ ရွာက ထောင်နဲ့ချီတဲ့ ဒေသခံတွေ နေရပ်စွန်ခွာ ထွက်ပြေးနေကြရပါတယ်။