Somaliland Today

Abbonamento a feed Somaliland Today
News and other matters of interest to Somali speaking community
Aggiornato: 1 ora 55 min fa

Shirweynaha Xisbiga KULMIYE: Damaca Maxamuud Xaashi Iyo Ballanta Madaxweyne Biixi Ee Madax-dhaqameedka Beesha Bariga Burco

2 ore 51 min fa

Shirweynaha Xisbiga Muxaafidka ee KULMIYE ayaa loo muddeeyay inuu qabsoomo horraanta bisha October, 2020.

Shirweynahan ayaa la filayaa inaanu keenin isbeddel weyn oo lagu sameeyo hoggaanka Xisbiga, waxaase la filayaa in ergadu isbeddel ku samayso tirada guddiga fulinta iyo Golaha dhexe ee Xisbiga.

Laakiin, Shirweynaha Xisbiga ayaa la saadaalinayaa inay hadhayn doonto xiisad siyaasadeed oo ka iman doonta Guddoomiye-nimada Xisbiga, iyadoon la ogayn in Madaxweyne Biixi uu Guddoomiye-ninada Xisbiga Wareejin doono.

Siyaasiga Maxamuud Xaashi Cabdi ayaa hore u sheegay inuu u baratami doono Guddoomiyaha Xisbiga marka la gaadho Shir-weynaha, laakiin Maxamuud Xaashi Cabdi ayaa ku dhawaaqidda damaciisa wuxuu ku kasbaday Cadaawad siyaasadeed, waxaanu Mad-madow soo kala dhex galay isaga iyo Madaxweyne Biixi oo aad u kala fogaaday.

Inkasta oo ay jiraan dedaallo lagu doonayo in la isugu soo dhaweeyo Madaxweynaha iyo Maxamuud Xaashi, haddana ma jiro wax kulan ah oo si dadban iyo si toos ah u dhex maray Madaxweynaha iyo Siyaasigan, tan iyo xilligaa uu Maxamuud Xaashi ku dhawaaqay Damaciisa, lamana hubo in Maxamuud Xaashi uu ka mid noqon doono Ergada ka qayb-galaysa Shirweynaha Xisbiga.

Madaxweynaha Biixi ayaa la sheegay inuu daba-yaaqada bishan la ballansan yahay Madaxda dhaqanka ee Beelaha bariga Burco oo la filayo inay ka wada-hadli doonaan Mustaqbalka hoggaanka Xisbiga Kulmiye.

Si kastaba ha ahaatee, su’aalaha la iswaydiinayo ee uu ka jawaabi doono Shirweynaha Xisbigu waxa ka mid ah, in Madaxweyne Biixi uu wareejin doono Guddoomiye-nimada Xisbiga iyo inuu Gacantiisa ku sii haysan doono iyo weliba haddii Maxamuud Xaashi uu waayo fursad uu Xisbiga kaga dhex tartamo inuu sii joogi doono Xisbiga iyo inuu Rarri doono Geeddi siyaasadeed oo cusub.

Categorie: Somalia

Ciidammada AMISOM Oo Saldhig Loogu Samaynayo Meel Xuduudka Somaliland U Jirta 60KM

2 ore 56 min fa

(SLT-Hargeysa)-Ciidammada Nabad-ilaalinta Afrika ee Soomaaliya (AMISOM) ayaa la sheegay in Saldhig looga samaynayo meel ka baxsan Soomaaliya oo ah gudaha dalka Itoobiya.

Sida Wargeyska baahiyaha xogaha qarsoon ee Indian Occean uu sheegay Saldhigga Tababbarrada Ciidammada AMISOM ee xilligan ku yaalla Magaalada Muqdisho ayaa loo rarrayaa Magaalada Jigjiga ee xarunta Ismaamulka Soomaalida Itoobiya.

War-sidaha Indian Occean oo Wargeyska Geeska Afrika soo xigtay ayaa sheegay in Dawladda Maraykanku ay shirkad fadhigeedu yahay Maraykanka oo Magaceedu yahay (PAE), Qandaraas ku siisay inay diyaariso adeegyada aasaasiga ah ee Saldhigga Tababbarka ee AMISOM looga dhisayo Magaalada Jigjiga, taasi oo ku taalla meel 60KM u jirta xuduudka Somaliland.

Qandaraaska Shirkadda (PAE) la siiyey ayaa ku kacaya $13.6 million oo Lacagta Maraykanka ah.

Ciidammada AMISOM waxa Magaalada Muqdisho Xaruntooda Guud ahayd illaa sannadkii 2007-dii, waxayna dagaal kula jireen dagaalamayaasha Al-shabaab, iyagoo taageeraya Ciidammada Maxaliga ah ee Dawladda Federaalka Soomaaliya.

Ciidammadan ka socda Qaaradda Afrika ee AMISOM ayaa sidoo kale qayb ka ahaa Tababbarrada Ciidammada Soomaaliya.

Illaa hadda ma cadda, sababta loo qaatay Go’aanka Saldhigga Ciidammada AMISOM ee Muqdisho loogu rarrayo Dalka Itoobiya, kaasi oo taageero siinayey Hay’adaha Dawladaha Federaalka ee Soomaaliya.

Categorie: Somalia

Golaha Wasiirrada Kenya Oo La Sheegay Inay Ka Doodayaan Aqoonsi La Siiyo Somaliland

3 ore 7 min fa

(SLT-Nairobi)-Warar ka imanaya Magaalada Nairobi ee dalka Kenya ayaa sheegaya in Xukuumadda dalkaasi ee uu hoggaamiye Madaxweyne Uhurru Kenyatta ay ku doodayso Aqoonsi la siiyo Somaliland.

Shabakadda Wararka ee Garoowe Online oo soo xiganaysa Masuul sare oo aanay Magaciisa sheegin ayaa ku warrantay in Golaha Xukuumadda ee Kenya uu hor-yaallo Mooshin ku saabsan sidii Somaliland loo siin lahaa Aqoonsi buuxa.

Mooshinkan ayaa waxa Golaha Wasiirrada u soo gudbiyey Wasiirro ka mid ka mid ah Dawladda Kenya iyo Xubno kale oo muhiim ah.

Fadhigii koowaad ee arrintan lagaga dooday ayaa ayaa guddoominayey Madaxweynaha Kenya Mudane Kenyatta, sida laga soo xigtay Masuulka aan Magaciisa la shaacin.

Warku wuxuu intaa ku darayaa in arrintan oo socotay illaa bishii July ee dhamaatay ay Golaha Wasiirradu saareen guddi Qodaxda ka gura Mooshinka isla-markaana daraaseeya, xilligana la sugayo Talo-bixinta Wasaaradda arrimaha dibedda ee Kenya “Golahayaga Wasiirradu waxay ka wada-hadlayaan suurto-galnimada in aqoonsi la siiyo Somaliland, doodduna way sii soconaysaa.” Ayuu yidhi, Masuulkan sare ee aan Magaciisa la sheegin, waxaanu intaa ku daray in hawshu soconayso ka dib marka ay arkayaan Talo-bixinta khuburrada Wasaaradda Arrimaha dibedda.

Ilo-wareedkani waxa kale oo uu intaa sii raaciyey in Toddobaadyada soo socda oo ay Doodda Arrintani sii jiri doonto ay suurto-gal tahay in Madaxweynaha Somaliland Md. Muuse Biixi Cabdi iyo Wefti uu hoggaaminayaa ay tagaan Magaalada Nairobi, safarkaasi oo la xidhiidha arrintan.

Lama hubo in Madaxweynaha uu muddada uu Nairobi ku sugan yahay la kulmi doono dhiggiisa Kenya, Uhurru Kenyatta.

Warkan ayaa ku soo beegmaya xilli Somaliland ay bilihii u horreeyay ee sannadkan ay Qaaradaha Afrika iyo Aasiya ka bilowday dedaallo diblumaasiyadeed oo ay ku iib-geynayso Qaddiyaddeeda Ictiraaf-raadineed.

Categorie: Somalia

“Taawar Aanaan Ogeyn Oo Meel Laga Taagi Karaa Ma Jiro” Wasiirka Isgaadhsiinta Iyo Tignoolajiyadda Somaliland

3 ore 18 min fa

(SLT-Hargeysa)-Xukuumadda Somaliland ayaa tilmaantay in qorshaheedu yahay sidii loo ilaalin lahaa daryeelka iyo caafimaadka Ummadda, loogana hortagi lahaa qorshe kasta oo waxyeleo ku ah, waxaanu si gaar ah u xustay in aan la baalmari karin sharcigii iyo xeerkii ay ka soo saartay Tawarrada.

Wasiirka Isgaadhsiinta iyo Tignoolajiyadda Somaliland Dr. Cabdiweli Sheekh Cabdilaahi Suufi Jibriil, oo u warramay Wargeyska Geeska Afrika ayaa sidoo kale ka hadlay Qorshaha Wasaaraddiisa, waxaanu ugu horeyn yidhi “Xukuumad ahaan waxaanu diyaar u nahay in aanu mar kasta ka fikirino oo aanu ilaalino daryeelka iyo caafimaadka umadda, aanu xilka u hayno, ahmiyadda iyo muhiimadda koowaadna waa in aanu ka ilaalino wax kasta oo dhib ku ah, sidaas darteed Sharcigii aanu ka soo saarnay Taawarrada cid ka talaabsan karta ma jirto,Taawar aanu ogeyn oo meel laga taagi karaana ma jiro, cid kasta oo jabisa sharciga, talaabo adag ayaa laga qaadi doona”.

Mar uu ka hadlayey qorshaha Wasaaraddiisa ayaa yidhi “Qorshaha aanu wadno waa sidii aynu horumar uga gaadhi lahayn Isgaadhsiinta, Tignoolajiyadda iyo Boosaha, kolay xanuunkii Covid 19 ayaa hakad inagu keenay, laakiin dedaalladii iyo horumarkii weynu wadnaa, qorshaheenuna wuxuu yahay sidii aynu Caalamka ula jaanqaadi lahayn”.

Mar uu baaq u dirayey Shacabka ayaa yidhi “Shacabka reer Somaliland runtii waa Shacab aad iyo aad u wanaagsan, laakiin waxaan ku dhiirigelinayaa oo aan kula talinayaa inay noqdaan mar walba Shacab isku duuban, oo dalkooda meel uga soo wada jeesta, kana dheeraada wax kasta oo qaranimadooda dhibaato ku keenaya”.

Categorie: Somalia

Ganacsade Soomaali Ah Oo Lagu Dilay Dalka Koonfur Afrika

3 ore 31 min fa

(SLT-Durban)-Faah-faahin dheeraad ah ayaa waxaa laga helayaa dil nin Soomaali ah loogu geystay gudaha waddanka Koonfur Afrika.

Marxuumka ayaa waxaa lagu magacaabi jiray, Faarax Weyd, kaas oo lagu dilay goob ganacsi oo uu ku lahaa magaalada Durban ee dalkaasi.

Wararka ayaa sheegaya in kooxo budhcad Afrikan ay weerar ku qaadeen marxuumka oo uu markii hore soo gaadhay dhaawac, balse markii dambe u dhintay.

Kooxda dilka fulisay oo goobta ka baxsatay ayaa lagu soo warramayaa inay doonayeen inay dhac u geystaan ganacsadahaasi Soomaaliga ahaa.

Sidoo kale waxaa goobta gaadhay ciidammo ka tirsan kuwa Booliska dalka Koonfur Afrika, balse ma jirto wax tallaabo ah oo ay qaadeen dhacdada kadib.

Muddooyinkii la soo dhaafaywaxaa sii kordhayey dilalka iyo weerarada ka dhanka ah Soomaalida ee ka dhaca wadanka Koonfur Afrika.

Tan iyo markii la guda galay sanadkaan 2020 ayaa waxaa Soomaali badan dil iyo dhaawac loogu geystay magaalooyinka waa weyn ee wadankaasi

Categorie: Somalia

Facebook Iyo Twitter Oo Hawada Ka Saaray Muuqaalo Uu Trump Faafinayey

3 ore 47 min fa

(SLT-Washington)-Shabakadaha internetka ee Twitter iyo Facebook ayaa hawada ka saaray fiiramaha uu barahaasi ku faafinayey Madaxweynaha Maraykanka Donald Trump.

Fariimahan hawada laga saaray ayaa la xadhiidhay been uu faafinayey Trump oo ku aadan cudurka Covid19, Muuqaaladan ayaa waxaa kamid ahaa wareysi uu Trump dhawaan bixiyey oo uu ku sheegayey in Carruurta da’ada yar aanu ku dhicin cudurka Covid19, taasi oo ah ‘ been’ maadaama uu cudurkan hore ugu dhacay carruur badan oo qaarkood u geeriyooday.

Twitter iyo Facebook ayaa ku khasabtay Trump inuu ka saaro muuqaalada bartiisa, hadii uu doonayo inuu sii isticmaalo shabakadahaasi arrintaasi oo ay muuqato inay u hogaansameen kooxda u shaqeysa Trump.

Categorie: Somalia