India

தமிழகத்தின் அநேக இடங்களில் 21,22ம் தேதிகளில் கனமழைக்கு பெய்ய வாய்ப்பு : வானிலை ஆய்வு மையம்

Dinakaran - 0 sec fa

சென்னை : நீலகிரி, கோவை, திண்டுக்கல், தேனி, தருமபுரி, சேலம், விழுப்புரம் உள்ளிட்ட மாவட்டங்களில் பலத்த மழை பெய்ய வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது. தென்கிழக்கு அரபிக்கடலில் நிலவும் காற்றழுத்த தாழ்வு நிலை மற்றும் வெப்பச் சலனத்தால் தமிழகத்தின் அநேக இடங்களில்  21,22ம் தேதிகளில் கனமழைக்கு பெய்ய வாய்ப்பு இருப்பதாகவும் வானிலை ஆய்வு மையம் தெரிவித்துள்ளது. அத்துடன் கேரள கடற்கரையொட்டிய பகுதிகளுக்கு மீனவர்கள் கடலுக்கு செல்ல வேண்டாம் என்றும் வானிலை ஆய்வு மையம் தெரிவித்துள்ளது.

Categorie: India

ராஜீவ் காந்தி கொலை வழக்கில் சிறையில் உள்ள 7 பேரை விடுவிக்க நடவடிக்கை எடுங்கள் : 7 பேரில் ஒருவரான ரவிச்சந்திரன் பிரதமருக்கு கடிதம்

Dinakaran - 0 sec fa

மதுரை : ராஜீவ் காந்தி கொலை வழக்கில் சிறையில் உள்ள 7 பேரை விடுவிக்க நடவடிக்கை எடுக்க வேண்டும் என்று மதுரை சிறையில் இருந்து 7 பேரில் ஒருவரான ரவிச்சந்திரன் பிரதமர் நரேந்திர மோடிக்கு கடிதம் எழுதியுள்ளார். மேலும் தமிழக அமைச்சரவை தீர்மானம் மீது ஆளுநர் விரைந்து நடவடிக்கை எடுக்க உத்தரவிட வேண்டும் என்றும் சிறையில் இருந்த 8 சீக்கியவர்களை விடுவிக்க சம்மதித்த மத்திய அரசு 7 தமிழர்களை விடுவிக்க மறுத்ததாக அவர் கடிதத்தில் குறிப்பிட்டுள்ளார்.

Categorie: India

சமயபுரம் பஞ்சாப் நேஷனல் வங்கி கொள்ளை வழக்கில் கைதான கணேசனை 2 நாட்கள் காவலில் விசாரிக்க போலீசாருக்கு அனுமதி

Dinakaran - 0 sec fa

திருச்சி : திருச்சி சமயபுரம் பஞ்சாப் நேஷனல் வங்கி கொள்ளை வழக்கில் கைதான கணேசனை 2 நாட்கள் காவலில் விசாரிக்க போலீசாருக்கு அனுமதி வழங்கப்பட்டுள்ளது. வங்கியில் கொள்ளையடிக்கப்பட்ட நகையில் 53 சவரன் நகை, ரூ.1,74 லட்சம் உரிமையாளரிடம் ஒப்படைக்கப்பட்டது.

Categorie: India

அமைச்சர் வேலுமணி மீதான டெண்டர் முறைகேடு புகார் பற்றி லஞ்ச ஒழிப்பு எஸ்.பி. பொன்னி விசாரிப்பார் : உயர்நீதிமன்றம்

Dinakaran - 0 sec fa

சென்னை : அமைச்சர் வேலுமணி மீதான டெண்டர் முறைகேடு புகார் விசாரிக்க லஞ்ச ஒழிப்பு எஸ்.பி. பொன்னி விசாரிப்பார் என்று லஞ்ச ஒழிப்பு எஸ்.பி. பொன்னியை விசாரணை அதிகாரியாக நியமித்து சென்னை உயர்நீதிமன்ற நீதிபதிகள் உத்தரவிட்டுள்ளனர். மேலும் டெண்டர் முறைகேடு பற்றி நவம்பர் 1ம் தேதிக்குள் அமைச்சர் வேலுமணி பதில் அளிக்க இறுதி கெடு கொடுக்கப்பட்டுள்ளது.

Categorie: India

நாங்குநேரி தொகுதியில் பணப்பட்டுவாடா புகாரில், 2 பேர் மீது போலீசார் வழக்குப்பதிவு

Dinakaran - 0 sec fa

நாங்குநேரி : நாங்குநேரி தொகுதியில் பணப்பட்டுவாடா புகாரில், 2 பேர் மீது போலீசார் வழக்குப்பதிவு செய்யப்பட்டுள்ளது. அதிமுகவின் மாரியப்பனிடம் ரூ.39,000, காங்கிரசை சேர்ந்த மற்றொரு மாரியப்பனிடம் ரூ.31,700 பறிமுதல் என தகவல்கள் தெரிவிக்கின்றன.

Categorie: India

சென்னையில் அடுக்குமாடி குடியிருப்புக்கு வழங்கப்படும் லாரி குடிநீர் விலையை உயர்த்தியது குடிநீர் வாரியம்

Dinakaran - 0 sec fa

சென்னை : சென்னையில் அடுக்குமாடி குடியிருப்புக்கு வழங்கப்படும் லாரி குடிநீர் விலையை உயர்த்தியது குடிநீர் வாரியம். 6 ஆயிரம் லிட்டர் லாரி குடிநீரின் விலையை ரூ.435ல் இருந்து ரூ.499ஆக விலை உயர்த்தப்பட்டுள்ளது. லாரியில் வழங்கும் 9,000 லிட்டர் தண்ணீருக்கு ரூ.700 கட்டணம் வசூலித்த நிலையில், அது ரூ.735ஆக உயர்த்தப்பட்டுள்ளது.

Categorie: India

முரசொலி இருக்கும் இடம் பஞ்சமி நிலம் என்று ராமதாஸ் நிரூபித்தால் நான் அரசியலை விட்டு விலகத் தயார் : ஸ்டாலின் டீவீட்

Dinakaran - 0 sec fa

சென்னை : தற்போது முரசொலி இருக்கும் இடம் பஞ்சமி நிலமே அல்ல என திமுக தலைவர் ஸ்டாலின் ட்விட்டரில் விளக்கம் அளித்துள்ளர். வழி வழியாக தனியாருக்கு சொந்தமாக பாத்தியப்பட்ட பட்டா மனை என பட்டா நகலுடன் ஸ்டாலின் ட்வீட் செய்துள்ளார். அவர் ட்விட்டரில் பதிவிட்டுள்ளது பின்வருமாறு, 'மருத்துவர் ராமதாஸ் அவர்கள், தற்போது  “முரசொலி “ இருக்கும் இடத்தை பஞ்சமி நிலமென்று பச்சையாகப் புளுகியிருக்கிறார்.! .அது பஞ்சமி நிலமே அல்ல; வழி வழியாகத் தனியாருக்குச் சொந்தமாகப் பாத்தியப்பட்ட பட்டா- மனை!. நான் சொல்வது பொய்; அது பஞ்சமி நிலம் என்று மருத்துவர் அய்யா நிரூபித்தால் நான் அரசியலை விட்டு விலகத் தயார்!.அவர் சொல்வதை நிரூபிக்கத் தவறி, அது பச்சைப் பொய்யென்றால்,  அவரும், அவர் மகனும் அரசியலை விட்டு விலகத் தயாரா?' என்றுள்ளார்.

Categorie: India

நாங்குநேரி இடைதேர்தலை நடத்த தடை இல்லை : உயர்நீதிமன்ற மதுரை கிளை உத்தரவு

Dinakaran - 0 sec fa

மதுரை : நாங்குநேரி இடைதேர்தலை நடத்த தடை இல்லை என்று கூறி நாங்குநேரி இடைதேர்தலை ஒத்திவைக்கக் கோரி சுயேட்சை வேட்பாளர் சங்கர சுப்பிரமணியன் தாக்கல் செய்த மனுவை உயர்நீதிமன்ற நீதிபதிகள் சிவஞானம் - தாரணி அமர்வு தள்ளுபடி செய்தது. அத்துடன் தேர்தல் தேதி அறிவித்த பின்னர் தேர்தல் ஆணையத்தின் முடிவில் நீதிமன்றம் தலையிட விரும்பாது என்றும் தேர்தலை தேர்தல் ஆணையம் சுதந்திரமாகவும் நேர்மையாகவும் நடத்த வேண்டும் என்றும் நீதிமன்றம் கருத்து தெரிவித்துள்ளது.

Categorie: India

திருவள்ளூர் சுற்றுவட்டாரத்தில் 24 பேர் டெங்கு காய்ச்சலால் அரசு மருத்துவமனையில் அனுமதி

Dinakaran - 0 sec fa

திருவள்ளூர் : திருவள்ளூர் சுற்றுவட்டாரத்தில் 24 பேர் டெங்கு காய்ச்சலால் அரசு மருத்துவமனையில் அனுமதிக்கப்பட்டுள்ளனர். பூண்டி, கடம்பத்தூர், தொழுவூரைச் சேர்ந்த 24 பேருக்கு டெங்கு இருப்பது உறுதி செய்யப்பட்டு உள்ளது.

Categorie: India

பொள்ளாச்சி அருகே நூதன முறையில் ரேஷன் அரிசியை கடத்த முயன்ற 4 பேர் கைது

Dinakaran - 0 sec fa

கோவை : பொள்ளாச்சி அருகே கோபாலபுரத்தில் நூதன முறையில் ரேஷன் அரிசியை கடத்த முயன்ற 4 பேர் கைது செய்யப்பட்டுளள்னர். சுற்றுலா வேன் மூலம் ரேஷன் அரிசியை கடத்த முயன்ற 4 பேரை கைது செய்து 2 டன் ரேஷன் அரிசியை போலீஸ் கைப்பற்றியது. பழனியைச் சேர்ந்த கிருஷ்ணன், பாலக்காட்டை சேர்ந்த நாசர், மோகன் தாஸ், பிரமோத் ஆகிய 4 பேரிடம் போலீஸ் விசாரணை நடத்தி வருகிறது.

Categorie: India

அசாம் தேசிய குடிமக்கள் பதிவேடு ஒருங்கிணைப்பாளர் பிரதீக் ஹஜேலா மத்திய பிரதேசத்திற்கு இடமாற்றம்

Dinakaran - 0 sec fa

டெல்லி :அசாம் தேசிய குடிமக்கள் பதிவேடு ஒருங்கிணைப்பாளர் பிரதீக் ஹஜேலா மத்திய பிரதேசத்திற்கு இடமாற்றம் செய்யப்பட்டார். அதிகாரி  பிரதீக் ஹஜேலாவை அயல்துறைக்கு அதிரடியாக பணியிடமாற்றம் செய்து உச்சநீதிமன்றம் உத்தரவிட்டுள்ளது.

Categorie: India

அரசின் சிறப்பு விடுமுறை அறிவிப்புகள் தனியார் நிறுவனங்களுக்கு பொருந்தாது : சென்னை உயர்நீதிமன்றம்

Dinakaran - 0 sec fa

சென்னை : அரசின் சிறப்பு விடுமுறை அறிவிப்புகள் தனியார் நிறுவனங்களுக்கு பொருந்தாது என்று சென்னை உயர்நீதிமன்றம் தெரிவித்துள்ளது. அப்துல் கலாம் மறைவை முன்னிட்டு விடுமுறை கொடுக்கவில்லை என்று தனியார் நிறுவன தொழிற்சங்கம் தொடுத்த வழக்கின் விசாரணையில் நீதிமன்றம் இவ்வாறு தெரிவித்துள்ளது. மாற்றுமுறை ஆவணச் சட்டத்தின் கீழ் தலைவர்கள் மறைவு உள்ளிட்ட காரணங்களால் அறிவிக்கப்படும் பொது விடுமுறை, தனியார் நிறுவனங்களுக்கு நேரடியாக பொருந்தாது என்று தெரிவித்த நிலையில், ஊதியம் வழங்க வேண்டுமென்ற தொழிலாளர் நீதிமன்ற உத்தரவை ரத்து செய்து நீதிமன்றம் உத்தரவிட்டுள்ளது. மேலும் விடுமுறை தினத்தில் பணிக்கு வராத ஊழியர்கள் ஊதியம் பெற உரிமையில்லை என்றும் உயர்நீதிமன்றம் திட்டவட்டமாக தெரிவித்துள்ளது.

Categorie: India

டெல்லியில் காவிரி ஒழுங்காற்று குழுவின் 18வது ஆலோசனை கூட்டம் தலைவர் நவீன்குமார் தலைமையில் தொடங்கியது

Dinakaran - 0 sec fa

டெல்லி : காவிரி ஒழுங்காற்று குழுவின் 18வது ஆலோசனை கூட்டம் தலைவர் நவீன்குமார் தலைமையில் தொடங்கியது. டெல்லியில் நடக்கும் கூட்டத்தில் தமிழகம், கேரளா, கர்நாடகா, புதுச்சேரி மாநில பிரதிநிதிகள் பங்கேற்றுள்ளனர். இந்த கூட்டத்தில் தமிழ்நாடு, கேரளா, கர்நாடகா, பாண்டிச்சேரியின் பிரதிநிதிகள் காவிரி நீர் தொடர்பான தங்களது தரப்பு புள்ளி விவரங்களை சமர்ப்பிக்கின்றனர்.

Categorie: India

பி.எம்.சி. வங்கி டெபாசிட்தாரர்கள் மும்பை உயர்நீதிமன்றத்தை நாட உச்சநீதிமன்றம் அறிவுறுத்தல்

Dinakaran - 0 sec fa

டெல்லி : ரூ.4,355 கோடி முறைகேட்டில் சிக்கியுள்ள பஞ்சாப்-மகாராஷ்டிர கூட்டுறவு வங்கி வாடிக்கையாளா்களின் வைப்புத்தொகை முழுமையாக திரும்ப கிடைப்பதை உறுதி செய்யக் கோரும் மனுவை விசாரிக்க உச்சநீதிமன்றம் மறுப்பு தெரிவித்துள்ளது. அதே சமயம், கூட்டுறவு வங்கியின் வாடிக்கையாளா்கள் மும்பை உயர்நீதிமன்றத்தை நாட உச்சநீதிமன்றம் அறிவுறுத்தியுள்ளது. வாடிக்கையாளா்களின் பணத்தை பி.எம்.சி. வங்கி எச்.டி.ஐ. எல் என்ற ரியல் எஸ்டேட் நிறுவனத்துக்கு முறைகேடாக கடன் கொடுத்ததாக புகார் எழுந்துள்ளது.

Categorie: India

தீபாவளி பண்டிகை நேரத்தில் திருட்டை தடுக்க ட்ரோன் மூலம் கண்காணிக்கும் பணியை தொடங்கி வைத்தார் காவல் ஆணையர்

Dinakaran - 0 sec fa

சென்னை : சென்னை தி.நகரில் புதிய சிசிடிவி கேமராக்களின் செயல்பாட்டை காவல் ஆணையர் தொடங்கி வைத்தார். தீபாவளி பண்டிகை நேரத்தில் திருட்டை தடுக்க ட்ரோன் மூலம் கண்காணிக்கும் பணியையும் தொடங்கி வைத்தார். பின்னர் செய்தியாளர்களிடம் பேசிய காவல் ஆணையர்  ஏ.கே.விஸ்வநாதன், தீபாவளியையொட்டி தி.நகரில் மக்கள் பாதுகாப்பாக ஷாப்பிங் செய்ய கூடுதலாக 100 சிசிடிவி கேமராக்கள் வைக்கப்பட்டுள்ளது என்று கூறினார். தொடர்ந்து பேசிய அவர், ட்ரோன் கேமராக்கள் மூலம் போலீசார் கண்காணிப்பு பணியில் ஈடுபடுவர் என்றும் குறிப்பிட்டார். மேலும், கூடுதலாக 500 காவலர்கள் பாதுகாப்பு பணியில் ஈடுபட்டுள்ளனர் என்றும் காவல் ஆணையர் செய்தியாளர்களிடம் தெரிவித்தார்.

Categorie: India

உச்சநீதிமன்றத்தின் அடுத்த தலைமை நீதிபதியாக எஸ்.ஏ.பாப்டேவை நியமிக்க, தலைமை நீதிபதி ரஞ்சன் கோகாய் பரிந்துரை

Dinakaran - 0 sec fa

டெல்லி :  உச்சநீதிமன்றத்தின் அடுத்த தலைமை நீதிபதியாக எஸ்.ஏ.பாப்டேவை நியமிக்க தலைமை நீதிபதி ரஞ்சன் கோகாய் பரிந்துரை செய்துள்ளதாக தகவல்கள் வெளியாகி உள்ளது. தற்போது உச்சநீதிமன்றத்தில் மூத்த நீதிபதியாக பணியாற்றி வருகிறார் நாக்பூரை சேர்ந்த சரத் அரவிந்த் பாப்டே. அயோத்தி வழக்கில் நவம்பர் 17ம் தேதி தீர்ப்பு அளித்துவிட்டு ஓய்வு பெற உள்ளார் நீதிபதி ரஞ்சன் கோகாய். எஸ்.ஏ.பாப்டேவை தலைமை நீதிபதியாக்க கோரி மத்திய அரசுக்கு நீதிபதி ரஞ்சன் கோகாய் கடிதம் எழுதியுள்ளார். நீதிபதி ரஞ்சன் கோகாய் கடிதத்தை பரிசீலித்து சட்ட அமைச்சகம் அதனை குடியரசு தலைவர் ஒப்புதலுக்கு அனுப்பி வைக்க உள்ளது.

Categorie: India

தேசியவாத காங்கிரஸ் மூத்த தலைவர் பிரபுல் பட்டேலிடம் மும்பையில் அமலாக்கத்துறை அதிகாரிகள் விசாரணை

Dinakaran - 0 sec fa

மும்பை : தேசியவாத காங்கிரஸ் மூத்த தலைவர் பிரபுல் பட்டேலிடம் மும்பையில் அமலாக்கத்துறை அதிகாரிகள் விசாரணை நடத்தி வருகின்றனர். நிழல் உலக தாதா தாவூத் இப்ராஹிம் உதவியாளர் இக்பால் மிர்ச்சியிடம் நிலம் வாங்கியதாக பிரபுல் படேல் மீது குற்றச்சாட்டு எழுந்துள்ளது. 

Categorie: India

சென்னையில் 22 கேரட் ஆபரண தங்கத்தின் விலை சவரனுக்கு ரூ. 40 உயர்ந்து ரூ.29,344க்கு விற்பனை

Dinakaran - 0 sec fa

சென்னை: சென்னையில் 22 கேரட் ஆபரண தங்கத்தின் விலை சவரனுக்கு ரூ. 40 உயர்ந்து ரூ.29,344க்கு விற்பனையாகிறது. கிராமுக்கு ரூ.5 உயர்ந்து ரூ.3,668க்கு விற்பனையாகிறது. அதே நேரம் வெள்ளி விலை கிராமுக்கு 30 காசுகள் உயர்ந்து ரூ.49.30க்கு விற்பனை செய்யப்படுகிறது.

Categorie: India

ஜெயலலிதா கைரேகை விவகாரத்தில் அதிமுக அவைத் தலைவர் மதுசூதனன் மீது நடவடிக்கை எடுக்கக் கோரி சிபிஐயிடம் திமுக சார்பில் மனு

Dinakaran - 0 sec fa

டெல்லி : ஜெயலலிதா கைரேகை விவகாரத்தில் அதிமுக அவைத் தலைவர் மதுசூதனன் மீது நடவடிக்கை எடுக்கக் கோரி சிபிஐயிடம் திமுக சார்பில் மனு அளிக்கப்பட்டது. ஏற்கனவே தலைமை தேர்தல் ஆணையத்தில் மனு அளித்த நிலையில் டெல்லியில் சிபிஐ தலைமை அலுவலகத்தில் மனு அளிக்கப்பட்டது. திருப்பரங்குன்றம் தேர்தலில் ஜெயலலிதாவின் கைரேகை போலியாக வைக்கப்பட்டதாக சரவணன் எம்எல்ஏ புகார் அளித்துள்ளார்.அப்போதைய தலைமை தேர்தல் அதிகாரி ராஜேஷ் லக்கானி, மாவட்டதேர்தல் அதிகாரி வீரராகவராவ் மீதும் புகார் மனு அளிக்கப்பட்டுள்ளது.

Categorie: India

ஹரியானாவின் மகேந்தரகரில் இன்று நடக்கவிருந்த சோனியா காந்தியின் தேர்தல் பிரச்சாரம் ரத்து

Dinakaran - 8 min 56 sec fa

சண்டிகர் : ஹரியானா மாநிலம் மகேந்தரகரில் இன்று நடக்கவிருந்த சோனியா காந்தியின் தேர்தல் பிரச்சாரம் ரத்து செய்யப்பட்டது. இடைக்கால காங்கிரஸ் தலைவர் சோனியா காந்திக்கு பதில் ராகுல் காந்தி பிரச்சாரம் மேற்கொள்கிறார்.

Categorie: India