Armenia

Նոր առաջարկ վարչապետի այցից հետո․ պատրաստ են գնել Գյումրու սրտում գտնվող սիրված ֆիլմերի բակը՝ տներով (Ֆոտոշարք)

Aravot - 14 min 2 sec fa
Բնակիչներից մեկը նկատեց, որ հարստություն է, բայց անուշադրության է մատնված, որին ի պատասխան՝ վարչապետը հարցրեց․ «Ձեր փոխարեն ո՞վ պետք է ուշադրություն հրավիրի, ձեր բակն է, ասենք ես պիտի գա՞մ աղբը ձեր բակից կամ ծխախոտի մնացորդները հավաքեմ»։
Categorie: Armenia

Ինձ մտահոգեց հոսպիտալի հոգեբուժական բաժանմունքը․ Նաիրա Զոհրաբյան

A1Plus - 21 min 33 sec fa
ԱԺ ԲՀԿ պատգամավոր Նաիրա Զոհրաբյանը Ֆեյսբուքի իր էջում գրում է․
Categorie: Armenia

Վարչապետն ընդունել է ԱՄՀ Միջին Արևելքի և Կենտրոնական Ասիայի դեպարտամենտի տնօրենին

Lragir - 24 min 59 sec fa

Վարչապետ Նիկոլ Փաշինյանն այսօր ընդունել է Արժույթի միջազգային հիմնադրամի (IMF) Միջին Արևելքի և Կենտրոնական Ասիայի դեպարտամենտի տնօրեն Ջիհադ Ազուրին: Հանդիպմանը ներկա էր նաև Հայաստանում ԱՄՀ մշտական ներկայացուցիչ Յուլյա Ուստյուգովան:

Վարչապետը նշել է, որ Հայաստանի և Արժույթի միջազգային հիմնադրամի միջև առկա է արդյունավետ համագործակցություն, և կառավարությունը հետաքրքրված է դրա զարգացմամբ: Նիկոլ Փաշինյանի խոսքով՝ Հայաստանը տարբեր ոլորտներում բարեփոխումների հավակնոտ օրակարգ ունի, և այդ գործընթացում միջազգային գործընկերների, այդ թվում՝ ԱՄՀ օժանդակությունը կարևոր նշանակություն ունի:

ԱՄՀ Միջին Արևելքի և Կենտրոնական Ասիայի դեպարտամենտի տնօրենը բարձր է գնահատել ՀՀ կառավարության հետ համագործակցությունը և ընդգծել, որ Հայաստանը հուսալի գործընկեր է ԱՄՀ համար: Ջիհադ Ազուրը նշել է, որ ԱՄՀ-ն պատրաստ է փոխշահավետ գործակցության շրջանակում աջակցել ՀՀ կառավարությանը՝ բարեփոխումները հաջողելու գործընթացում և երկրի տնտեսական առաջընթացին միտված ծրագրերում:

Վարչապետը, խոսելով ՀՀ տնտեսության առաջնահերթությունների մասին, նշել է, որ կառավարության նպատակը արտահանմանը միտված և տեխնոլոգիաների վրա հիմնված տնտեսության ձևավորումն է: Հյուրի խնդրանքով Նիկոլ Փաշինյանն անդրադարձել է տնտեսության կառուցվածքի փոփոխությունների, կոռուպցիայի դեմ պայքարի, դատաիրավական ոլորտի, պետական կառավարման համակարգի բարեփոխումների, ներդրումային միջավայրի բարելավման, ենթակառուցվածքների զարգացման և այլ ուղղություններով իրականացվող քայլերին ու միջոցառումներին: Ջիհադ Ազուրը նշել է, որ ԱՄՀ-ն սատարում է ՀՀ կառավարության՝ երկրի տնտեսությունը բարեփոխելու ջանքերին:

ՀՀ վարչապետը և ԱՄՀ  Միջին Արևելքի և Կենտրոնական Ասիայի դեպարտամենտի տնօրենը մտքեր են փոխանակել զարգացման երկարաժամկետ ռազմավարությունների տեսլականի շուրջ:

Categorie: Armenia

Պատմական հայկական Սուրբ Գևորգ եկեղեցու վերակառուցման աշխատանքներ են նախատեսվում

Aravot - 25 min 18 sec fa
Կիսավեր եկեղեցին գտնվում է տեղի զինված ստորաբաժանման տարածքում։ Թուրքիայի պաշտպանության նախարարությունը շինության սեփականության իրավունքը հանձնել է արդեն նահանգային ղեկավարությանը։
Categorie: Armenia

Հայաստանի Մ-19 հավաքականի գլխավոր մարզիչ է նշանակվել Ռաֆայել Նազարյանը

Lragir - 26 min 42 sec fa

Հայաստանի Մ-19 հավաքականը նոր գլխավոր մարզիչ ունի. թիմը կգլխավորի Ռաֆայել Նազարյանը։

Նրա գլխավորությամբ Հայաստանի Մ-21 հավաքականը գրանցել է իր լավագույն արդյունքը՝ Եվրոպայի 2013թ․ առաջնության ընտրական փուլի խմբային մրցաշարում զբաղեցնելով 2-րդ հորիզոնականը (15 միավոր)։ Նազարյանն աշխատել է նաև ազգային հավաքականի մարզչական շտաբում։ Երկրի գլխավոր թիմում 1997-2007-ը անցկացրել է 23 խաղ, խփել 1 գոլ։

Ինչպես տեղեկացրին Հայաստանի ֆուտբոլի ֆեդերացիայից, օգոստոսի 21-ին և 23-ին Հայաստանի Մ-19 հավաքականը Ռաֆայել Նազարյանի գլխավորությամբ կհանդիպի Լիբանանի ընտրանուն։

Categorie: Armenia

Վարչապետն ընդունել է ԱՄՀ Միջին Արևելքի և Կենտրոնական Ասիայի դեպարտամենտի տնօրենին

A1Plus - 27 min 33 sec fa
Վարչապետը նշել է, որ Հայաստանի և Արժույթի միջազգային հիմնադրամի միջև առկա է արդյունավետ համագործակցություն:
Categorie: Armenia

Սննդամթերքի անվտանգության տեսչական մարմնի պաշտոնատար անձանց կողմից լիազորությունները չարաշահելու հետևանքով պետության շահերին էական վնաս է պատճառվել

Aravot - 35 min 9 sec fa
2017-2018թթ. ընթացքում իրականացրած վերահսկողական գործառույթների շրջանակներում Երևան քաղաքի վարչական տարածքում հայտնաբերված խախտումների կապակցությամբ վարչարարություն իրականացնելիս շահադիտական, անձնական այլ շահագրգռվածությունից կամ խմբային շահերից ելնելով, իրենց պաշտոնեական դիրքն օգտագործել են ծառայության շահերին հակառակ:
Categorie: Armenia

Սննդամթերքի անվտանգության տեսչական մարմնի պաշտոնյաները պետության շահերին էական վնաս են պատճառել

Lragir - 40 min 24 sec fa

ՀՀ սննդամթերքի անվտանգության տեսչական մարմնի պաշտոնատար անձանց կողմից պաշտոնեական դիրքը չարաշահելու առերևույթ դեպքի առթիվ հարուցվել է քրեական գործ: ՀՀ ոստիկանության Երևան քաղաքի վարչությունում նախապատրաստված նյութերով պարզվել է, որ սննդամթերքի անվտանգության տեսչական մարմնի պաշտոնատար անձիք 2017-2018թթ. ընթացքում վերահսկողական գործառույթներ իրականացնելիս, չարաշահել են իրենց պաշտոնեական դիրքը:

Մասնավորապես, 2017-2018թթ. ընթացքում իրականացրած վերահսկողական գործառույթների շրջանակներում Երևան քաղաքի վարչական տարածքում հայտնաբերված խախտումների կապակցությամբ վարչարարություն իրականացնելիս շահադիտական, անձնական այլ շահագրգռվածությունից կամ խմբային շահերից ելնելով, իրենց պաշտոնեական դիրքն օգտագործել են ծառայության շահերին հակառակ:

Այսպես, 22 տնտեսվարող սուբյեկտեների մոտ խախտումներ հայտնաբերելուց հետո, պաշտոնական փաստաթղթերում ներառելով ակնհայտ կեղծ տեղեկություններ, որ խախտումներ չեն հայտնաբերվել, վարչական պատասխանատվության չեն ենթարկել, ինչպես նաև առանց օրենքով նախատեսված բավարար հիմքերի, ազատել են օրենքով սահմանված պատասխանատվությունից, ինչի արդյունքում պետության օրինական շահերին պատճառվել է էական վնաս՝ մոտ 2.200.000 ՀՀ դրամի չափով:

Ուստի, նկատի ունենալով, որ նախապատրաստված նյութերում առերևույթ առկա են հանցակազմի հատկանիշներ պարունակող փաստական տվյալներ, դատախազի որոշմամբ հարուցվել է քրեական գործ՝ ՀՀ ՔՕ-ի 308-րդ հոդվածի 1-ի մասի և 314-րդ հոդվածի հատկանիշներով: Նախաքննությունը հանձնարարվել է ՀՀ Քննչական կոմիտեին:

ՀՀ դատախազության հանրային կապերի բաժին

Categorie: Armenia

ՍԱՏՄ պաշտոնատար անձինք չարաշահել են պաշտոնեական դիրքը․ քրեական գործ է հարուցվել

A1Plus - 40 min 33 sec fa
ՀՀ սննդամթերքի անվտանգության տեսչական մարմնի պաշտոնատար անձանց կողմից  պաշտոնեական դիրքը չարաշահելու առերևույթ դեպքի առթիվ հարուցվել է քրեական  գործ:
Categorie: Armenia

Փոփոխվում են «Կյանքի ստենտ» ծրագրի չափանիշները․ Առողջապահության նախարար

A1Plus - 46 min 33 sec fa
Այսօր ստորագրեցի հրաման, որով փոփոխվում են «Կյանքի ստենտ» (Stent for Life) ծրագրի չափանիշները: 
Categorie: Armenia

Խորհրդատուն՝ առողջապահության նախարարին. Առողջ բանականությանը նախընտրեցիք ֆեյսբուքյան սին մեկնաբանություններն ու պոպուլիստական հայտարարությունները

Aravot - 49 min 18 sec fa
Ցավում եմ, քանի որ ունեիք բոլոր հնարավորությունները ռեալ փոփոխություններ կատարելու Հայաստանի առողջապահության ոլորտում, սակայն նախընտրեցիք սուտն ու կեղծիքը, նախընտրեցիք ընտրել այն սենյակը, որտեղ ամենախելացին Դուք կերևայիք, բնավ չընկալելով, որ կայացած բժիշկների նկատմամբ խանդով ու նախանձով լցվելով և անկարող և նեղմիտ կադրերով ոլորտը լցնելով, քանդում եք այն:
Categorie: Armenia

Ռուսաստանցիների մեծամասնությունը վստահ Է, որ 20 տարի անց իրենց երկրում ավելի լավ չի լինելու

Lragir - 50 min 10 sec fa

Ռուսաստանի քաղաքացիների գրեթե մեկ երրորդը (30 տոկոսը) վստահ Է, որ 20 տարի անց երկրի տնտեսության մեջ եւ ֆինանսական ոլորտում իրավիճակը չի փոխվի: Ռուսաստանցիների քառորդ մասը վստահ Է, որ ավելի լավ կլինի, իսկ վատթարացում Է սպասում համաքաղաքացիների 22 տոկոսը: Այդ մասին վկայում են «Հասարակական կարծիք» հիմնադրամի (ՀԿՀ) անցկացրած հարցման տվյալները, տեղեկացնում Է «Արմենպրես»-ը:

Ռուսաստանցիների գրեթե երկու երրորդը (62 տոկոսը) այն կարծիքն Է հայտնել, որ երկրի ներկայիս իրադրությունը չի տրամադրում, որ կյանքի իրենց պլանները կազմեն առաջիկա մի քանի տարվա համար: Այս հարցվածներից յուրաքանչյուր հինգերորդն իր կարծիքը բացատրում Է «անկայունությամբ եւ վաղվա օրվա նկատմամբ անվստահությամբ»: ՀԿՀ-ի տվյալներով, այս կատեգորիայի հարցվածների 12 տոկոսը նշում Է աշխատավարձերի եւ կենսաթոշակների փոքր չափերը եւ ցածր կենսամակարդակը: Այն անձանցից յուրաքանչյուր տասներորդը, ովքեր ներկայիս ժամանակաշրջանն անբարենպաստ են համարում ապագա մի քանի տարվա պլաններ կազմելու համար, նշում Է գների եւ տարիֆների աճը:

Դրա հետ մեկտեղ սոցիոլոգները նշում են, որ ռուսաստանցրիների 28 տոկոսը երկրի ներկայիս իրադրությունը բարենպաստ Է համարում առաջիկա մի քանի տարվա պլաններ կազմելու համար: Նրանք վստահ են երկրի կայուն իրադրությանը, ինչպես նաեւ նշում են, որ իշխանությունները շատ բան են անում բնակչության կյանքի պայմանները բարելավելու համար:

Հարցումը 2019 թվականի օգոստոսի 11-ին 18 եւ ավելի բարձր տարիքի 1500 քաղաքացիների շրջանում անցկացվել Է ՌԴ-ի 104 բնակավայրերում եւ 53 սուբյեկտներում, հաղորդել Է «Ինտերֆաքս»-ը:

Categorie: Armenia