Islanda

PLAYDAYS í verslunum SPORT24 í Reykjavík: 20-30% afsláttur á öllu í búðinni!

DV - 1 ora 3 min fa

Það eru PLAYDAYS í SPORT24 verslun okkar að Miðhrauni 2 í Garðabæ.

Nú má gera frábær kaup fyrir jólin á fyrsta flokks íþróttavörum frá öllum helstu merkjunum!

PLAYDAYS standa yfir dagana 18.-24. október og er 20-30% afsláttur á öllum vörum í búðinni! Allar nýjustu merkjavörurnar á afslætti: Puma, Nike, Adidas, Hummel, Fila, Champion, Ellesse og margt fleira.

Komdu og kláraðu jólagjafirnar í einni ferð!

SPORT24 býður upp á fyrsta flokks íþróttavörur á hagstæðu verði. Allar okkar vörur koma frá SPORT24 í Danmörku og getum við í mörgum tilfellum boðið upp á hagstæðasta verðið á íþróttafatnaði á Íslandi. Að auki er Outlet í öllum verslunum okkar þar sem má versla vörur á 30-80% afslætti alla daga, allt árið um kring. Það er ekkert skrítið að SPORT24 sé vinsælasta íþróttavöruverslunin á Íslandi. Fólk kemur í SPORT24 því það veit að það gerir hagstæð kaup hjá okkur,“ segja forsvarsmenn SPORT24 á Íslandi

Danska verslunarkeðjan SPORT24 og opnaði fyrsta útibúið á Íslandi í Reykjavík, október 2018. Næsta útibú var opnað á Akureyri og nýlega opnaði SPORT24 nýja og glæsilega 750 fm íþróttavöruverslun að Miðhrauni 2 Garðabæ, stutt frá Crossfit XY.

Fylgstu með SPORT24 á Facebook: SPORT24 Reykjavík

 

 

 

Categorie: Islanda

Ætli Gylfi Þór sé sammála? – ,,Það veit enginn af þessu en þetta er sannleikurinn“

DV - 1 ora 3 min fa

Kevin Mirallas, fyrrum leikmaður Everton, hefur gagnrýnt fyrrum stjóra liðsins, Sam Allardyce.

Mirallas var ekki í myndinni hjá Allardyce á Goodison Park og var farinn stuttu eftir hans komu.

Belginn hefur nú skotið hressilega á Allardyce og efast um hans hæfni sem þjálfari.

,,Roberto Martinez og Ronald Koeman vildu spila fótbolta en eftir þá kom Sam Allardyce,“ sagði Mirallas.

,,Ég efast um að hann kunni fótbolta því hann eyddi svona fimm mínútum á æfingasvæðinu.“

,,Enginn veit af þessu en það er sannleikurinn. Þú átt að geta valið leikmenn fyrir helgina en þú horfir ekki á þá æfa.“

,,Ég vann bara með honum í mánuð en ég ræddi við liðsfélagana og þeir sögðu mér að þetta væri erfitt.“

Categorie: Islanda

Hollywood leikstjóri hefur augastað á Björk – Ofbeldi Lars von Trier gæti komið í veg fyrir tækifærið

DV - 1 ora 4 min fa

Bandaríski kvikmyndagerðarmaðurinn Robert Eggers stefnir að því að kvikmynda hefndarsögu í víkingastíl sem nefnist The Northmen. Kvikmyndin er gerð eftir handriti sem Eggers skrifaði í samvinnu við rithöfundinn Sigurð Birgi Sigurðsson, betur þekktan sem Sjón.

Saga myndarinnar gerist á Íslandi við upphaf 10. aldar en heimildir herma að hún verði tekin upp að stórum hluta í Kanada, en Eggers notaðist mikið við landið við tökur á fyrri verkum sínum, sem eru kvikmyndirnar The Witch og The Lighthouse. Báðar kvikmyndir leikstjórans hafa hlotið nær einróma lof gagnrýnenda.

The Northmen skartar ýmsum þekktum andlitum og má búast við þeim Nicole Kidman, Willem Dafoe ásamt bræðrunum Bill og Alexander Skarsgård. Myndin segir í grunninn frá norskum prinsi sem hyggst koma morðingja föður síns fyrir kattarnef. Myndin er framleidd af Lars Knudsen, dönskum framleiðanda, sem hefur látið gott af sér leiða með þekktum hryllingsmyndum á borð við Hereditary og Midsommar.

Vilja fá Björk

Samkvæmt heimildum fréttamiðilsins Collider vilja aðstandendur myndarinnar ólmir fá söngkonuna Björk í aukahlutverk en ekki er vitað hvort sú ósk verði að veruleika. Eins og ýmsum er kunnugt gaf Björk upp leiklistaráhugann eftir átakanlegt samstarf við danska leikstjórann Lars von Trier. Björk og Lars von Trier unnu saman að kvikmyndinni Dancer in the Dark árið 2000. Samstarfið var erfitt og talaði Björk opinskátt um það á sínum tíma. Hins vegar voru ásakanir, sem hún setti fram á Facebook-síðu sinni árið 2017, mitt í MeToo-byltingunni, mjög alvarlegar. Þá sakaði Björk leikstjórann um kynferðislega áreitni.

„Ég er innblásin af öllum þeim konum sem láta í sér heyra á netinu til að láta í mér heyra varðandi reynslu mína af dönskum leikstjóra, því ég kem frá landi sem er eitt af þeim löndum sem er hvað næst jafnrétti kynjanna,“ skrifaði Björk meðal annars. Hún nafngreindi ekki Lars en ljóst var um hvern var rætt. „Ég varð þess vör að það væri almennt viðurkennt að leikstjórar geti snert og áreitt leikkonur sínar að vild og að það væri samþykkt innan kvikmyndaheimsins. Þegar ég ítrekað hafnaði leikstjóranum þá refsaði hann mér og bar hann þá upp á mig lygar við starfslið sitt þar sem mér var kennt um að vera sú erfiða í samstarfinu,“ skrifaði Björk. Lars von Trier svaraði henni í Jyllands Posten og hafnaði ásökununum. Sagði hann að það hefði ekki verið leyndarmál að hann og Björk hefðu verið svarnir óvinir á tökustað en það hefði líka skilað sér í frábærri frammistöðu Bjarkar í myndinni.

„Það er ekkert í þessu máli. Farið bara og skoðið sögu myndarinnar. Það voru átök en ég gerði þetta ekki,“ sagði Lars.

Categorie: Islanda

Pirraður út í lögregluna í Grafarholti – Ætlaði að hefna sín á eftirminnilegan hátt

DV - 1 ora 30 min fa

Talsvert var skráð í dagbók lögreglu í gærkvöldi og nótt. Um korter yfir fimm var óskað eftir aðstoð lögreglu í verslun í hverfi 103 vegna þjónaðar. Laust fyrir hálf sex í gær hoppaði einstaklingurinn í sjóinn í miðbæ Reykjavíkur. Einstaklingurinn var kominn á þurrt land þegar lögregla kom á vettvang og ekki að sjá að neitt amaði að.

Rétt tæplega sex var tilkynnt um þjófnað á eldsneyti í hverfi 107, en starfsmaður bensínstöðvarinnar fór á eftir hinum grunaða og hafði augun á honum þar til lögregla kom á vettvang og handtók hinn grunaða sem var í kjölfarið vistaður í fangaklefa í þágu rannsóknar málsins.

Laust fyrir sex var tilkynnt um þjófna í verslun í Kópavogi og rúmlega sex var tilkynnt um umferðaróhapp í hverfi 108. Klukkan hálf sjö komu lögreglumenn að einstaklingi utan við lögreglustöðina við Vínlandsleið í Grafarholti en sá var byrjaður að taka niður íslenska fánann sem þar blakti við hún. Aðspurður sagði einstaklingurinn að hann hefði ætlað að taka fánann vegna pirrings út í lögregluna. Eftir skýrslutöku hélt einstaklingurinn sína leið.

Einnig var haft afskipti við nokkra ökumenn sem gunaðir eru um akstur undir áhrifum fíkniefna eða sem voru ekki með ökuréttindi.

Categorie: Islanda

Vestfirðir – öll hættumerkin rauð

Bæjarins Besta - 1 ora 34 min fa

Mannfjöldaspá Byggðastofnunar var nýlega uppfærð. Spáð er að fram til 2067 muni íbúum Vestfjarða fækka um 2/3 frá því sem nú er. Gangi spáin eftir fækkar Vestfirðingum úr 7.000 í 2500 manns. Í Ísafjarðabæ mun íbúum fækka um nærri helming.  Í Vesturbyggð og Bolungavík mun fækka úr 1000 manns í 400 manns.  Forsenda spárinnar er að framtíðin þróist eins og síðustu áratugir.

 

Síðustu þrjátíu ár hefur  verið nokkurn vegin samfelld fólksfækkun á Vestfjörðum. Íbúum hefur fækkað úr 11.000 í 7.000 manns. Það er fækkun um þriðjung. Mannfjöldaspá Byggðastofnunar þarf ekki að koma á óvart. Það eru skilaboðin frá Byggðastofnun. Rauðari verða hættumerkin ekki.

 

Lægra eignaverð og minni eignamyndun

Gögn Byggðastofnunar um mat á fasteignum og upplýsingar Hagstofnunnar um hækkun skuldlausrar eigna fjölskyldna segja líka alvarlega sögu fyrir Vestfirðinga.

Byggðastofnun hefur frá 2010 reiknað út fasteignamat á nokkrum stöðum á landinu á tilteknu íbúðarhúsi. Þrjú af fjórum sveitarfélögum landsins þar sem fasteignamat þessa húss er hvað lægst  eru á Vestfjörðum og í þeim öllum er verðið langt undir kostnaðarverði. Á þessu tímabili hefur verið mikil almenn hækkun á íbúðaverði, einkum á höfuðborgarsvæðinu, þar sem verðið er hærra en byggingarkostnaður.  Á Vestfjörðum hefur hækkunin verið minni  og minnst á Ísafirði, þar sem fasteignaverðið er þó skást á Vestfjörðum. Það þýðir að dregið hefur í sundur með Ísafirði og höfuðborgarsvæðinu.

33,5 milljónir króna aukning hverrar fjölskyldu

Hagstofan birti nýlega greiningu um þróun eigna fjölskyldna síðustu árin. Þar kemur fram að skuldlaust eigið fé fjölskyldna landsins hefur þrefaldast frá 2010 til 2018. Það var um síðustu ára 4.744 milljarðar króna en voru 1.565 milljarðar króna í lok árs 2010. Aukningin á þessum góðæristíma  nemur að meðaltali 33,5 milljónir króna á hverja fjögurra manna fjölskyldu landsins. Um 80% af þessari skuldlausu eignaaukningu kemur fram í hækkun á verði fasteigna.

Vaxandi þjóðarframleiðsla á þessum árum skilar nýjum verðmætum upp á hundruð milljarða króna á hverju ári og þessi verðmæti birtast að lokum einhvers staðar í eignaverði. Tölur Hagstofunnar segja að þessi verðmæti liggi fyrst og fremst í íbúðaverði. Rúmlega ¾ af 2.555 milljarða króna eignaaukningunni í fasteignum frá 2010 til 2018 fellur til á höfuðborgarsvæðinu þar sem 64% íbúanna búa.

Hagvöxturinn frá 2010 hefur skilað gríðarlegum árlegum auknum verðmætum. Þeim er misjafnlega dreift um þjóðfélagið. Tekjuháir hafa fengið miklu meira en tekjulágir. En þeir sem eiga eignir á höfuðborgarsvæðinu hafa lika fengið miklu meira en íbúðaeigendur á Vestfjörðum. Munurinn er um fjórfaldur.  Ójöfnuðurinn hefur stórlega vaxið í þjóðfélaginu. Vaxandi ójöfnuður veikir landsbyggðina og sérstaklega Vestfirði.

Atvinna og tekjur

Stóra ráðandi atriðið varðandi íbúaþróun eru atvinna og tekjumögleikar.  Fólk færir sig til tækifæra að þessu leyti. Fólksfækkunin á Vestfjörðum síðustu þrátíu árin er fyrst og fremst vegna samdráttar í sjávarútvegi. Upp úr 1990 var veiði úr þorskstofninum skorin niður um helming að jafnaði og um 2/3 þegar mest var. Fyrirtækin stóðu ekki af sér slíkan samdrátt. Minni veiði þýddi minni minna og lægri tekjur. Síðan hefur tækniþróun fækkað störfum í sjávarútvegi um mörg þúsund. Þegar ekki koma önnur störf í staðinn verður þetta niðurstaðan.

Laxeldið í sjó sem er verið að byggja upp á Vestfjörðum hefur sýnt  svo ótvírætt er að ef tækifærin eru til staðar þá kemur fólkið og nýtir þau. Þar sem laxeldið er komið á veg er íbúaþróunin á betri veg. Þar er líka fasteignaverðið á uppleið. Atvinnu fylgja tekjur. Tekjum fylgir kaupgeta og eftirspurn.

Stórfellt uppbygging fiskeldis í sjó er stóra tækifæri Vestfirðinga. Það mun skila milljarðatugum króna árlega í þjóðarbúið en það mun sérstaklega styrkja byggðirnar þar sem atvinnustarfsemin verður.

Auðlindir og atvinna

Sjórinn og firðirnir eru  auðlindir Vestfirðinga.  Firðirnar verða ekki nýttir til fiskeldis nema á staðnum. Þess vegna mun fiskeldið verða Vestfirðingum lyftistöng.

Fiskimiðin eiga að vera það líka. En eru það ekki. Fyrir því eru kerfislægar ástæður. Ávinningurinn af hagræðingu og hækkandi heimsmarkaðsverði  á fiskafurðum kemur fram í verðinu sem fyrirtækin greiða fyrir aðganginn að miðunum. Þessi ávinningur var einkavæddur og nýtist ekki til uppbyggingar í byggðarlögunum. Nýting miðanna fyrir Vestfjörðum er opin og ekkert er greitt til Vestfjarða fyrir nýtinguna.

Það er staðreynd að greiddar eru háar fjárhæðir fyrir aðganginn að miðunum. Það er líka staðreynd að aðgangsverðið er komið inn í kostnað allra sjávarútvegsfyrirtækja sem greiða verðið. Spurningin er bara hver fær greitt, fáeinir einstaklingar eða almannasjóðir. Byggðirnar á Vestfjörðum eiga að fá tekjurnar að miklu leyti. Fjárhæðirnar nema tugum milljarða króna á hverju ári. Þau verðmæti munu bæta samfélögin og auka atvinnu. Þjónusta styrkist og lífskjör batna og Vestfirðingar fá réttmætan hlut í aukinni þjóðarframleiðslu, ef þetta gengur eftir.

 

Þetta þarf að gera til þess að hnekkja spá Byggðastofnunar, grípa til róttækra kerfisbreytinga.

Kristinn H. Gunnarsson

 

Categorie: Islanda

Mynd sem gerir allt vitlaust: Sjáðu hvern Pogba hitti í fríinu

DV - 2 ore 3 min fa

Nú eru sögusagnirnar um að Paul Pogba sé á leið til Real Madrid farnar af stað á ný eftir mynd sem birtist í gær.

Pogba vill komast burt frá Manchester United en hann er að glíma við meiðsli þessa stundina.

Pogba skellti sér til Dubai í landsleikjafríinu og þar hitti hann engan annan en Zinedine Zidane.

Zidane er stjóri Real en hann hefur áður viðurkennt að verta aðdáandi leikmannsins.

Þeir félagar ræddu málin eins og sjá má hér.

Categorie: Islanda

Áhrifavaldur lagður í einelti eftir að hafa afhjúpað hjónaband sitt með 58 ára gömlum karlmanni

DV - 2 ore 3 min fa

Mindy Minx er 27 ára og heldur úti vinsælli YouTube-rás. Hún er með yfir 200 þúsund áskrifendur og snýst rásin hennar mestmegnis um snyrtivörur og fegurðarráð en hún leyfir einnig fólki að fylgjast með sínu daglega lífi.

Fyrir tæplega ári síðan fóru fylgjendur hennar að vera forvitnir um hvaða karlmann hún var oft að tala við í myndböndunum sínum, en það sást aldrei í hann.

Hún ákvað að afhjúpa eiginmann sinn í YouTube-myndbandi, hinn 58 ára gamla Larry. Í kjölfarið fengu þau fjölda skilaboða þar sem þau voru bæði harðlega gagnrýnd fyrir 30 ára aldursmismun sinn. Hann var meðal annars kallaður barnaníðingur og hún kölluð gullgrafari (e. gold-digger).

Mindy og Larry voru gestir Dr. Phil á dögunum og ræddu um áreitið. Mindy segir að þau fá ekki aðeins ljót skilaboð á netinu, heldur eru þau áreitt í sínu daglega lífi. Einhver einstaklingur hefur hringt stanslaust í Mindy, annar aðili hringdi í faðir hennar og svo hefur fólk sent pítsur heim til þeirra.

Dr. Phil ráðlagði þeim að pæla ekkert í gagnrýnendum og veita þeim enga athygli.

„Aldrei veita hatara (e. hater) athygli, aldrei aldrei aldrei. Því það gefur þeim völd,“ sagði Dr. Phil. „Sumir elska að hata.“

Hér eru nokkur ráð sem hann gaf þeim til að kljást við net-einelti:

„Ekki svara, það er nákvæmlega það sem þau vilja.

Blokkaðu þau og tilkynntu.

Áttaðu þig á því að þau eru einfaldlega að reyna að fá viðbrögð. Ekki leyfa þeim að hafa stjórnina með því að bregðast of hart við.

Haltu ró þinni.“

Categorie: Islanda

Skilin eftir tíu ára hjónaband

DV - 2 ore 33 min fa

Leikkonan Christina Hendricks og leikarinn Geoffrey Arend hafa ákveðið að fara hvort í sína leiðina eftir tíu ára hjónaband. Þetta staðfesta þau við tímaritið Us Weekly.

„Við urðum ástfangin fyrir tólf árum og urðum par. Við sameinuðum dásamlegu fjölskyldurnar okkar tvær, hlógum óteljandi sinnum, eignuðumst yndislega vini og fengum ótrúleg tækifæri,“ segja fyrrverandi hjónin í yfirlýsingu til Us Weekly.

„Í dag tökum við næsta skref okkar saman en á sitthvorri leiðinni. Við verðum ávallt þakklát fyrir þá ást sem við deildum og munum ávallt vinna saman að því að ala upp dásamlegu hundana okkar tvö,“ stendur enn fremur. Yfirlýsingin endar á þessum orðum:

„Við ætlum að taka þennan tíma í að enduruppgötva okkur sjálf og við þökkum ykkur fyrir þolinmæði og stuðning sem þið sýnið með því að gefa okkur rými til að gera það á þessum umbrotatímum.“

Christina er hvað þekktust fyrir Mad Men, en er nú við tökur á þriðju seríu af Good Girls. Það var einmitt meðleikari hennar í Mad Men, Vincent Kartheiser, sem kynnti hana fyrir Geoffrey árið 2007. Þau gengu í hjónaband í New York í október tveimur árum síðar.

Categorie: Islanda

Óvenju einlægt viðtal við Harry um móður sína: „Í hvert sinn sem ég sé flass þá rifjast þetta allt upp“

DV - 3 ore 3 min fa

Harry Bretaprins veitti ITV News óvenju opinskátt og einlægt viðtal á meðan á tíu daga ferðalagi hans um Afríku stóð, og stendur í raun enn. Í viðtalinu segir Harry meðal annars við fréttamanninn Tom Bradby að hver smellur og flass í myndavél og almannafæri minni hann á móður sína, Díönu prinsessu heitna.

Tom spyr hvort Harry hafi náð innri frið eða hvort minningin um móður hans sé líkt og opið sár.

„Ég held að þetta sé eins og opið sár. Ég held að þetta sé hluti af því að vera í þessari fjölskyldu, í þessu hlutverki, í þessu starfi. Í hvert sinn sem ég sé myndavél, í hvert sinn sem ég heyri smell, í hvert sinn sem ég sé flass þá rifjast þetta allt upp. Þannig að því leyti er þetta versta minningin um lífið hennar, en ekki sú besta,“ segir Harry þá.

Ein af ástæðunum fyrir því að Harry var óvenju opinskár er sú að móðir hans lagði mikið á sig til að vekja athygli á bágum aðstæðum víðs vegar um Afríku. Nú er hann á sama stað og móðir hans, 22 árum eftir andlát hennar.

„Allt sem ég geri minnir mig á hana“

Viðtalinu í heild sinni verður sjónvarpað á sunnudagskvöld á ITV. Í því gagnrýnir hann til að mynda fjölmiðlaumfjöllun um bresku konungsfjölskylduna, en Harry og eiginkona hans, hertogynjan Megan, hafa blásið til stríðs við ensku slúðurpressuna síðustu vikur. Hafa þau meðal annars sakað nokkra miðla um „einelti“ og „þrotlausan áróður“.

Mæðginin.

„Það tekur á tilfinningalega að vera hér 22 árum seinna og reyna að klára það sem hún [Díana prinsessa] byrjaði á. En allt sem ég geri minnir mig á hana,“ segir Harry meðal annars og bætir við: „En eins og ég sagði, í þessu hlutverki, í þessari vinnu og með því álagi sem fylgir því þá er ég minntur á slæmu hlutina líka, því miður.“

Í ferðalaginu hefur Harry meðal annars heimsótt götu í Angóla sem var eitt sinn sprengjusvæði, þá sömu og Díana prinsessa heimsótti stuttu fyrir andlát sitt. Díana gekk um sprengjusvæðið árið 1997 til að vekja athygli á að enn væri mikið af jarðsprengjum á svæðinu sautján árum eftir að borgarastríðinu lauk. Myndir af henni í brynju og með hjálm vöktu heimsathygli. Nokkrum mánuðum síðar lést Díana í bílslysi í París. Þá var Harry tólf ára gamall.

Meghan og Harry með Archie litla, frumburð sinn.
Categorie: Islanda

Myndbandið sem hefur vakið mikla reiði: „Ýttu honum niður, ýttu honum bara niður“

DV - 11 ore 4 min fa

Myndband sem sýnir harkalega meðferð lögreglumanna á ungum manni hefur vakið talsverða reiði í Bandaríkjunum. Á myndbandinu sést þegar lögreglumaður ýtir unga manninum fram af þaki húss með þeim afleiðingum að hann skellur nokkuð harkalega í jörðina.

Forsaga málsins er sú að pilturinn, hinn 18 ára gamli Yadiel Torres, var grunaður um þjófnað á bifreið kærustu sinnar. Bifreiðin fannst fyrir utan hús í Kissimmee í Flórída nokkru síðar.

Þegar lögreglumenn ætluðu að ræða við Torres og handtaka vegna gruns um þjófnað hljóp hann í burtu, inn í umrætt hús áður en hann fór út um glugga. Lögreglumaður elti hann og var Torres fljótlega umkringdur og átti sér enga undankomuleið.

Lögreglumaður á jörðu niðri heyrist segja: „Ýttu honum niður, ýttu honum bara niður“. Torres býðst til að fara sömu leið til baka, niður stigann, en þá grípur lögreglumaðurinn á þakinu til þess ráðs að ýta honum niður.

Atvikið átti sér stað í mars síðastliðinum en myndbandið var birt opinberlega nýlega eftir að rannsókn á hörku lögreglu hófst. Nú hefur nefnd innan lögreglunnar komist að þeirri niðurstöðu að lögreglumennirnir tveir hafi haft að engu reglur um handtökur meintra brotamanna og beitt óþarflega mikilli hörku.

Í 40 blaðsíðna skýrslu lögreglu um málið kemur fram að Torres hafi ekki slasast í fallinu sem var tæpir þrír metrar. Ljóst má þó vera að hann hefði getað slasast illa.

Lögreglumaðurinn sem ýtti Torres fékk viðvörun vegna málsins en lögreglumaðurinn sem hvatti til þess að Torres yrði ýtt var sagt upp störfum. Sá var með fjórtán ára reynslu sem lögreglumaður.

Categorie: Islanda

Tíu ár síðan furðulegasta mark úrvalsdeildarinnar var skorað – Verður aldrei endurtekið

DV - Gio, 17/10/2019 - 23:55

Í dag eru tíu ár síðan furðulegasta mark í sögu ensku úrvalsdeildarinnar var skorað á Leikvangi Ljóssins.

Það var árið 2009 þegar Darren Bent skoraði stórfurðulegt mark fyrir Sunderland gegn Liverpool.

Flestir muna eftir þessu marki en Bent átti þá skota að marki sem fór í strandbolta og þaðan í netið.

Pepe Reina, markvörður Liverpool, átti ekki möguleika en boltinn breytti mikið um stefnu.

Í dag eru allar líkur á að markið væri ekki dæmt gott og gilt en það fékk að standa á þessum tíma.

Categorie: Islanda

Gunnar Smári er búinn að sjá Jókerinn: Frjálslyndir þola ekki sjá hana

DV - Gio, 17/10/2019 - 23:00

Gunnar Smári Egilsson, einn helsti hugmyndafræðingur vinstri-stefnunnar á Íslandi í seinni tíð, er loksins búinn að Jókerinn og tjáir sig um myndina á Facebook. Á Íslandi, ólíkt Vestanhafs, hafa vinstrimenn eina helst lofað myndina.

Sjá einnig: Eiríkur hæstánægður: Aldrei verið jafn erfitt að vera utangarðs – „Ég er trúður“

Gunnar Smári segir Jókerinn magnaða mynd. „Jókerinn er magnað fyrirbrigði; mynd um stéttaátök frá Hollywood … ég er enn að melta þetta. Þau einu sem kvarta yfir innihaldsleysi myndarinnar eru einhverjir páfar sem tilheyra hinni svokölluðu frjálslyndu miðju,“ skrifar Gunnar Smári.

Myndin hefur fengið misjafna dóma en Gunnar Smári telur sig vita ástæðuna fyrir því. „Þeir þola ekki að sjá heiminum stillt upp sem stéttaátökum, vita að ef svo er þá eru þeir í liði með auðvaldinu. Þessi framsetning truflar ekki venjulegt fólk, það fagnar því að Hollywood sýnir loks heiminn eins og hann er,“ segir hann.

Gunnar tjáir sig jafnframt um myndina í athugasemdum við færslu Björns Þorlákssonar á Facebook. Björn skrifar á sínu síðu: „Joker er harmsaga um ferðalag utangarðsmanns frà órétti og sjálfsvörn til sturlunar og illsku. Hún er listræn, persónusköpunin af evrópskum gæðatoga, tónlist Hildar er stórbrotin og leikur eins og best getur orðið. Ég gekk hryggur og snortinn út úr bíóhúsi í kvöld. Þetta er mun stærra verk en sem nemur pólitísku pungsparki í kapítalismann,“ skrifar Björn.

Gunnar Smári svarar þessu: „Ég upplifði þetta ekki sem pungspark, er ekki merkingin óþverrabragð sem andstæðingur er varnarlaus fyrir? Það sem er sérstakt við Jókerinn að hún er amerísk blockbustermynd sem sviðsett er innan kapítalismans eins og hann er og virkar á meginþorra fólks, verst náttúrlega á þá sem veikast standa eins og sögupersóna myndarinnar og þau sem hann umgengst. Það er ekki óþverrabragð að segja hverja sögu eins og hún er, myndin fjallar um fólk sem kapítalisminn sparkar í punginn á kvölds og morgna, alla daga ársins.“

 

 

Categorie: Islanda

Embætti ríkislögreglustjóra gæti verið sameinað öðru og Haraldur látið af störfum

DV - Gio, 17/10/2019 - 22:34

Áslaug Arna Sigurbjörnsdóttir dómsmálaráðherra segir að unnið sé af hálfu aðila úr dómsmálaráðuneytinu og lögreglunnar að skipulagsbreytingum á yfirstjórn lögreglunnar og velt sé upp möguleikum á sameiningu lögregluembætta á Stór-Reykjavíkursvæðinu til að koma í veg fyrir tvíverknað og auka skilvirkni – meðal embætta sem þar eru undir er embætti Ríkislögreglustjóra sem gæti verið sameinað öðru embætti. Þetta kom fram í viðtali Kastljóss við Áslaugu í kvöld.

Mikil styrr hefur staðið um Harald Jóhannessen ríkislögreglustjóra. Áslaug Arna gat ekki sagt til um hvort Haraldur yrði í starfi áfram en málin myndu skýrast á næstu vikum. Hún sagðist bera traust til Haraldar. Hins vegar viðurkenndi hún að hún hafi verið ósátt við viðtal Haraldar við Morgunblaðíð sem jók enn á óánægju með hann. Í viðtalinu ýjaði Haraldur að spillingu innan lögreglunnar. Áslaug kvaðst hafa tjáð Haraldi óánægju sína með viðtalið.

Categorie: Islanda

Netverjar ræða um Pabbahelgar: „Þetta er með bestu þáttum sem ég hef séð!!“ – Taktu þátt í könnun DV

DV - Gio, 17/10/2019 - 22:30

Í Facebook-hópnum S01E01 eru yfir átján þúsund meðlimir. Hópurinn er vettvangur fyrir fólk til að ræða um sjónvarpsþætti „líkt og um æðri bókmenntir væri að ræða,“ segir í lýsingu hópsins.

Í gærkvöldi spurði Þórhallur nokkur: „Pabbahelgar. Er þetta gott eða slæmt?“

Pabbahelgar er ný leikin íslensk þáttaröð sem hóf göngu sína á RÚV fyrr í mánuðinum.

Fjöldi fólks hefur skrifað við færslu hans. Mörgum finnst þættirnir góðir, sumum finnst þeir fínir og aðrir kvarta undan kjánhahrollnum sem þættirnir gefa þeim.

Hér eru nokkur ummæli:

„Stórfínt alveg.“

„Kjánahrollur hér og þar.“

„Meira gott en slæmt.“

„Mér finnst þeir mjög skemmtilegir.“

„Svoldið óvenjulegir en hafði gaman af þeim, ætla að klára þá.“

„Betra en margt annað íslenskt sjónvarpsefni, kom á óvart.“

„Hressandi þættir, íslenskt er oft kjánó.“

„Þetta er með bestu þáttum sem ég hef séð!!“

Að lokum sagðist Þórhallur vera sannfærður og ætla að horfa á þættina.

Hvað segja lesendur, eru Pabbahelgar góðir þættir? Svaraðu í skoðanakönnuninni hér að neðan.

Hvað finnst þér um Pabbahelgar?Góðir þættir.Lélegir þættir.Allt í lagi en ætla að halda áfram að horfa á þá.Á eftir að horfa á þá.ResultsKjósa
Categorie: Islanda

Ashley Cole aftur til Chelsea

DV - Gio, 17/10/2019 - 22:20

Ashley Cole, fyrrum leikmaður Chelsea, er snúinn aftur til félagsins en þetta var staðfest í kvöld.

Cole er goðsögn í herbúðum Chelsea en hann vann ófáa titla með félaginu áður en hann kvaddi og fór til Ítalíu.

Cole hefur nú tekið að sér þjálfarastarf hjá Chelsea en hann mun starfa í akademíu félagsins.

Margir fyrrum leikmenn Chelsea eru mættir aftur til félagsins en Frank Lampard er stjóri liðsins.

Þeir Claude Makelele og Petr Cech eru einnig hjá félaginu og sinna öðrum störfum.

Categorie: Islanda